”Heydər Əliyev irsini öyrənirik” məktəbinin növbəti görüşü keçirilib

Bakı:

26 °C

60 %

10 m/s

Əlaqə

AZ RU EN

Ana səhifə / YAP xəbərləri / ”Heydər Əliyev irsini öyrənirik” məktəbinin növbəti görüşü keçirilib

”Heydər Əliyev irsini öyrənirik” məktəbinin növbəti görüşü keçirilib

30.04.2024 [19:20]

30 aprel 2024-cü il tarixdə Yeni Azərbaycan Partiyası (YAP) Qaradağ rayon təşkilatının qərargahında gənc fəallarla növbəti görüş keçirilib.

Tədbirdə YAP Qaradağ rayon təşkilatının sədr müavini Faiq Qurbanov, YAP Sosial Media Mərkəzinın nümayəndələri Rəna Süleymanlı və Bəhruz Rüstəmov, rayon təşkilatının əməkdaşları, eyni zamanda rayonun gənc fəalları iştirak ediblər.

Tədbiri giriş sözü ilə açan rayon təşkilatının sədr müavini Faiq Qurbanov iştirakçılları salamlayıb və qonaqları təqdim edib. Cari il fevralın 7-də ölkədə keçirilən növbədənkənar Prezident seçkilərində YAP-ın namizədi cənab İlham Əliyevin möhtəşəm qələbə qazandığını xatırladan Faiq Qurbanov ölkəmizin yeni dövrə qədəm qoyduğunu və bu dövrün həm rayon təşkilatı, həm də rayon ərazisində yaşayan və işləyən gənclər qarşısında mühüm vəzifələr qoyduğunu bildirib.

YAP Qaradağ rayon təşkilatında Ümummilli Lider Heydər Əiyevin ideyalarını və YAP sədri, Prezident İlham Əliyevin yeritdiyi daxili və xarici siyasətin əsaslarını öyrənmək məqsədi ilə ”Heydər Əliyev irsini öyrənirik” məktəbinin fəaliyyət göstərdiyini xatırladan Faiq Qurbanov qeyd edib ki, Sosoial Media Mərkəzinin əməkdaşları ilə bu gün təşkil edilən seminarın məqsədi partiya gənclərini müxtəlif mövzularda daha ətraflı məlumatlandırmaq, işin səmərəliliyini artırmaq, mövcud problemləri aradan qaldırmaqdır.

Tədbirdə çıxış edən YAP Sosial Media Qrupunun məsul əməkdaşı Rəna Süleymanlı YAP Qaradağ rayon təşkilatında keçirilən görüşü yüksək qiymətləndirib, belə görüşlərin gənc fəallar üçün xüsusi əhəmiyyət daşıdığını vurğulayıb. Ölkəmizin milli maraqlarının qorunmasında, eləcə də informasiya müharibəsindəki qələbədə gənclərin fəal rolunun olduğunu bildirən Rəna Süleymanlı müxtəlif sahələrdə gənclərin fəallığının artırılması, gündəmdə olan mövzulara uyğun məqalələrin hazırlanması, sosial şəbəkələrdən düzgün və qaydalara müvafiq şəkildə istifadə olunması barədə iştirakçılara ətraflı məlumat verib, onları maraqlandıran sualları ətraflı cavablandırıb.

Tədbirdə çıxış edənlər: YAP Qaradağ rayon təşkilatının məsləhətçi Vüqar Ağayev, YAP fəlları - Turanə Qasımova, Ülkər İsmayılzadə, Xanım Tanrıverdiyeva və başqaları ölkəmizin yaşadığı yeni mərhələnin qarşıya qoyduğu vəzifələrin həyata keçirilməsi üçün əzmlə çalışacaqlarını bildiriblər. Qeyd edilib ki, ölkəmiz üçün mühüm əhəmiyyət daşıyan bu vəzifələrin uğurla həyata keçirilməsi üçün birlikdə çalışmalıyıq.

Paylaş:

Baxılıb: 468 dəfə