Azərbaycan beynəlxalq arenada böyük etibar qazanıb

Bakı:

26 °C

68 %

1 m/s

Əlaqə

AZ RU EN

Ana səhifə / YAP xəbərləri / Azərbaycan beynəlxalq arenada böyük etibar qazanıb

Azərbaycan beynəlxalq arenada böyük etibar qazanıb

17.03.2025 [17:01]

Varis Rüstəmov,

YAP Sabirabad rayon təşkilatının sədri

Martın 13-15 də paytaxtımızda Nizami Gəncəvi Beynəlxalq Mərkəzinin təşkilatçılığı ilə keçirilən XII Qlobal Bakı Forumu beynəlxalq medianın diqqət mərkəzindədir. “Dünya düzəninin yenidən düşünülməsi: Çağırışların fürsətə çevrilməsi” mövzusuna həsr olunan budəfəki Forumda dünyanın müxtəlif regionlarından 400-ə yaxın nüfuzlu siyasi xadim, o cümlədən azı 50 fəaliyyətdə olan və sabiq prezident, Baş nazir, həmçinin BMT strukturlarının rəhbərləri, Nobel mükafatı laureatları, alimlər və ekspertlər iştirak edir. Forumda “Geosiyasi dəyişmələr: Məsuliyyətli tərəfdaşlıq rəqabətə qarşı”, “Çoxqütblü dünya üçün multilateralizmə yenidən baxılması” və “Gələcək üçün BMT paktı: Yeni qlobal konsensusun yaradılması” mövzularında panellər təşkil olunacaq. Sülhə və barışığa töhfə verən ictimai xadimə 2025-ci il “Nizami Gəncəvi” Beynəlxalq Mükafatı təqdim ediləcək.

Martın 13-də Bakıda, “Gülüstan” sarayında Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə XII Qlobal Bakı Forumu işə başlayıb. Azərbaycan Prezidenti İlham Əliyev Forumun açılış mərasimində iştirak edib. Əvvəlcə xatirə fotosu çəkdirildi. XII Qlobal Bakı Forumunu açıq elan edən Nizami Gəncəvi Beynəlxalq Mərkəzinin həmsədri Ismail Serageldin tədbir iştirakçılarını salamladı, Forumda aparılan müzakirələrin xüsusi əhəmiyyət daşıdığını vurğuladı. Sonra çıxış üçün sözü Prezident İlham Əliyevə verdi. Dövlət başçısı qonaqları salamlayaraq açılış mərasimində çıxış etdi. O öz çıxışında Azərbaycanda ötən ilin noyabrında keçirilmiş COP29 tədbirinin uğurlu təşkilinə toxunmuş və eyni zamanda bildirmişdir ki Azərbaycanda COP29-u təşkil etmək qərarı Azərbaycanın öz sərvətlərinə çox məsuliyyətli yanaşmasından irəli gəlir. Eyni zamanda dövlət başçısı ölkəmizdə yaşıl enerjinin də ixrac edilə biləcəyi məsələsinə də toxunmuşdur. Həmçinin Prezident İlham Əliyev COP29-u boykot edən yeganə ölkənin Ermənistan olduğunu dilə gətirərək, Ermənistan-Azərbaycan prosesinə də toxunmuş və Ermənistanın işğalı və təcavüzü nəticəsində Azərbaycan xalqının çəkdiyi əzab-əziyyətləri xatırlatmışdır. Daha sonra dövlət başçısı çıxışı zamanı bildirmişdir ki, biz ümid edirik ki, yeni Administasiya ilə Cənubi Qafqaz, sülh, təhlükəsizlik, antiterror əməliyyatları, regionumuzun müasir inkişafı üçün hər zaman vacib olmuş güclü tərəfdaşlığımızı yenidən quracağıq. Sonda isə Cənab Prezident İlham Əliyev tədbir iştirakçılarına öz təşəkkürünü bildirərək Foruma uğurlar arzulamışdır.

Ölkəmizin belə forumlara ev sahibliyi etməsi, ildən-ilə iştirakçıların sayında nəzərəçarpan artım ölkəmizə olan diqqət və etimadın, dövlət başçısı İlham Əliyevin siyasətinə dəstəyin ifadəsi kimi qiymətləndirilir. Əsası ulu öndər Heydər Əliyev tərəfindən qoyulan və Prezident İlham Əliyev tərəfindən həyata keçirilən siyasət nəticəsində Azərbaycan bu gün dünyada tolerantlığın və multikulturalizmin mərkəzlərindən birinə çevrilib. Ölkəmiz artıq illərdir ki, bu kimi nüfuzlu beynəlxalq tədbirlərin keçirildiyi bir platforma məkanı kimi tanınır. Azərbaycanın sivilizasiyalararası dialoqu dəstəkləməsi, beynəlxalq arenada konstruktiv rolu və qlobal məsələlərin həllində fəal iştirakı bu tədbirin də uğurlu nəticələr verəcəyinə əminlik yaradır. XII Qlobal Bakı Forumu dünya üçün yeni perspektivlẹr açan və qlobal həmrəyliyi gücləndirən əhəmiyyətli bir tribunaya çevriləcək.

Paylaş:

Baxılıb: 427 dəfə