Biləsuvarlılar bu dəfə də YAP-ın namizədlərinə səs verəcəklər

Bakı:

11 °C

87 %

7 m/s

Əlaqə

AZ RU EN

Ana səhifə / YAP xəbərləri / Biləsuvarlılar bu dəfə də YAP-ın namizədlərinə səs verəcəklər

Biləsuvarlılar bu dəfə də YAP-ın namizədlərinə səs verəcəklər

03.12.2014 [09:41]

YAP Biləsuvar rayon təşkilatı tərəfindən irəli sürülmüş namizədlərlə görüş keçirilib
Yeni Azərbaycan Partiyası (YAP) Biləsuvar rayon təşkilatında bələdiyyə seçkilərində partiya tərəfindən Biləsuvar rayon bələdiyyələrinə irəli sürülmüş namizədlərlə və Seçki Qərargahının üzvləri ilə görüş keçirilib. Görüşü YAP Biləsuvar rayon təşkilatının sədri Kamil Mirzəyev açaraq bələdiyyə seçkilərinə start veriləndən təşviqat işlərinə başlanan dövrə qədər görülmüş işlər barədə ətraflı məlumat verib.
Çıxış edən millət vəkili Malik Həsənov qeyd edib ki, YAP alternativsiz siyasi qüvvədir və Azərbaycanın siyası arenasında özünəməxsus yer tutur. Çıxışında partiyanın bələdiyyə seçkiləri ilə əlaqədar həyata keçirdiyi işlərdən söhbət açan millət vəkili, həmçinin, əlavə edib ki, ölkəmizdə həyata keçirilən iqtisadi siyasət siyasi sabitliyi şərtləndirir: “Həyata keçirilən uğurlu siyasət Azərbaycanın dinamik iqtisadi inkişafını təmin edib. Sevindirici haldır ki, bu işlərdə bələdiyyələr də müstəsna rol oynamaqdadır”.
“Yeni Azərbaycan” qəzetinin baş redaktoru Hikmət Babaoğlu isə bələdiyyə institutunun mahiyyəti və fəaliyyət mexanizmindən bəhs edərək diqqətə çatdırıb ki, bələdiyyə qanunla müəyyən edilmiş ərazi hüdudları daxilində yerli özünüidarəetmə formasıdır: “Azərbaycanda bələdiyyə institutu milli qanunvericiliyə əsasən təşəkkül tapıb və səmərəli fəaliyyət mexanizminə malikdir. Bələdiyyələr Azərbaycan Respublikası Konstitusiyası ilə və bu sahədəki qanunlarla səlahiyyətlərinə aid edilmiş yerli əhəmiyyətli məsələləri müstəqil surətdə həll edir”.
Baş redaktor bələdiyyə seçkilərinin demokratik idarəetmə sisteminin mühüm komponenti olduğunu diqqətə çatdıraraq deyib ki, bələdiyyələrə seçkilər vətəndaşların qanunla müəyyənləşdirilmiş seçki hüquqları təmin edilməklə ümumi, bərabər, birbaşa seçki hüququ əsasında sərbəst, şəxsi, gizli səsvermə yolu ilə həyata keçirilir. Bu prosesdə təbliğat-təşviqat işləri də mühüm əhəmiyyət kəsb edir. “Təbliğat-təşviqat işinin yerli qanunvericiliyə, müəyyən olunmuş standartlara müvafiq surətdə aparılması olduqca vacib və zəruri amildir”.
Natiq daha sonra hər bir namizədin əhali arasında hansı formada təbliğat aparmalı olduğunu siyasi və hüquqi nöqteyi-nəzərdən izah edib.
Görüşə yekun vuran YAP Biləsuvar rayon təşkilatının sədri Kamil Mirzəyev vurğulayıb ki, partiya tərəfindən bələdiyyələrə namizədliyi irəli sürülmüş şəxslər öz intellektinə, aktiv ictimai fəaliyyətinə görə fərqlənirlər. Bu seçkilərdə qadınlara və gənclərə xüsusi yer verilib: “Əminliklə deyə bilərəm ki, yenə də biləsuvarlıların seçimi YAP-ın namizədləri olacaq”.
Sonda natiq Yeni Azərbaycan Partiyası tərəfindən irəli sürülmüş namizədlərə bu seçkilərdə uğurlar arzulayıb.
Görüşdə Yeni Azərbaycan Partiyası Mərkəzi Aparatının məsul işçisi Məcid Əhmədov da iştirak edib.
NURLAN

Paylaş:

Baxılıb: 836 dəfə