Azərbaycan Ordusu döyüş hazırlığı

Bakı:

21 °C

83 %

5 m/s

Əlaqə

AZ RU EN

Ana səhifə / YAP xəbərləri / Azərbaycan Ordusu döyüş hazırlığı

Azərbaycan Ordusu döyüş hazırlığı

24.09.2026 [11:18]

Elməddin Abbasov

YAP Ağdam rayon təşkilatının əməkdaşı

2020-ci ilin sentyabrın 27-də Ermənistan tərəfindən növbəti hərbi təxribat törədildi. Mənfur düşmən tərəfindən yaşayış məntəqələri və döyüş mövqelərimiz şiddətli artilleriya atəşinə tutuldu. Həmin gün düşmənin hərbi təxribatını dəf etmək və təcavüzünə son qoymaq məqsədilə Silahlı Qüvvələrin Ali Baş Komandanı İlham Əliyev dərhal bütün cəbhə boyu əks-hücuma keçmək əmri verdi.

Prezident İlham Əliyev tərəfindən həyata keçirilən məqsədyönlü siyasət, Azərbaycan Ordusunun Vətənə məhəbbəti və xalqımızın “dəmir yumruq” kimi Ali Baş Komandanın ətrafında birləsməsinin nəticəsi idi. Azərbaycan öz dövlət suverenliyini tam təmin etdi, beynəlxalq hüquq zəfər çaldı və Azərbaycan öz gücünü bir daha göstərdi. Bu günü bizə bəxş edən qəhrəman hərbçilərimizi hər zaman böyük minnətdarlıqla yad edirik. Vətən uğrunda canlarından keçən şəhidlərimizin əziz xatirəsini daim qəlbimizdə saxlayırıq və saxlayacağıq. Allah bütün şəhidlərimizə rəhmət eləsin. Vətən müharibəsi və antiterror əməliyyatı keçirilərkən bizim 3200-dən çox qəhrəman şəhidimiz şəhadət zirvəsinə ucalmışdır. Onların və digər qəhrəman hərbçilərimizin rəşadəti və vətənpərvərliyi Qələbənin əsas amilləridir. Vətən uğrunda İkinci Qarabağ müharibəsində 90 mindən çox gənc azərbaycanlı döyüşlərdə iştirak etmişdir.

Beləliklə də, ölkəmizin ərazi bütövlüyü, tarixi ədalət, beynəlxalq hüquq bərpa edildi. Azərbaycanın işğaldan azad edilən ərazilərində böyük bərpa- quruluculuq işləri sürətlə davam etdirilir. Vətəndaşlarımız öz ata-baba evlərinə dönürlər. 30 ilə yaxın işğal altında qalan ərazilərimizdə həyat yenidən canlanır. Bu, ölkə iqtisadiyyatının yeni mərhələdə inkişafı baxımdan da vacibdir.Hazırda ordumuz dünyanın ən güclü 50 ordusu sırasındadır. Cənubi Qafqazın ən qüdrətli ordusuna malik Azərbaycanın Silahlı Qüvvələri öz döyüş hazırlığına görə MDB məkanında ön sıralarda gedir. Tarixi Zəfərimizi, suverenliyimizin tam bərpasını bizə bəxş edən qəhrəman əsgər və zabitlərimiz qürur mənbəyimizdir. Vətən müharibəsində Zəfər qazanmağımızda böyük rolu olan amillərdən biri də Azərbaycan əsgər və zabitlərinin peşəkarlığı, yüksək mənəvi keyfiyyətləri, cəsurluğu, vətənpərvərliyi, şəxsi rəşadətləri, qələbə əzmi, döyüş əhvali-ruhiyyəsi idi. Onların qəhrəmanlığı, şücaəti, fədakarlığı artıq dastana çevrilib. Ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq 27 sentyabr Anım Günü kimi qeyd edilir. Allah bütün Şəhidlərimizə rəhmət etsin!

Müharibənin nəticələri, həm də göstərdi ki, Azərbaycan öz suverenliyini bərpa etməkdə qərarlıdır və bu məsələdə heç bir təzyiqə boyun əymir.

Paylaş:

Baxılıb: 236 dəfə