“Gəncliyin gücü - Heydər Əliyev irsində” mövzusunda dəyirmi masa keçirilib

Bakı:

27 °C

41 %

7 m/s

Əlaqə

AZ RU EN

Ana səhifə / YAP xəbərləri / “Gəncliyin gücü - Heydər Əliyev irsində” mövzusunda dəyirmi masa keçirilib

“Gəncliyin gücü - Heydər Əliyev irsində” mövzusunda dəyirmi masa keçirilib

10.12.2025 [15:40]

“Konstitusiya və Suverenlik İli” çərçivəsində dekabrın 10-da Yeni Azərbaycan Partiyası (YAP) Zəngilan rayon təşkilatının və Şərqi Zəngəzur Regional Gənclər və İdman İdarəsinin birgə təşkilatçılığı ilə “Gəncliyin gücü - Heydər Əliyev irsində” mövzusunda dəyirmi masa keçirilib.

Tədbir Azərbaycan Respublikasının Dövlət Himni səsləndirilməsi ilə başlayıb. Daha sonra tədbir iştirakçıları Ümummilli Lider Heydər Əliyevin, Azərbaycanın müstəqilliyi və suverenliyi uğrunda canından keçmiş şəhidlərin xatirəsini bir dəqiqəlik sükutla yad etdilər. Ardınca Ümummilli Liderin mənalı ömür yolunu və müdrik siyasi fəaliyyətini əks etdirən videoçarx nümayiş etdirilib.

YAP Zəngilan rayon təşkilatının sədri Natiq Quluzadə çıxış edərək diqqətə çatdırmışdır ki, Ulu Öndər Heydər Əliyev Azərbaycan xalqının yaddaşında həm qurucu dövlət xadimi, həm də milli xilaskar kimi əbədi məskunlaşıb. Rayon təşkilatının Sədri gənc nəslin düzgün formalaşmasının dövlət siyasətində prioritet olduğunu vurğulayaraq, əsası Heydər Əliyev tərəfindən qoyulan gənclər siyasətinin Prezident İlham Əliyev tərəfindən uğurla davam etdirildiyini bildirib. Bu siyasətin nəticəsi olaraq, Azərbaycan gəncliyinin bütün sahələrdə öz potensialını tam həyata keçirdiyini, ölkənin isə Prezident İlham Əliyevin müdrik rəhbərliyi altında qüdrətli və qalib dövlətə çevrildiyini bəyan edib. Çıxışında son illərdə əldə edilən ən böyük uğurun da məhz işğal altındakı torpaqların azad edilməsi, ərazi bütövlüyü və suverenliyin bərpa olunması olduğunu xüsusi ilə qeyd edib.

Şərqi Zəngəzur Regional Gənclər və İdman İdarəsinin rəisi Natiq Abbasov öz çıxışında Ümummilli lider Heydər Əliyevin ölkənin inkişafındakı müstəsna roluna diqqət yetirib. O, Heydər Əliyevin zəngin irsindən, xüsusilə də gənclərin tərbiyəsi və inkişafına daim göstərdiyi diqqət və qayğıdan danışıb. Natiq Abbasov qeyd edib ki, Ümummilli Lider təkcə dövlətin müstəqilliyini qorumaqla və möhkəmləndirməklə kifayətlənməyib, eyni zamanda gələcək nəsillərin inkişafı üçün də uzaqgörən siyasət həyata keçirib.

Tədbirdə gənc partiya fəalları Günel Xəlilova, Aysel Hüseynova və Aytac Quluzadə də geniş nitqlə çıxış ediblər. Onlar da çıxışlarında Azərbaycanda gənclər hərəkatının tarixi inkişaf yolu, müxtəlif dövrlərdə gənclərin vətəndaşlıq mövqeyi və rolu barədə fikirlərini bölüşüblər.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 886 dəfə