Nərimanov rayonunda Yeni Azərbaycan Partiyasının yaradılmasının 33-cu ildönümü münasibətilə tədbir keçirilib.

Bakı:

22 °C

73 %

10 m/s

AZ RU EN

Ana səhifə / YAP xəbərləri / Nərimanov rayonunda Yeni Azərbaycan Partiyasının yaradılmasının 33-cu ildönümü münasibətilə tədbir keçirilib.

Nərimanov rayonunda Yeni Azərbaycan Partiyasının yaradılmasının 33-cu ildönümü münasibətilə tədbir keçirilib.

19.11.2025 [16:08]

Yeni Azərbaycan Partiyası (YAP) Nərimanov rayon təşkilatında partiyanın yaradılmasının 33-cü ildönümü münasibətilə tədbir keçirilib.

Tədbirdən öncə ulu öndər Heydər Əliyevin YAP Nərimanov rayon təşkilatının inzibati binasında ucaldılmış büstü önünə gül dəstələri qoyularaq dahi şəxsiyyətin əziz xatirəsi ehtiramla yad edilib.

Tədbirdə ilk öncə Azərbaycan Respublikasının Dövlət Himni səsləndirilib və ümummilli lider Heydər Əliyevin, Azərbaycanın müstəqilliyi, ərazi bütövlüyü uğrunda şəhid olmuş qəhrəmanlarımızın əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Nərimanov rayon təşkilatının sədri Elçin Quliyev Yeni Azərbaycan Partiyasının 33 il ərzində olduqca şərəfli və məsuliyyətli yol qət etdiyini, öz siyasi xətti və fəaliyyəti ilə xalqın partiyasına çevrildiyini diqqətə çatdırıb. E. Quliyev 1992-ci il noyabrın 21-də respublikanın müxtəlif bölgələrindən 550 nümayəndənin iştirakı ilə Naxçıvanda keçirilən Yeni Azərbaycan Partiyasının təsis konfransının tarixi əhəmiyyətə malik olduğunu söyləyib. Təşkilat sədri bildirib ki, ümummilli lider Heydər Əliyevin zəngin irsi əsasında və ölkə Prezidenti, partiyamızın Sədri İlham Əliyevin rəhbərliyi altında dövlətimizin qüdrəti, beynəlxalq nüfuzu daha da artır.

Tədbirdə Milli Məclisin deputatları, YAP idarə heyətinin üzvləri Mübariz Qurbanlı, Hikmət Babaoğlu, millət vəkili Samir Vəliyev, YAP-ın Təftiş Komissiyasının üzvü Musa Musayev çıxışlarında bildiriblər ki, bu gün sürətlə inkişaf edən müstəqil dövlətimizi uğurlu inkişafa aparan bu yolda hər bir Azərbaycan vətəndaşı Yeni Azərbaycan Partiyasının Sədri, Prezident İlham Əliyevin siyasi kursunu dəstəkləyir və böyük əzmlə dövlətin, xalqın, vətənin mənafeyi naminə səy göstərir.

Tədbirdə Vətən müharibəsində qazanılmış möhtəşəm Qələbənin 5 illiyi münasibətilə, YAP Nərimanov rayon təşkilatının Ərazi Partiya Təşkilatlarında çalışan şəxslər arasında vətənpərvərlik ruhunu daha da gücləndirmək, dövlətçiliyimizə və ordumuza hörmət hissini təbliğ etmək məqsədilə “Zəfərin səsi – Qürur günümüz” adlı inşa yazı müsabiqəsinin qalibləri, həmçinin, partiyanın və rayon təşkilatının ictimai-siyasi həyatında fəal iştirak edən şəxslər Fəxri Fərmanla təltif edilib.

Sonra Yeni Azərbaycan Partiyası sıralarına yeni qəbul edilmiş şəxslərə üzvlük vəsiqələri təqdim edilib.

Tədbirin sonunda Yeni Azərbaycan Partiyasının himni səsləndirilib.

Paylaş:

Baxılıb: 892 dəfə