Şəmkirdə

Bakı:

27 °C

47 %

4 m/s

AZ RU EN

Ana səhifə / YAP xəbərləri / Şəmkirdə "Konstitusiya və Suverenlik ili" çərçivəsində 28 May - Müstəqillik Gününə həsr olunmuş tədbir keçirildi

Şəmkirdə "Konstitusiya və Suverenlik ili" çərçivəsində 28 May - Müstəqillik Gününə həsr olunmuş tədbir keçirildi

29.05.2025 [16:57]

Şəmkirdə "Konstitusiya və Suverenlik ili" çərçivəsində 28 May - Müstəqillik Gününə həsr olunmuş tədbir keçirildi.

Şəmkir Rayon İcra Hakimiyyətinin inzibati binasında keçirilən tədbirdə bildirildi ki, Şərqdə və müsəlman aləmində ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək, xalqımızın müstəqillik əzmini nümayiş etdirmişdir. 1918-ci il mayın 28-də Azərbaycan xalqı özünün və Şərqin ilk demokratik, hüquqi, dünyəvi parlament respublikasını yaradıb.

Qeyd olundu ki, Avropanın demokratik dəyərləri ilə Şərq mədəniyyətinin xüsusiyyətlərini özündə birləşdirən Azərbaycan Xalq Cümhuriyyəti xalqımızın milli və siyasi şüurunun, yüksək mədəniyyətinin nəticəsi idi.

Şəmkir RİH başçısının birinci müavini Süleyman Zeynallı çıxışında XX əsrin sonlarında müstəqilliyinə yenidən qovuşan Azərbaycanın suverenliyini qoruyub saxlamağı bacarmasının tariximiz üçün önəmli hadisə olduğunu bildirib. Qeyd edib ki, çətin siyasi-iqtisadi dövrdə hakimiyyətə qayıdan Ulu Öndər Heydər Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi.

S.Zeynallı çıxışında xüsusi olaraq vurğuladı ki, müstəqilliyin əldə edilməsi mürəkkəb bir proses olsa da onu qoruyub saxlamaq daha çətin, məsuliyyətli bir işdir: “Həmin dövrdə Ermənistanın Azərbaycan torpaqlarına təcavüzü bir tərəfdən, daxili münaqişələr digər tərəfdən ölkəni çətin bir vəziyyətə salmışdı. Məhz belə bir şəraitdə xalqın təkidi ilə hakimiyyətə gələn Ulu Öndər dövlətimizin və dövlətçiliyimizin xilaskarı oldu”.

YAP Şəmkir rayon təşkilatının sədri Fəxrəddin Vəliyev çıxşında bildirdi ki, müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.

F.Vəliyev qeyd etdi ki, bu gün Prezident İlham Əliyevin rəhbərliyi ilə Azərbaycan Respublikasında demokratik, hüquqi, dünyəvi dövlət, vətəndaş cəmiyyəti quruculuğu prosesi, siyasi, iqtisadi və sosial islahatlar uğurla həyata keçirilir, ölkə iqtisadiyyatı dönmədən inkişaf etdirilir, əhalinin sosial müdafiəsinin gücləndirilməsi üçün əsaslı tədbirlər görülür. Prezident İlham Əliyev tərəfindən 2018-ci ilin ölkəmizdə “Azərbaycan Xalq Cümhuriyyəti İli” elan edilməsi Azərbaycanın dövlətçilik tarixində çox mühüm və şərəfli bir mərhələ olan Şərqdə ilk parlamentli respublikanın əhəmiyyətinin hər zaman uca tutulduğunun, eləcə də dövlətçilik ənənələrinə böyük dəyər verildiyinin sübutudur.

Şəmkir RİH başçısının müavini Aynur Abdullayeva çıxışında isə bildirdi ki, Ulu Öndər Heydər Əliyevin respublikada uğurla gerçəkləşdirdiyi siyasət xalqımızın tarixi-mədəni yaddaşını özünə qaytararaq milli mənlik şüurunu inkişaf etdirdi, azərbaycançılıq məfkurəsi işığında müstəqillik arzularının güclənməsi və yaxın gələcəkdə yenidən həqiqətə çevrilməsinə zəmin yaratdı.

Tədbirdə çıxış edən digər natiqlər də 1918-ci ildə Azərbaycan Xalq Cümhuriyyətinin yaradılmasının tariximizdə böyük dəyəri olan əhəmiyyətli hadisə olduğunu vurğuladılar, Azərbaycan Xalq Cümhuriyyətinin yaradılmasından, müstəqilliyimizin, milli dövlətçiliyimizin keçdiyi böyük şərəfli inkişaf yolundan danışdılar.

Paylaş:

Baxılıb: 439 dəfə