Heydər Əliyev
yeni azerbaycan logo

Ana səhifə / Sosial / Məzuniyyətsiz iş...

Məzuniyyətsiz iş...

04.08.2022 [10:56]

Ömrünüzdən 10 il aparacaq

MÜŞFİQƏ

İş yerindəki stress dövrümüzün ən əsas problemlərindən biridir. Gərgin iş rejimi, məsuliyyətin artması, eləcə də çəkişməli rəqabət istər-istəməz  insanı stressli iş mühitinə sürükləyir. Mütəxəssislərin fikrincə, stress əgər daimi və uzun müddətli davam edərsə, bərpa olunmaz problemlər yarada və iş məhsuldarlığını kəskin şəkildə aşağı düşürə bilər. İşə fokuslana bilməyən işçi özü də fərqində olmadan səmərəliliyi artırmaq əvəzinə daha da azaldır. Stressiz  iş mühiti üçün nələrə diqqət edilməlidir?

Bu gün tətil və istirahət mövzusu bütün dünyanın gündəmindədir. Hər kəs planlar qurur, gedəcəyi tətilin xəyalı ilə yaşayır. Bir də var istirahətsiz çalışanlar. Bu insanları ifadə edən yeni xəstəlik “Məzuniyyətin olmaması sindromu” kəşf olunub.  İstirahətə məhəl qoymadan işləyənlərin əksəriyyəti “Pul kifayət etmir”, “İş yerimi itirməkdən qorxuram”, “İşi buraxa bilmərəm” fikrində olduqları üçün bu sindromun qurbanına çevrilirlər. Zamanla onların yalnız fiziki deyil, zehni sağlığı da pozulur.

Amerikalıların kəşfi, görünür, okeanları aşıb bizim ölkəyə də səfər edib. Çoxlarımıza tanış olan bu sindromdan artıq 3 ildir ki, əziyyət çəkirik. Pandemiya şəraitindən asılı olaraq istirahətə və yeni səfərlərə həsrət qalan insanlar üçün bu il son fürsətdir. Əks təqdirdə...

Həkimlər deyirlər ki, illik məzuniyyətin olmaması qadınlarda depressiya riskini, kişilərdə isə ürək xəstəliklərinin yaranmasını ciddi şəkildə artırır. Maksimum istirahət etmədən orqanizm, sadəcə 3 il dözəcək. Nəticədə ardı corab söküyü kimi gedəcək. Uğursuzluq yalnız sinir və ya ürək-damar sisteminə deyil, immunitetin zəifləməsinə də səbəb olacaq. Belə insanlar daha çox soyuqdəymədən, mədə ağrısından və s. əziyyət çəkdiklərini düşünəcəklər. Amma problemin kökü başqadır.

ÜST-nin statistikasına görə, müntəzəm olaraq məzuniyyətə məhəl qoymayanlar arasında vaxtından əvvəl ölüm riski (infarkt, insult və hətta intihar) 20% yüksəkdir. Məzuniyyətin olmaması sindromundan uzun müddət əziyyət çəkən insanların ömrünün uzunluğu isə xroniki alkoqoliklərdə olduğu kimi, orta hesabla, 10 il azalır.

Psixoloqlar da digər mütəxəssislərlə həmfikirdir. Qeyd olunur ki, məzuniyyətsiz çalışmaq narahatlıq və daxili gərginlik hissi artırdığı üçün rəhbərliyə fayda gətirməkdənsə, işin səmərəliliyinin azalmasına şərait yaradır. Bundan başqa, əməkdaş həssaslıq nümayiş etdirməyə və hər şeyə qıcıqlanmağa başlayır. Bu, ailədaxili münasibətlərin korlanmasına da gətirib çıxara bilər. Ər və yaxud arvaddan birinin məzuniyyətinin olmaması ailənin daha tez dağılmasına yol açır. Uşaqların yeni dərs ilinə daha bədbin və gərgin başlamasına səbəb olur. Bir sözlə, zamanında istirahət etmək həm səmərəli iş, həm sağlam həyat, həm də xoşbəxt insan deməkdir.

Paylaş:
Baxılıb: 113 dəfə
Multi-media

Xəbər lenti

Hamısına bax

Xəbər lenti

Dünya

Xəbər lenti

Xarici siyasət

İqtisadiyyat

İqtisadiyyat

İqtisadiyyat

Prezident bu gün

Prezident bu gün

18 Avqust 10:30

Siyasət

Bu da sübut!

18 Avqust 10:29

Xəbər lenti

Xəbər lenti

Xəbər lenti

Gündəm

Xəbər lenti

Xəbər lenti

Sosial

Xəbər lenti

Sümük köçü

17 Avqust 10:47

İqtisadiyyat

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31