Azərbaycan–Gürcüstan strateji tərəfdaşlığı yeni mərhələdə

Bakı:

11 °C

93 %

1 m/s

Əlaqə

AZ RU EN

Ana səhifə / YAP xəbərləri / Azərbaycan–Gürcüstan strateji tərəfdaşlığı yeni mərhələdə

Azərbaycan–Gürcüstan strateji tərəfdaşlığı yeni mərhələdə

07.04.2026 [15:36]

Azərbaycan Respublikası müstəqillik əldə etdikdən sonra region ölkələri ilə qarşılıqlı hörmətə, etimada və ortaq maraqlara əsaslanan siyasət yürütməyə xüsusi önəm vermişdir. Bu siyasətin əsas məqsədi Cənubi Qafqazda sabitliyin qorunması, iqtisadi əməkdaşlığın genişləndirilməsi və xalqlar arasında dostluq münasibətlərinin möhkəmləndirilməsidir. Azərbaycan qonşu dövlətlərlə siyasi dialoqun inkişafına, birgə iqtisadi layihələrin həyata keçirilməsinə və regional təşəbbüslərin dəstəklənməsinə daim üstünlük verir. Xüsusilə enerji, nəqliyyat və logistika sahələrində həyata keçirilən iri layihələr region ölkələrini bir-birinə daha sıx bağlayaraq qarşılıqlı asılılığı və tərəfdaşlığı gücləndirir. Bu baxımdan Azərbaycan regionda etibarlı tərəfdaş kimi çıxış edir və əməkdaşlıq platformalarının inkişafında mühüm rol oynayır.

2026-cı il aprelin 6-da Azərbaycan Respublikasının Prezidenti cənab İlham Əliyevin Gürcüstana rəsmi səfəri çərçivəsində mətbuata verdiyi bəyanat da məhz bu strateji yanaşmanın davamı kimi qiymətləndirilir. Səfər zamanı səsləndirilən fikirlər iki ölkə arasında mövcud olan yüksək səviyyəli münasibətlərin bir daha təsdiqi olmaqla yanaşı, regionda baş verən geosiyasi və iqtisadi proseslər fonunda xüsusi aktuallıq kəsb edir.

Cənab Prezident çıxışında Azərbaycan ilə Gürcüstan arasında formalaşmış möhkəm dostluq və strateji tərəfdaşlıq əlaqələrinin əhəmiyyətini vurğuladı. Bildirildi ki, bu münasibətlər qarşılıqlı etimad, siyasi iradə və ortaq maraqlar üzərində qurulub. İki ölkə arasında ali səviyyədə keçirilən müntəzəm görüşlər, imzalanan sənədlər və həyata keçirilən birgə layihələr əməkdaşlığın davamlı və dinamik inkişaf etdiyini göstərir.

Bəyanatda xüsusi olaraq vurğulandı ki, Azərbaycan energetika sahəsində uzun illərdir etibarlı tərəfdaş kimi çıxış edir və bir çox ölkələrin enerji təhlükəsizliyinin təmin olunmasında mühüm rol oynayır. Ölkənin zəngin karbohidrogen ehtiyatları və həyata keçirilən iri infrastruktur layihələri sayəsində enerji resurslarının dünya bazarlarına təhlükəsiz və fasiləsiz şəkildə çatdırılması təmin edilir. Bu təşəbbüslər Avropa və digər regionların enerji təchizatının şaxələndirilməsinə və təhlükəsizliyin möhkəmlənməsinə ciddi töhfə verir.

İqtisadi sahədə əməkdaşlıq bəyanatın əsas istiqamətlərindən birini təşkil etdi. Prezident qeyd etdi ki, Azərbaycan və Gürcüstan regionda enerji və nəqliyyat layihələrinin əsas iştirakçılarıdır. Bu layihələr vasitəsilə Azərbaycanın enerji resursları Gürcüstan ərazisindən keçməklə beynəlxalq bazarlara çıxarılır və bu da hər iki ölkə üçün mühüm iqtisadi dividentlər yaradır.

Nəqliyyat və logistika sahəsində tərəfdaşlıq da xüsusi diqqət mərkəzində oldu. Prezident İlham Əliyev Orta Dəhlizin inkişafının vacibliyini vurğulayaraq bildirdi ki, bu marşrut Şərqlə Qərbi birləşdirən mühüm nəqliyyat xətlərindən birinə çevrilməkdədir. Bu sahədə koordinasiyalı fəaliyyət regionun beynəlxalq ticarətdə rolunu gücləndirir.

Bəyanatda təhlükəsizlik məsələləri də mühüm yer tutdu. Dövlət Başçısı regionda sülh və sabitliyin təmin olunmasının əsas prioritetlərdən biri olduğunu qeyd etdi və münaqişələrin beynəlxalq hüquq çərçivəsində həllinin vacibliyini vurğuladı. Azərbaycan bu istiqamətdə səylərini davam etdirir və əməkdaşlıq mühitinin möhkəmlənməsinə töhfə verir.

Humanitar və mədəni əlaqələr də çıxışda əks olundu. İki xalq arasında mövcud olan tarixi dostluq münasibətlərinin inkişaf etdiyi bildirildi, təhsil və turizm sahələrində əməkdaşlıq perspektivləri qeyd olundu.

Cəanb Prezident İlham Əliyevin mətbuata verdiyi bəyanat ümumilikdə Azərbaycan-Gürcüstan münasibətlərinin yüksək səviyyədə olduğunu bir daha nümayiş etdirdi və regionda sabitlik, inkişaf və əməkdaşlıq istiqamətində birgə fəaliyyətin davam etdiriləcəyini göstərdi.

Rövşən Əhmədov

YAP Ağcabədi rayon təşkilatının sədri

Paylaş:

Baxılıb: 334 dəfə