Yeni Azərbaycan Partiyası Ağdam rayon təşkilatının fəalları ilə görüş keçirilib

Bakı:

16 °C

67 %

11 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Ağdam rayon təşkilatının fəalları ilə görüş keçirilib

Yeni Azərbaycan Partiyası Ağdam rayon təşkilatının fəalları ilə görüş keçirilib

26.07.2013 [09:23]

Quzanlı qəsəbəsindəki mədəniyyət evində Yeni Azərbaycan Partiyası (YAP) Ağdam rayon təşkilatının fəalları ilə görüş keçirilib.
AzərTAc xəbər verir ki, növbəti prezident seçkilərinə hazırlıqla bağlı qarşıda duran vəzifələrə həsr olunan görüşdə YAP Sədrinin müavini-İcra katibi Əli Əhmədov və Milli Məclisin aqrar siyasət komitəsinin sədri Eldar İbrahimov, partiyanın Ağdam rayon təşkilatının fəalları iştirak ediblər.
Görüşdə çıxış edən YAP Ağdam rayon təşkilatının sədri İsgəndər Quliyev partiya üzvlərinin rayonun ictimai-siyasi, mədəni və sosial-iqtisadi həyatındakı fəal rolundan danışıb, prezident seçkilərinə hazırlıqla əlaqədar görülən işlər barədə məlumat verib. Qeyd olunub ki, sıralarında 5544 partiya üzvünü birləşdirən rayon təşkilatı seçkilərlə bağlı fəaliyyətini perspektiv iş planı əsasında qurub, təşkilatlanma tədbirlərinə diqqəti artırıb. Seçkilərin gedişini izləyəcək müşahidəçilərin, imza toplayacaq şəxslərin, məşvərətçi şəxs hüququna malik komissiya üzvlərinin siyahısı tərtib edilib, 18 nəfərdən ibarət seçki qərargahı yaradılıb. YAP Ağdam rayon təşkilatı öz fəaliyyətini nizamnamə tələbləri və Seçki Məcəlləsi əsasında qurmaqla partiyanın namizədinin seçkilərdə qələbə qazanması üçün bütün qüvvələri səfərbər edəcək.
Yeni Azərbaycan Partiyasının Sədr müavini-İcra katibi, Milli Məclisin deputatı Əli Əhmədov ötən 10 il ərzində respublikamızda həyatın bütün sahələrində müşahidə olunan inkişaf və yüksəlişdən danışıb, Prezident İlham Əliyevin rəhbərliyi altında ölkəmizin iqtisadi cəhətdən qüdrətli dövlətə çevrildiyini, regional və beynəlxalq nüfuzunun artdığını, əhalinin rifah halının yaxşılaşdığını diqqətə çatdırıb. Bildirib ki, Prezident İlham Əliyevin ölkəyə rəhbərlik etdiyi dövrdə Azərbaycanın iqtisadiyyatı 3 dəfə artıb, 1 milyon 200 min yeni iş yeri açılıb, yoxsulluğun səviyyəsi 50 faizdən 6 faizə enib.
Əli Əhmədov vurğulayıb ki, xalqımız ötən 10 ilin nailiyyətlərini yüksək dəyərləndirir və gələcək beş ildə Azərbaycanın daha da inkişaf edəcəyinə, işğal altındakı torpaqlarımızın azad olunacağına dərin inam bəsləyir. Elə bu inamla da YAP-ın Sədri İlham Əliyevi dəstəkləyir, Onu yenidən Prezident kürsüsündə görmək istəyir. YAP Sədrinin müavini prezident seçkilərinə hazırlıqla bağlı görüləcək işlərdən və qarşıda duran vəzifələrdən də danışıb, partiyanın cəbhə bölgəsindən olan fəallarına müvafiq tövsiyələrini çatdırıb.
Tədbirdə rayon ictimaiyyətinin nümayəndələri və YAP rayon təşkilatının fəalları çıxış edərək Ağdam rayonunda gedən sosial-iqtisadi inkişafı, aparılan genişmiqyaslı tikinti-quruculuq işlərini, əhalinin sosial problemlərinin həlli istiqamətində həyata keçirilən tədbirləri dövlət başçısının diqqət və qayğısının bariz nümunəsi kimi qiymətləndiriblər. Çıxışlarda belə bir fikir ifadə olunub ki, ağdamlılar Azərbaycanın və bölgənin gələcəyini Prezident İlham Əliyevin yeritdiyi siyasətdən kənarda təsəvvür etmirlər. Odur ki, qarşıdan gələn seçkilərdə də Ümummilli lider Heydər Əliyevin layiqli davamçısı Prezident İlham Əliyevi hamılıqla dəstəkləyəcəklər.

Paylaş:

Baxılıb: 1336 dəfə