Gənclərin sosial şəbəkələrdə fəallığını və səmərəli istifadəsini yüksəltmək məqsədi ilə treninq keçirilib

Bakı:

5 °C

87 %

13 m/s

AZ RU EN

Ana səhifə / YAP xəbərləri / Gənclərin sosial şəbəkələrdə fəallığını və səmərəli istifadəsini yüksəltmək məqsədi ilə treninq keçirilib

Gənclərin sosial şəbəkələrdə fəallığını və səmərəli istifadəsini yüksəltmək məqsədi ilə treninq keçirilib

20.10.2012 [18:49]

Ulu öndər Heydər Əliyevin memarı olduğu Yeni Azərbaycan Partiyasının (YAP) 20 illiyi ilə əlaqədar partiyanın Gəncə şəhər təşkilatının hazırladığı geniş Tədbirlər Planına uyğun olaraq, oktyabr ayının 17-də Partiyanın Qərargahında - Heydər Əliyev Universitetində hər ay keçirilən “Gənclər üçün Açıq qapı” günü çərçivəsində gənclərin sosial şəbəkələrdə fəallığını yüksəltmək və səmərəli istifadəsini təşkil etmək məqsədi ilə treninq keçirilib.
Treninqdə ali və orta ixtisas məktəblərinin YAP ərazi ilk partiya təşkilatları gənclər birliklərinin sədrləri, nümayəndələri, fəal gənclər, qeyri-hökumət təşkilatlarının təmsilçiləri, ümumilikdə yüz nəfərədək gənc iştirak edib.
Tədbiri giriş sözü ilə YAP Gəncə şəhər təşkilatının sədri İsrafil İsmayılov açaraq, və partiyanın şərəfli mübarizə tarixi, ölkəmizdə qazanılan nailiyyətlərdə partiyanın rolu, Azərbaycan Prezidenti, Yeni Azərbaycan Partiyasının Sədri İlham Əliyevin rəhbərliyi ilə vətənimizin sosial-iqtisadi qüdrətinin artması, ümumxalq partiyasına çevrilən YAP-ın nüfuzunun yüksəlməsi, “Azərbaycan gəncliyi 2011-2015-ci illər” Dövlət Proqramının mahiyyəti, ölkəmizdə aparılan gənclər siyasətinin uğurlarından, ölkə başçısının diqqət və qayğısı, şəhər rəhbərliyinin təşkilatçılığı sayəsində Gəncənin geniş vüsətli inkişafından və gənclərin qarşısında duran vəzifələrdən söhbət açmışdır.
YAP Gəncə şəhər təşkilatı ideoloji şöbənin müdiri Faiq Hacıyev, Gənclər Birliyinin sədri Ramil İbrahimov, gənclərdən YAP ADAU ərazi ilk partiya təşkilatı gənclər birliyinin sədri Hikmət Mustafayev, sədr müavini Hüseyn İsmayılzadə, ADAU-nun tələbəsi Gülnar Bayramova, “Odlar Yurdu” İctimai Birliyinin sədri Nigar Ələsgərova, YAP AzTU ərazi ilk partiya təşkilatı gənclər birliyinin sədri Hikmət Bağırov, GDU-da fakültə tələbə-gənclər təşkilatının sədri Yaşar Rzalı, YAP 21 saylı Gəncə şəhər orta məktəb ərazi ilk partiya təşkilatı Gənclər Birliyinin sədr müavini Gülnara Həsənova və başqaları çıxış edərək treninqin çox aktiv və vacib mövzuya həsr olunduğunu, ictimai şüurun formalaşmasında sosial şəbəkələrin mühüm əhəmiyyət kəsb etdiyini, gənclərin üzərinə böyük məsuliyyət düşdüyünü, bu istiqamətdə maariflənmənin genişlənməsini önə çəkiblər və tədbirin təşkilatçılarına minnətdarlıqlarını bildiriblər.
Şəhər partiya təşkilatının tövsiyəsi və gənclərin təklifi ilə gənclər üçün növbəti “Açıq qapı” tədbirinin YAP-ın 20 illik yubileyinə həsr edilməsi və “YAP dünənin, bu günün və gələcəyin partiyasıdır” mövzusunda keçirilməsi qərara alınıb.

Paylaş:

Baxılıb: 1463 dəfə