Azərbaycan-Özbəkistan münasibətləri yeni mərhələyə qədəm qoyur

Bakı:

29 °C

54 %

5 m/s

Əlaqə

AZ RU EN

Ana səhifə / YAP xəbərləri / Azərbaycan-Özbəkistan münasibətləri yeni mərhələyə qədəm qoyur

Azərbaycan-Özbəkistan münasibətləri yeni mərhələyə qədəm qoyur

19.11.2025 [18:42]

Eldar Əsədov

YAP Tərtər rayon təşkilatının sədri

Möhtərəm Prezidentimiz İlham Əliyev cənabları Özbəkistanın Milli İnformasiya Agentliyinə (UzA) geniş müsahibə verib. Bu müsahibə, iki ölkə arasındakı strateji tərəfdaşlıq və Mərkəzi Asiya ilə daha dərin əməkdaşlıq perspektivləri kontekstində əhəmiyyətli mesajlar daşıyır.

Yaxın zamanlarda Daşkənddə keçiriləcək Mərkəzi Asiya Dövlət Başçılarının Məşvərət Görüşündə iştirak edəcəyini bildirən Möhtərəm Prezidentimiz vurğulayıb ki, bu onun üçün artıq üçüncü belə iştirakdır. Dövlət Başçımız, Azərbaycan ilə Mərkəzi Asiya ölkələri arasında “vahid tarixi, mədəni, coğrafi və geosiyasi məkan”ın formalaşmaqda olduğunu bildirib.

İki ölkə arasında əhəmiyyətli sayda müqavilə və razılaşmanın imzalandığını bildirən Prezident Əliyev, istər strateji, istər iqtisadi sahələrdə güclü hüquqi bazanın mövcud olduğunu bildirib.

Prezidentimiz qeyd edib ki, Özbəkistandan Azərbaycana yatırılan investisiyalar artmaqdadır. Belə ki, Özbəkistandan təxminən 120 investisiyalı kommersiya təşkilatı Azərbaycanda fəaliyyətdədir. Ticarət dövriyyəsi sürətlə yüksəlir. Yatırım baxımından da əməkdaşlıq genişlənir. Özbəkistanın Azərbaycan iqtisadiyyatına, Azərbaycanın isə Özbəkistana investisiyaları vardır. Həmçinin, birgə investisiya şirkəti yaradılıb.

Prezidentimiz qeyd edib ki, Orta Dəhliz Cənubi Qafqazı Mərkəzi Asiya ilə daha da sıx birləşdirən mühüm tranzit marşrutudur. 2025-ci ilin ilk 9 ayı ərzində tranzit həcmi yüksək olub. Burada söhbət təxminən 1 milyon tonluq daşımadan gedir..

İlham Əliyev cənabları eyni zamanda mədəniyyət sahəsində əməkdaşlıq, iki ölkənin şəhərləri arasında qardaşlaşma münasibətləri, qeyri-hökumət təşkilatları və media qurumları arasında intensivləşən əməkdaşlıq, keçirilən media forumları haqqında danışıb.

Azərbaycan-Özbəkistan münasibətlərini “strateji tərəfdaşlıq və müttəfiqlik” münasibətləri olaraq dəyərləndirən dövlət başçımız, Mərkəzi Asiya ölkələri ilə qarşılıqlı əlaqələrdə geosiyasi məna daşıyan, yalnız iqtisadi əlaqələri deyil, mədəni və coğrafi birliyi də əhatə edən “strateji məkan” ideyasını irəli sürüb. Orta Dəhlizin rolunu sadəcə tranzit marşrutu kimi deyil, daha geniş strateji bir infrastruktur elementi kimi qiymətləndirib.

Prezident İlam Əliyev, qarşıdakı reqionlararası əməkdaşlığın daha da dərinləşəcəyinə, siyasi, iqtisadi və qeosiyasi sahələrdə yeni addımların atılacağına inam ifadə edib.

Müsahibədə diqqət çəkən əsas məqamlar bundan ibarətdir ki, iki ölkə təkcə ticarət tərəfdaşları deyil, həm də geosiyasi müttəfiqlərdir. Cənab Prezidentin vurğuladığı “vahid region məkanı” anlayışı, yalnız ticarət tranziti üçün deyil, həm də siyasi inteqrasiya üçün uzunmüddətli perspektiv yaradır. İnvestisiya və tranzit sahəsindəki inkişaf, Orta Dəhliz kimi layihələrin regional önəmini artırır və Azərbaycanı logistika mərkəzinə çevirir.

Prezident İlham Əliyevin UzA-ya verdiyi müsahibə, Azərbaycan-Özbəkistan münasibətlərinin yeni bir mərhələyə qədəm qoyduğunu göstərir. Bu isə, yalnız ikitərəfli əməkdaşlıq üçün deyil, ümumilikdə Mərkəzi Asiya ilə strateji əlaqələrin dərinləşdirilməsi üçün vacib bir addımdır

Dövlət başçımız müsahibə əsnasında Özbək xalqına Azərbaycana dost münasibətlərinə görə minnətdarlığını ifadə edib, Ulu Öndər Heydər Əliyevə Özbəkistanda hər zaman xüsusi hörmət və məhəbbət bəslənildiyini qeyd edib, xatirələrini bölüşüb.

Paylaş:

Baxılıb: 649 dəfə