İnsan hüquq və azadlıqlarının təmin edilməsi

Bakı:

25 °C

64 %

0 m/s

Əlaqə

AZ RU EN

Ana səhifə / YAP xəbərləri / İnsan hüquq və azadlıqlarının təmin edilməsi

İnsan hüquq və azadlıqlarının təmin edilməsi

18.12.2025 [20:18]

İntiqam Quliyev

YAP Ağdam rayon təşkilatının sədr müavini

Ölkəmizdə hüquqi dövlət quruculuğu, insan hüquq və azadlıqlarının təmin edilməsi, cəmiyyətlə dövlət arasında etimad mühitinin möhkəmləndirilməsi Prezident İlham Əliyevin rəhbərliyi ilə həyata keçirilən dövlət siyasətinin əsas istiqamətlərindən biridir. Ümummilli Liderin humanizm, mərhəmət və insanpərvərlik ənənələrinin davam etdirilməsinin əsas göstəricilərindən birini cəzadan azad olunan şəxslərin müstəqil dövlətimizin rifahına və cəmiyyətin inkişafına öz töhfəsini verəcəklərinə inam təşkil edib. Bu möhkəm təməl üzərində qurulan dövlət siyasəti bu gün Prezident İlham Əliyev tərəfindən uğurla və qətiyyətlə davam etdirilir. Humanizm Prezident İlham Əliyevin həyata keçirdiyi dövlət siyasətinin əsas istiqamətlərindən birini təşkil edir. Dövlət başçısının siyasi fəaliyyətinin mərkəzində insan amili, vətəndaş rifahı, sosial ədalət və mərhəmət prinsipləri dayanır. Amnistiya təşəbbüsü eyni zamanda hüquqi baxımdan cəzanın tərbiyəvi mahiyyətinə verilən önəmi göstərir. Böyük ictimai təhlükə törətməyən, az ağır və ehtiyatsızlıqdan törədilmiş cinayətlərə görə məhkum olunmuş şəxslərin cəzadan azad edilməsi və ya cəzalarının azaldılması hüquqi sistemin çevikliyinin göstəricisidir. Bu yanaşma cəmiyyətə belə bir mesaj verir. Cinayətə qarşı mübarizə sərtdir, lakin insanın islahına inam daha güclüdür. Proqnozlara görə, bu amnistiya aktı müstəqil Azərbaycanın tarixində ən genişmiqyaslı humanitar hüquqi akt olacaq. Ümumilikdə 20 mindən çox şəxsə şamil ediləcək amnistiya 5 mindən çox məhkumun azadlığa buraxılmasını, minlərlə şəxsin cəzasının azaldılmasını, minə yaxın şəxsin cinayət məsuliyyətindən azad edilməsini nəzərdə tutur. Bu statistika sadəcə rəqəmlər deyil minlərlə ailənin ümidinin, sosial sabitliyin və ictimai etimadın bərpasıdır. “Konstitusiya və Suverenlik İli” çərçivəsində irəli sürülən amnistiya ideyası dövlətin hüquqi, siyasi və mənəvi dəyərlərə verdiyi önəmi bir daha nümayiş etdirir, cəmiyyətlə dövlət arasında qarşılıqlı etimadı və humanist münasibətləri möhkəmləndirir. Qeyd edək ki, Möhtərəm Prezidentimizin amnistiya təşəbbüsü həm də Azərbaycan dövlətinin güclü və suveren mövqeyinin ifadəsidir. Tam bərpa olunmuş ərazi bütövlüyü və dövlət suverenliyi şəraitində həyata keçirilən bu təşəbbüs göstərir ki, Azərbaycan yalnız hərbi-siyasi gücü ilə deyil, eyni zamanda hüquqi və mənəvi üstünlükləri ilə də regionda nümunəvi dövlətdir. Prezident İlham Əliyevin ümumbəşəri humanizm dəyərlərinə sadiqliyini əks etdirən mühüm təşəbbüs kimi amnistiya aktı Azərbaycan dövlətinin insan amilini hər zaman prioritet hesab etdiyini sübut edir. Dövlət başçısının rəhbərliyi ilə həyata keçirilən hüquqi islahatlar yalnız cəzalandırma mexanizmlərinə deyil, eyni zamanda islah, yenidən cəmiyyətə inteqrasiya və sosial ədalət prinsiplərinə əsaslanır.

Paylaş:

Baxılıb: 678 dəfə