“Konstitusiya və Suverenlik İli” çərçivəsində 14 iyul 1969-cu ildə Ulu Öndər Heydər Əliyevin Azərbaycanda birinci dəfə siyasi hakimiyyətə gəlməsinə həsr olunmuş tədbir keçirilib

Bakı:

26 °C

70 %

2 m/s

AZ RU EN

Ana səhifə / YAP xəbərləri / “Konstitusiya və Suverenlik İli” çərçivəsində 14 iyul 1969-cu ildə Ulu Öndər Heydər Əliyevin Azərbaycanda birinci dəfə siyasi hakimiyyətə gəlməsinə həsr olunmuş tədbir keçirilib

“Konstitusiya və Suverenlik İli” çərçivəsində 14 iyul 1969-cu ildə Ulu Öndər Heydər Əliyevin Azərbaycanda birinci dəfə siyasi hakimiyyətə gəlməsinə həsr olunmuş tədbir keçirilib

15.07.2025 [16:35]

“Feyzulla Qasımzadə 65” ünvanı (Azərbaycan Respublikası Səhiyyə Nazirliyinin tabeliyində “Respublika Qan Bankı” PHŞ) üzrə yeni ərazi partiya təşkilatı təsis edilib.

Tədbir Ulu Öndər Heydər Əliyevin və Azərbaycanın müstəqilliyi, suverenliyi və ərazi bütövlüyü uğrunda həlak olan şəhidlərimizin xatirəsinin bir dəqiqəlik sükutla yad edilməsi ilə başladı. Ardınca Azərbaycan Respublikasının Dövlət Himni səsləndirildi.

Təsis iclasında çıxış edən Yeni Azərbaycan Partiyası Nəsimi rayon təşkilatının sədri Azər Süleymanov bildirib ki, Yeni Azərbaycan Partiyası o vaxtkı mövcud vəziyyətdə bütün Azərbaycan xalqının ağır dövründə ölkəmizin qarşısında duran məsələlərin həlli üçün zamanın tələblərinə uyğun olaraq, zərurətdən yaranmış bir partiyadır. Azər Süleymanov öz çıxışında, Ümummilli Lider Heydər Əliyevin müstəqil Azərbaycanın formalaşması və inkişafı istiqamətindəki misilsiz xidmətlərindən bəhs edərək, onun rəhbərliyi ilə 1993-cü ildən sonra ölkənin hüquqi bazasının təkmilləşdirilməsindən bəhs edib. Azər Süleymanov həmçinin öz çıxışında qeyd etdi ki, Prezident İlham Əliyev ölkəyə rəhbərlik etdiyi dövrdə Azərbaycanın böyük bir salnaməsini yaratmış, güclü iqtisadiyyata, dinamik inkişafa, dünya dövlətləri sırasında xüsusi çəkiyə malik olan dövlət imicini yaratmışdır. Hal-hazırda müstəqil Azərbaycanın yürütdüyü siyasət dövlətimizin etibarlı və strateji tərəfdaş kimi beynəlxalq aləmdə nüfuzunu yüksəldib və dünya birliyinin ayrılmaz hissəsinə çevirib. O, həmçinin Cənab Prezident İlham Əliyevin rəhbərliyi ilə Azərbaycanın 44 günlük Vətən müharibəsində qazandığı möhtəşəm tarixi Zəfərdən və əldə olunan bütün nailiyyətlər sayəsində Azərbaycanın günü-gündən güclü və qüdrətli dövlətə çevrilməsindən geniş şəkildə danışdı.

Daha sonra çıxış edən Azərbaycan Respublikası Səhiyyə Nazirliyinin tabeliyində “Respublika Qan Bankı” PHŞ-in icraçı direktoru Elxan Nağıyev Ümummilli lider Heydər Əliyevin Azərbaycan rəhbərliyinə qayıdışı ilə müstəqillik, azərbaycançılıq, dövlətçilik, ədalətlilik, demokratiya, milli tərəqqi, dünyəvilik kimi ümumbəşəri dəyərlər təşkil edən yeni bir ideologiyanın əsası qoymasından, onun layiqli davamçısı Cənab İlham Əliyevin siyasi kursun layiqli davamçısı olması və gördüyü işlərdən, xüsusilə də, səhiyyə sahəsinə göstərdiyi diqqət və qayğıdan, eyni zamanda Yeni Azərbaycan Partiyasının sözün əsl mənasında, ümumxalq partiyası olmasından geniş şəkildə söz açdı. Elxan Nağıyev nitqinin sonunda Cənab Prezidentimizə səhiyyə sahəsinin inkişafına göstərdiyi diqqət və qayğıya, eyni zamanda, Yeni Azərbaycan Partiyasına, Yeni Azərbaycan Partiyası Nəsimi rayon təşkilatına donor qanı toplanılması yolunda keçirilən aksiyalarda göstərdikləri dəstəyə görə öz dərin təşəkkürlərini ifadə etdi.

Çıxışlardan sonra səsvermə keçirilib və “Feyzulla Qasımzadə 65” ünvanı üzrə ərazi partiya təşkilatı təsis edildi. Azərbaycan Respublikası Səhiyyə Nazirliyinin tabeliyində “Respublika Qan Bankı” PHŞ-in icraçı direktoru Elxan Nağıyev yekdilliklə “Feyzulla Qasımzadə 65” ünvanı üzrə ərazi partiya təşkilatının sədri, donor qanı və onun komponentlərinin təhlükəsizliyinin təmin edilməsi şöbəsinin müdiri Növrəstə Hacılı isə sədr müavini seçildi. Ərazi partiya təşkilatının seçilmiş sədr və sədr müavini göstərilmiş etimada görə təşəkkürlərini bildiriblər.

Sonda Yeni Azərbaycan Partiyasının himni səsləndi və tədbir qapalı elan edildi.

Paylaş:

Baxılıb: 364 dəfə