Tərtərdə “Aprel döyüşləri bizim şanlı hərbi qələbəmizdir” adlı tədbir keçirilib

Bakı:

21 °C

49 %

6 m/s

Əlaqə

AZ RU EN

Ana səhifə / YAP xəbərləri / Tərtərdə “Aprel döyüşləri bizim şanlı hərbi qələbəmizdir” adlı tədbir keçirilib

Tərtərdə “Aprel döyüşləri bizim şanlı hərbi qələbəmizdir” adlı tədbir keçirilib

02.04.2026 [17:15]

Tərtərdə “Aprel döyüşləri bizim şanlı hərbi qələbəmizdir” adlı tədbir keçirilib.

Tədbir YAP Tərtər Rayon Təşkilatı, Qarabağ Regional Gənclər və İdman İdarəsi və Tərtər Peşə Məktəbinin birgə təşkilatçılığı ilə keçirilib.

Əvvəlcə şəhidlərimizin əziz xatirəsi bir dəqiqəlik sükutla yad edilmişdir.

Tədbirdə YAP Tərtər Rayon Təşkilatının məsləhətçisi Gündüz Alıkişiyev çıxış edərək bildirib ki, bu gün biz Azərbaycan xalqının mübarizə tarixində xüsusi yer tutan şanlı bir hadisənin – 2016-cı ilin aprelində baş vermiş Aprel döyüşlərinin 10-cu ildönümünü dərin ehtiramla yad etmək üçün bir araya gəlmişik. Qeyd edildi ki, Aprel döyüşləri Azərbaycan Ordusunun gücünü, xalqımızın sarsılmaz iradəsini və torpaq uğrunda canından keçməyə hazır olan igid oğullarımızın qəhrəmanlığını bütün dünyaya nümayiş etdirdi. Bu döyüşlər bir daha sübut etdi ki, Azərbaycan heç vaxt işğalla barışmayacaq və öz ərazi bütövlüyünü bərpa etmək əzmindədir.

Bu şanlı Qələbənin təməlində isə güclü siyasi iradə, qətiyyətli rəhbərlik və xalq–ordu birliyi dayanır. Məhz Müzəffər Ali Baş Komandan İlham Əliyevin rəhbərliyi ilə Azərbaycan Ordusu öz gücünü və peşəkarlığını ən yüksək səviyyədə nümayiş etdirdi. Onun uzaqgörən siyasəti və qətiyyətli qərarları nəticəsində ordumuz strateji üstünlüklər əldə etdi və düşmənə sarsıdıcı zərbə vurdu.

Cəmi bir neçə gün davam etməsinə baxmayaraq, bu döyüşlər tariximizə qızıl hərflərlə yazıldı. Ordumuzun qazandığı uğurlar, azad edilən strateji yüksəkliklər və yaşayış məntəqələri xalqımızın qələbəyə inamını daha da möhkəmləndirdi. Bu, eyni zamanda gələcək böyük Zəfərin – 2020-ci ildə qazanılan tarixi Qələbənin müjdəçisi oldu.

Qarabağ Regional Gənclər və İdman İdarəsinin Gənclərlə iş sektorunun müdiri Orxan Fəxrəddinov, Aprel döyüşləri və 44 günlük Vətən müharibəsinin iştirakçısı Ziya Təhməzli, Tərtər Peşə Məktəbinin müdiri Əli Babayev, məktəbin psixoloqu Altunə Bayramova və həmin məktəbin tələbələri Nazlı Qaraşova, Samirə Cəfərova, Kənan Səfiyev, Yusif Hüseynov mövzu ətrafında çıxış ediblər. Çıxışlarda qeyd olunub ki, Aprel döyüşləri Azərbaycan xalqının gücünün, birliyinin və vətənə bağlılığının bariz nümunəsidir. Tədbirin sonunda Aprel döyüşlərinə həsr olunmuş sənədli film nümayiş olunub.

Paylaş:

Baxılıb: 419 dəfə