Seçicilər inkişaf və sabitliyin davamına- cənab İlham Əliyevə səs verəcəklər

Bakı:

22 °C

65 %

9 m/s

Əlaqə

AZ RU EN

Ana səhifə / YAP xəbərləri / Seçicilər inkişaf və sabitliyin davamına- cənab İlham Əliyevə səs verəcəklər

Seçicilər inkişaf və sabitliyin davamına- cənab İlham Əliyevə səs verəcəklər

01.10.2013 [09:54]

Göygöl rayonunun Topalhəsənli və Qızılqaya kəndlərində seçicilərlə görüşlər keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində YAP Göygöl rayon təşkilatı seçicilərlə görüşlərini davam etdirir. Növbəti görüşlər rayonun Topalhəsənli və Qızılqaya kəndlərində keçirilib.
YAP Göygöl rayon təşkilatının sədri Turani Əliyev seçicilər qarşısında çıxışı zamanı Prezident İlham Əliyevin rəhbərliyi ilə həyata keçirilən sosial-iqtisadi siyasətin əsas istiqamətlərindən və uğurlu nəticələrindən bəhs edib. Regionların sosial-iqtisadi inkişafının dinamik şəkildə davam etdiyini bildirən təşkilat sədri əlavə edib ki, ölkəmizin, o cümlədən, bölgələrin sürətli inkişafı hər bir vətəndaşın həyatında xüsusilə hiss olunur, insanların rifah halı daha da yaxşılaşır: “Regionların sosial-iqtisadi inkişafına dair Dövlət proqramlarının uğurla icra olunması regionlardakı mövcud əmək ehtiyatlarından, təbii və iqtisadi potensialdan səmərəli istifadə edilməsinə və son nəticədə bütün rayonların simasının dəyişməsinə, bölgələr arasında iqtisadi tarazlığın bərpa olunmasına, rayonların sosial həyatında müşahidə olunan fərqin aradan qaldırılmasına, yeni iş yerlərinin yaradılmasına, əhalinin məşğulluğunun təmin edilməsinə, bütövlükdə isə bütün rayonların sosial həyatında ciddi dəyişikliklərə gətirib çıxarıb. Bu proqramlar regionların sosial-iqtisadi inkişafına yol açmaqla yanaşı, ümumilikdə, Azərbaycanın iqtisadi inkişafına təkan verərək makroiqtisadi sabitliyin möhkəmlənməsinə baza yaradıb”.
Təşkilat sədri əlavə edib ki, cəmiyyətin mövcud əhval-ruhiyyəsi, o cümlədən, Göygöl seçicilərinin mövqeyi deməyə əsas verir ki, Azərbaycan ictimaiyyətinin nümayəndələri növbəti dəfə YAP-ın namizədinə səs verəcək və cənab İlham Əliyev bu seçkilərdə də qalib gələcək.
Daha sonra çıxış edən YAP Göygöl rayon təşkilatının sədr müavini Vüqar İsayev seçiciləri seçkilərdə fəal iştirak etməyə və layiqli namizədə - cənab İlham Əliyevə səs verməyə çağırıb. Qeyd edib ki, Azərbaycan seçicilərinin birmənalı seçimi yeni Azərbaycan Partiyasının namizədi cənab İlham Əliyevdir.
YAP Göygöl rayon təşkilatının sədr müavini Nuranə Quliyeva isə bildirib ki, ölkə başçısının rəhbərliyi ilə son illər ardıcıl və sistemli şəkildə həyata keçirilən çoxşaxəli islahatlar bütün strateji əhəmiyyətli sahələrdə əsaslı inkişafa səbəb olub: “Sosial-iqtisadi inkişafın təmin edilməsi, adambaşına düşən ümumi daxili məhsul istehsalının artımı hər bir ölkədə həyata keçirilən iqtisadi siyasətin prioritet xəttini təşkil edir. Bu mənada, Azərbaycan əhəmiyyətli nailiyyətlər əldə edib. Bütün bunları nəzərə alaraq əminliklə deyə bilərəm ki, seçicilər yenə də cənab İlham Əliyevə səs verəcək və Yeni Azərbaycan Partiyasının namizədi növbəti dəfə qalib gələcək”.
YAP Göygöl rayon təşkilatının Aparat rəhbəri Rəşad Veysov isə öz növbəsində bildirib ki, Azərbaycanın gələcək inkişafı məhz Prezident İlham Əliyevin adı ilə bağlıdır: “Şübhəsiz, vətəndaşlar bu inkişafın, sabitliyin davam etməsi üçün yenə də cənab İlham Əliyevə səs verəcəklər. Çünki ölkəmizi parlaq gələcəyə apara biləcək yeganə lider məhz cənab İlham Əliyevdir”.
Daha sonra çıxış edənlər -Ceyhun Hüseynov, Səfər Bayramov və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər.
NURLAN

Paylaş:

Baxılıb: 1253 dəfə