“Yay məktəbi” layihəsinin ikinci turu davam edir

Bakı:

28 °C

42 %

6 m/s

Əlaqə

AZ RU EN

Ana səhifə / YAP xəbərləri / “Yay məktəbi” layihəsinin ikinci turu davam edir

“Yay məktəbi” layihəsinin ikinci turu davam edir

10.07.2013 [14:18]

Layihə çərçivəsində gənclərə seçki hazırlığı və seçki prosesi barədə məlumat verilib
Yeni Azərbaycan Partiyası Gənclər Birliyinin Masallı rayonunda təşkil etdiyi “Yay məktəbi” layihəsinin ikinci turu davam edir. Dünən günün birinci yarısında qrup rəhbəri, Milli Məclisin deputatı Sədaqət Vəliyeva turun iştirakçısı olan gənclər qarşısında “Gənclərin seçki hazırlığı - seçki prosesi” mövzusunda təqdimatla çıxış edib. Təqdimat zamanı gənclərə ümumilikdə seçki prosesi, seçkilərin təyin edilməsi, seçicilərin siyahıya alınması, namizədlərin irəli sürülməsi və qeydiyyatı, təşviqat kampaniyası, səsvermə və səslərin hesablanması barədə məlumat verilib.
Millət vəkili, eyni zamanda, qeyd edib ki, Azərbaycan xalqının seçkilərdə öz iradəsini sərbəst şəkildə ifadə etməsi, ölkəyə layiqli rəhbər seçmək haqqına sahib olması demokratiyanın və müstəqil dövlətçilik məfkurəsinin əsas göstəricisidir. S.Vəliyeva həmçinin partiyanın fəal gənclərini Prezident İlham Əliyevin təbliğat kampaniyasında fəal iştirak etməyə çağırıb: “Zaman dəyişir, hər bir dövrün öz tələbləri, öz çağırışları var. Təbii ki, yeniləşmə insanların düşüncələrində də özünü qabarıq şəkildə büruzə verir. Yeniliyi, müasirliyi yüksək dəyərləndirən Azərbaycan gəncləri seçkilərin yüksək fəallıq şəraitində keçməsi üçün ciddi səylər göstərməli, ən layiqli namizədin qələbəsini təmin etmək üçün öz seçki hüquqlarından səmərəli istifadə edərək cənab İlham Əliyevə dəstək olmalıdırlar”.
Sonra çıxış edən gənc fəal Kubra Əliyarlı bildirib ki, cənab İlham Əliyevin növbəti prezident seçkilərində namizədliyinin irəli sürülməsi hər şeydən əvvəl vətəndaşlarımızın daxili inamına əsaslanır, xalqın özünə layiqli rəhbər seçmək haqqını ifadə edir və bu səbəbdən yüksək ictimai dəyərə və gücə malikdir.
Daha sonra seçki prosesinin əhəmiyyəti, ölkənin inkişafında, tərəqqisində rolu barədə fikir mübadiləsi aparılıb. Bildirilib ki, hər bir dövlətin mütərəqqi inkişafının əsası kimi dəyərləndirilən seçkilərin demokratikliyini, şəffaflığını, dünya standartlarına uyğun keçirilməsini təmin etmək üçün mühüm addımlar atılır. Daim yeniliyə, müasirliyə maraq göstərən Azərbaycan dövlətinin dünyanın qabaqcıl ölkələrinin təcrübəsinin öyrənilməsinə və tətbiqinə çalışması da seçkilərin demokratik keçirilməsində maraqlı olduğunu təsdiqləyir.
Bundan sonra isə komandalar arasında təbliğat-təşviqat mövzusunda oyun keçirilib və “İslam” komandası qalib gəlib.
Günün ikinci yarısında isə gənclər Masallı rayon Diyarşünaslıq Muzeyinə səfər edib. Daha sonra komandalar arasında müxtəlif idman yarışları keçirilib.

Paylaş:

Baxılıb: 1477 dəfə