Heydər Əliyev
yeni azerbaycan logo

Ana səhifə / Sosial / 2024-cü ildə gözlənilir...

2024-cü ildə gözlənilir...

02.03.2024 [11:19]

Dövlət sifarişli yerlərin sayı 30 minə çatacaq!

Yeganə BAYRAMOVA

Azərbaycanın İnsan hüquqları üzrə müvəkkili (Ombudsman) Səbinə Əliyeva 2023-cü il üzrə məruzəsini təqdim edib. Məlum olduğu kimi, cari il bitdikdən sonra iki aydan gec olmayaraq Ombudsman illik məruzəni ölkə Prezidentinə təqdim edir və həmin məruzə ilə Milli Məclis qarşısında çıxış edir.

İllik məruzə, eyni zamanda, Nazirlər Kabinetinə, Konstitusiya Məhkəməsinə, Ali Məhkəməyə və Baş prokurora göndərilir. Qeyd edək ki, Ombudsman 2023-cü il üzrə məruzəsində bir sıra mühüm təkliflər səsləndirib. Səbinə Əliyeva dövlət ali və orta ixtisas təhsili müəssisələrində dövlət sifarişli yerlərin sayının artırılması təklifi ilə çıxış edib. Onun səsləndiriyi təkliflərdən biri də tələbə yataqxanalarının tikilməsi ilə bağlıdır.

Məruzədə qeyd edilib ki, ehtiyaca uyğun olaraq, yeni tələbə yataqxanalarının inşa edilməsi istiqamətində aparılan işlərin davam etdirilməsi önəmlidir.

Ombudsmanın mövcud təklifini “Yeni Azərbaycan”a dəyərləndirən təhsil üzrə ekspert Elçin Əfəndi bildirib ki, dövlət sifarişli yerlərin sayı Prezidentin müvafiq sərəncamı əsasında son 5-6 ildə artaraq yüksələn xətt üzrə inkişaf edir: “Hər dəfə görürük ki, istər bakalavr, istərsə də magistr pilləsində dövlət sifarişli yerlərin sayı artır. Bu il üçün isə gözlənilir ki, ən azından dövlət sifarişli yerlərin sayı 30 minə çatdırılsın. Hətta bəlkə bu rəqəm bir az da artıq ola bilər. Lakin hər bir ixtisas və plan yerləri təbii olaraq dövlət sifarişli ola bilməz. Buna müəyyən qədər zaman lazımdır və müəyyən büdcə formalaşmalıdır ki, bütün ixtisaslar dövlət sifarişli olsun”.

E.Əfəndi yataqxanaların tikilməsinin vacib olduğunu diqqətə çatdırdı: “Bu baxımdan Ombudsmanın verdiyi təklif təqdirəlayiqdir. Təbii ki, bütün universitetlərinin şəxsi yataqxanalarının olması arzuolunandır. Bu, tələblərin rahatlığı üçün önəmlidir, eyni zamanda, ölkəmizə gələn xarici tələbələrin də sayına təsir edə bilər. Düşünürəm ki, dövlət tərəfindən bu istiqamətdə müəyyən bir proqram hazırlanacaq. Qarşıdakı illərdə bəzi universitetlərin yataqxanalarının olacağını gözləyirik. Məsələn, bəzi universitetlərin yataqxanasının olmasına baxmayaraq, orada məcburi köçkünlər yerləşib. Hazırda isə həmin vətəndaşlarımızın işğaldan azad olunmuş ərazilər üzrə yerləşdirilməsi prosesi davam etdiyi üçün müvafiq olaraq həmin yataqxanalar da tələblərin ixtiyarına veriləcək”.

Paylaş:
Baxılıb: 182 dəfə

Xəbər lenti

Hamısına bax

Xəbər lenti

Xəbər lenti

Gündəm

İqtisadiyyat

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30