Oktyabrın 9-da xalqımızın seçimi cənab İlham Əliyev olacaq

Bakı:

26 °C

53 %

6 m/s

Əlaqə

AZ RU EN

Ana səhifə / YAP xəbərləri / Oktyabrın 9-da xalqımızın seçimi cənab İlham Əliyev olacaq

Oktyabrın 9-da xalqımızın seçimi cənab İlham Əliyev olacaq

25.09.2013 [10:19]

YAP Qazax rayon təşkilatının təbliğat-təşviqat qrupu seçicilərlə görüşlər keçirib
Yeni Azərbaycan Partiyası (YAP) Qazax rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüş rayon mərkəzində, o cümlədən, Ağköynək və Xanlıqlar kəndlərində baş tutub.
Tədbirdə çıxış edən YAP Qazax rayon təşkilatının seçki qərargahının üzvləri Nizaməddin Məmmədov, Vasif İmamverdiyev, Abbas Göyüşov və İsgəndər Qurbanov bildiriblər ki, oktyabrın 9-u ölkəmizdə mühüm bir siyasi hadisə-prezident seçkiləri günüdür. Bildirilib ki, ölkəmizdə aparılan siyasət, atılan addımlar vətəndaşlarımızın rifah halının daha da yüksəlməsinə yönəlib. Qeyd edilib ki, xalqımız aparılan siyasəti qiymətləndirir. İnsanlarımız son 10 ildə əldə olunan nailiyyətlərlə yanaşı əsası Ümummilli liderimiz Heydər Əliyev tərəfindən qoyulmuş sabitliyin Prezident İlham Əliyev tərəfindən qorunmasını yüksək dəyərləndirir.
Daha sonra keçirilən tədbirdə çıxış edən təbliğat-təşviqat qrupunun üzvləri Afaq Qasımova, şair Barat Vüsal, YAP Qazax rayon təşkilatının Qadınlar Şurasının sədri Nəsibə Tağıyeva bildiriblər ki, cənab İlham Əliyevin Prezident olduğu son 10 ildə apardığı fəaliyyət dövlətin və vətəndaşların rifahına, maraqlarının qorunmasına xidmət göstərib. 9 oktyabr günündə məhz bu amil xalq tərəfindən qiymətləndiriləcək: “Sevindirici haldır ki, məhz Ulu öndər Heydər Əliyevin bizə miras qoyub getdiyi bir ölkədə yaşayırıq. Cənab İlham Əliyevin apardığı çoxşaxəli siyasi fəaliyyət ölkəmizin siyasi-iqtisadi sferada mühüm uğurlara imza atmasını şərtləndirib. Azərbaycan xalqı bir zamanların təlatümlü dövrünü başa vurub və sabitliyə qədəm qoyub. Artıq insanlar mədəni, mütəşəkkil, heç bir təzyiqə məruz qalmadan, azad, şəffaf və demokratik şəkildə seçki məntəqələrinə gedərək öz seçimlərini edirlər. Seçicilərimiz öz səslərini isə cənab İlham Əliyevlə yanaşı, öz gələcəklərinə, sabitliyə, inkişafa, övladlarının xoşbəxt yaşamına verəcəklər”.
Tədbirdə çıxış edən Anar Nəbiyev, Arzu Novruz, Mübariz Süleymanov da deyiblər ki, bu gün Azərbaycan dövləti yerləşdiyi regionun ən aparıcı dövlətidir. Bu uğurlu nəticəyə isə cənab İlham Əliyevin 10 ildə apardığı düzgün siyasi kurs nəticəsində nail olunub. Qeyd edilib ki, Qazax rayonunda da ilbəil yeni iş yerlərinin sayı artmaqdadır. Rayonda aparılan abadlıq-quruculuq işləri rayon əhalisi tərəfindən qiymətləndirilir.
Daha sonra çıxış edən seçicilər son illərdə sosial və siyasi yönümdə aparılan siyasətdən razılıqlarını bildiriblər. Qeyd edilib ki, ölkəmizdə gedən ümumi inkişafdan Qazax rayonuna da böyük pay düşüb. Seçicilər cənab İlham Əliyevin Azərbaycan xalqının sevgisini, inamını qazandığını söyləyiblər. Qeyd edilib ki, oktyabrın 9-da keçiriləcək seçkilərdə xalqımızın seçimi cənab İlham Əliyev olacaq.
Pərviz SADAYOĞLU

Paylaş:

Baxılıb: 1269 dəfə