Qaradağda yüksək seçki əhval-ruhiyyəsi mövcuddur

Bakı:

10 °C

81 %

2 m/s

Əlaqə

AZ RU EN

Ana səhifə / YAP xəbərləri / Qaradağda yüksək seçki əhval-ruhiyyəsi mövcuddur

Qaradağda yüksək seçki əhval-ruhiyyəsi mövcuddur

27.09.2013 [10:14]

YAP Qaradağ rayon təşkilatında növbəti seminar-müşavirə keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Qaradağ rayonu üzrə seçki qərargahında növbəti seminar-müşavirə keçirilib. Tədbirdə təbliğat-təşviqat kampaniyası başlayan tarixdən indiyə qədər görülmüş işlər, vəzifələrin icrası və qarşıda dayanan məsələlər barəsində ətraflı fikir mübadiləsi aparılıb.
Qaradağ seçki qərargahının üzvləri seçki prosesinə hazırlığın səviyyəsi, insanların prosesə maraq göstərməsi və ümumilikdə seçki haqqında informasiyaların daha da genişləndirilməsi barəsində fikir və təkliflərini səsləndiriblər. Ölkəmizdə 1993-cü ildən əsası qoyulan demokratik seçki ənənələri bu günə qədər insanların azad və sərbəst seçim imkanları ilə yadda qalıb. Məhz demokratik prinsiplərin ən vacib hissəsi olan seçki prosesinə dövlətimiz tərəfindən həmişə yüksək səviyyədə maraq göstərilib. Azərbaycanda mövcud olan ictimai-siyasi sabitliyin seçki prosesinə birbaşa təsiri və bunun nəticəsində vətəndaşların heç bir maneə ilə üzləşmədən seçim imkanları əsas şərt kimi önə çəkilib. Vurğulanıb ki, ölkəmizdə demokratik seçki mühiti mövcuddur. Seçki qanunvericiliyinin tələblərinə uyğun olaraq seçkidə hər bir seçiciyə öz iradəsini azad şəkildə ifadə etmək, onun səsvermə məntəqəsinə gələrək arzuladığı namizədə dəstək olmasını təmin etmək üçün ölkəmizin hər yerində olduğu kimi Qaradağ rayonunda da bütün zəruri imkanlar yaradılıb.
Cənab İlham Əliyevin Qaradağ rayonu üzrə seçki qərargahı artıq nəzərdə tutulmuş bütün vəzifələrin icrasını yerinə yetirməkdədir. Qanunvericiliyin tələblərinə uyğun olaraq artıq təbliğata start verilən gündən YAP Qaradağ rayon seçki qərargahı müəyyənləşmiş qrafik üzrə və fəaliyyət planına uyğun işləyir. Qərargahın qrafikə uyğun olaraq müəyyənləşmiş üzvləri təbliğat-təşviqat prosesinin təşkili istiqamətində fəaliyyətlərini davam etdirirlər. Eyni zamanda, Qaradağ rayon ictimaiyyətinin nümayəndələri, gənclər və könüllülər seçki qərargahının apardığı təbliğat-təşviqat kampaniyasında yaxından iştirak edir və təlimata uyğun addımlar atırlar. YAP Qaradağ rayon seçki qərargahında nəzərdə tutulan vəzifələrin icrası, vətəndaşların seçki ilə bağlı ünvanladıqları suallar, onları maraqlandıran məsələlər ətraflı izahat işlərini uğurla yerinə yetirir.
Seminar qarşılıqlı fikir mübadiləsi əsasında yekunlaşıb.

Paylaş:

Baxılıb: 1073 dəfə