3-cü qrupu seçənlər...

Bakı:

26 °C

66 %

10 m/s

Əlaqə

AZ RU EN

Ana səhifə / Sosial / 3-cü qrupu seçənlər...

3-cü qrupu seçənlər...

08.02.2024 [12:06]

Coğrafiyadan imtahan verəcəklər

Səbəb nədir?

11 fevral 2024-cü il tarixində abituriyentlər 1-ci və 3-cü ixtisas qrupu üzrə imtahan verəcəklər. Qeyd edək ki, şagirdlərin sınaq imtahanında dəyişiklik edilib. Belə ki, 1-ci ixtisas qrupu üzrə RK və Rİ, 3-cü ixtisas qrupu üzrə DT və TC altqruplarının hər ikisini seçən abituriyentlər müvafiq olaraq informatika və coğrafiya fənni üzrə əlavə imtahan verəcəklər.

Dövlət İmtahan Mərkəzindən (DİM) verilən xəbərə görə, həmin abituriyentlər “İmtahana buraxılış vərəqəsi”ni çap edə bilərlər. “İmtahana buraxılış vərəqəsi”ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin imtahan binasına gəlmə vaxtı və s. məlumatlar qeyd olunub.

Hər iki altqrupu seçənlər...

Mövzunu “Yeni Azərbaycan”a dəyərləndirən Dövlət İmtahan Mərkəzinin (DİM) mətbuat xidmətinin rəhbəri Xanlar Xanlarzadə bildirib ki, 1-ci qrup üzrə altqrupu seçənlər informatika, 3-cü qrup üzrə alt qrupu seçənlər isə əlavə olaraq coğrafiyadan imtahan verəcəklər: “1-ci qrupda iki alt qrup var, riyaziyyat-informatika və riyaziyyat-kimya. Kim hər iki alt qrupu seçirsə və onların ixtisasları üzrə hər iki alt qrupa daxil olan ixtisaslar üzrə müsabiqədə iştirak etmək istəyirsə, onlar əlavə olaraq informatika fənnindən imtahan verməlidirlər. 3-cü qrupda da iki alt qrup var, Azərbaycan dili-tarix və tarix-coğrafiya. Burada da hər iki alt qrupu seçmək istəyənlər əlavə olaraq coğrafiya fənnindən imtahan verəcəklər. Əsas sınaq imtahanı fevralın 18-də baş tutacaq. O zaman 1-ci, 2-ci, 3-cü və 4-cü qrupların sınaq imtahanı keçiriləcək. Sadəcə fevralın 11-də 1-ci və 3-cü qrupdan kimlərsə hər iki alt qrupu seçiblərsə, onlar əlavə imtahan verəcəklər. Bunun da səbəbi qaydalarla bağlıdır, qaydalarda nəzərdə tutulub ki, 1-və 3-cü qrup üzrə hər iki alt qrupu seçənlər informatika və coğrafiyadan imtahan verməlidir”.

Artıq 2 ildir ki...

Təhsil üzrə ekspert Elçin Əfəndinin sözlərinə görə, DİM tərəfindən hər il əsas imtahan keçirilməmişdən öncə müvafiq sınaq imtahanı keçirilir: “Sınaq imtahanının keçirilməsi təbii ki, abituriyentlərin müəyyən fənlər üzrə hazırlıq səviyyəsinin hansı formada olmasını müəyyənləşdirməyə kömək olur. 1-ci qrup üzrə RK, Rİ, 3-cü qrup üzrə isə DT və TC altqruplarını seçənlərin coğrafiya və informatikada əlavə imtahan vermələri yeni qərar deyil. Artıq iki ildir ki, sınaq imtahanları bu formatda keçirilir. Təbii ki, coğrfiyadan imtahan verənlər təhsil müəssisələrində 3-c? qrupda beynəlxalq münasibətlər və regionşünaslıq ixtisas üzrə təhsil almaq istəyirlər. İnformatikadan imtahan verənlər isə informatikayönümlü ixtisaslar üzrə təhsil ala bilərlər. Ona görə də bu abituriyentlərin coğrafiya və informatika fənnindən əlavə imtahan vermələri məqsədəuyğundur”.

Yeganə BAYRAMOVA

Paylaş:

Baxılıb: 2374 dəfə