Yüksək səviyyəli Azərbaycan-Pakistan əlaqələri

Bakı:

15 °C

94 %

3 m/s

Əlaqə

AZ RU EN

Ana səhifə / YAP xəbərləri / Yüksək səviyyəli Azərbaycan-Pakistan əlaqələri

Yüksək səviyyəli Azərbaycan-Pakistan əlaqələri

28.02.2025 [17:23]

Sahib Şükürov,

YAP Göyçay rayon təşkilatının sədri

Azərbaycanın müstəqilliyini Türkiyədən sonra tanıyan ikinci ölkə Pakistandır. Qardaş ölkə Azərbaycan Respublikasının müstəqilliyini 1991-ci il dekabrın 12-də tanıyıb. İki ölkə arasında diplomatik əlaqələr 1992-ci ilin iyun ayının 9-da qurulmuşdur.

Pakistan Azərbaycanın sıx dostluq və qardaşlıq əlaqələri qurduğu ölkələrdəndir. İki qardaş, dost ölkə arasındakı qarşılıqlı münasibətlər strateji tərəfdaşlıq səviyyəsinə yüksəlib. Bu gün Azərbaycanla Pakistan əlaqələri ən yüksək səviyyədədir.

Məlum olduğu kimi, Pakistanın Baş naziri Məhəmməd Şahbaz Şərifin fevralın 24-də ölkəmizə dövlət səfəri etmişdir. Səfər çərçivəsində Prezident İlham Əliyev Pakistanın Baş naziri ilə təkbətək və geniş tərkibdə görüşlər keçirmiş, görüşlərdə iki ölkə arasındakı münasibətlərin hazırki inkişaf səviyyəsi müzakirə edilmiş, gələcək perspektivlər müəyyən edilmişdir. Dövlət başçılarının iştirakı ilə Azərbaycan Respublikası ilə Pakistan İslam Respublikası arasında imzalanmış sənədlərin mübadiləsi mərasimi olmuşdur. Prezident İlham Əliyev və Pakistan İslam Respublikasının Baş naziri Məhəmməd Şahbaz Şərif mətbuata bəyanatlarla çıxış ediblər. Daha sonra Azərbaycan-Pakistan biznes forumu keçirilib.

Azərbaycan Respublikası ilə Pakistan İslam Respublikası arasında imzalanmış sənədlərin mübadiləsi mərasimi bir daha nümayiş etdirir ki, iki qardaş ölkənin münasibətləri daim inkişaf edir. Eyni zamanda bu xalqlarımız arasında sarsılmaz dostluq və qardaşlıq bağlarını daha da möhkəmləndirəcəkdir. İmzalanan sənədlər arasında mədəni və humanitar sahələrə xüsusi əhəmiyyət verilib.

Azərbaycan və Pakistan arasında əsas strateji hədəflər iqtisadi layihələrin genişləndirilməsi, müdafiə sahəsində əməkdaşlığın dərinləşdirilməsi və mədəni əlaqələrin daha da inkişaf etdirilməsidir.

Prezident İlham Əliyev mətbuata bəyanatla çıxışında Azərbaycan və Pakistan arasında mövcud olan qardaşlıq, dostluq, əməkdaşlıq münasibətlərindən bəhs edib. Ölkə başçısı qarşılıqlı səfərlərin bütövlükdə ölkələrimiz arasında sıx münasibətləri əks etdirdiyini bildirib.

Dövlətimizin başçısı həmkarı ilə görüşü zamanı ikitərəfli gündəliyə aid çox mühüm məsələləri müzakirə etdiklərini və iki ölkə arasında sıx tərəfdaşlığın vacibliyini bir daha qeyd etdiklərini bildirib. Görüşdə ölkələrimiz, xalqlarımız və təmsil etdiyimiz regionlar üçün əməkdaşlığımızın strateji əhəmiyyətini bir daha vurğulanıb.

Prezident İlham Əliyev qeyd edib ki, iki qardaş ölkə olaraq biz beynəlxalq münasibətlərin bütün məsələlərində bir-birimizə dəstəyi davam etdirəcəyik. Biz ölkələrimizin suverenliyi və ərazi bütövlüyü məsələsində bir-birimizə qarşılıqlı surətdə dəstək veririk, beynəlxalq təsisatlarda fəal əməkdaşlıq edirik və iştirak etdiyimiz bütün beynəlxalq təşkilatlarda daim bir-birimizi dəstəkləyirik.

Ölkə başçısı həmçinin zəmanəmizin beynəlxalq gündəliyində duran çoxsaylı məsələləri müzakirə etdiklərini, beynəlxalq münasibətlərin cari gedişatı ilə bağlı mövqe və baxışlarının tam üst-üstə düşdüyünü bildirib.

“Müzakirələrimizin nəzərəçarpan hissəsini ticari və iqtisadi sektorlara həsr etdik.”, - deyə qeyd edən Prezident İlham Əliyev iki ölkə arasındakı ticarət dövriyyəsinin cəmi bir neçə on milyonla ölçüldüyü məyyusluq doğurduğunu bildirib, ticarət dövriyyəsinin artırmağın vacibliyini vurğulayıb. Azərbaycanın Pakistan iqtisadiyyatına iki milyard ABŞ dolları sərmayə yatırmaq planları olduğunu qeyd edib. Prezident İlham Əliyev hazırda bir neçə ay əvvəl Pakistan tərəfindən alınan layihələrin qiymətləndirildiyini diqqətə çatdırıb.

Ölkə başçısı çıxışında iki ölkə arasında imzalanan razılaşmalardan da bəhs edib. Bu gün imzalanmış razılaşmaların bunula məhdudlaşmadığını vurğulayıb. Bir çox sazişlərin digər auditoriyalarda artıq imzalandığını və Baş nazirin səfəri zamanı imzalanmış sazişlərin ümumi sayının 10-dan artıq olduğunu diqqətə çatdırıb.

Prezident İlham Əliyev müdafiə, eləcə də müdafiə sənayesi sahələrində əməkdaşlığın müzakirə etdilən əsas məsələlərdən biri olduğunu bildirib. Ölkə başçısı qeyd edib ki, Azərbaycan Pakistandan müdafiə sənayesinin istehsal etdiyi avadanlığı artıq alıb və biz onun keyfiyyətindən çox razıyıq və birmənalı olaraq, bu işi davam etdirəcəyik. Eyni zamanda, biz müdafiə sənayesi məhsullarının birgə istehsalı imkanlarını müzakirə etdik və bu, əməkdaşlığımızın digər mühüm sektoru olacaq.

Paylaş:

Baxılıb: 333 dəfə