YAP Nəsimi rayon təşkilatının “R.Behbudov-60” ərazi ilk partiya təşkilatı Gənclər Birliyinin hesabat-seçki yığıncağı keçirilib

Bakı:

27 °C

50 %

6 m/s

AZ RU EN

Ana səhifə / YAP xəbərləri / YAP Nəsimi rayon təşkilatının “R.Behbudov-60” ərazi ilk partiya təşkilatı Gənclər Birliyinin hesabat-seçki yığıncağı keçirilib

YAP Nəsimi rayon təşkilatının “R.Behbudov-60” ərazi ilk partiya təşkilatı Gənclər Birliyinin hesabat-seçki yığıncağı keçirilib

07.03.2015 [11:24]

Dünən Azərbaycan Dillər Universitetində Yeni Azərbaycan Partiyası (YAP) Nəsimi rayon təşkilatının “R.Behbudov-60” ərazi ilk partiya təşkilatının Gənclər Birliyinin hesabat-seçki yığıncağı keçirilib.
“R.Behbudov-60” ərazi ilk partiya təşkilatının Gənclər Birliyinin sədri Nərgiz Məmmədova çıxış edərək Azərbaycanda gənclər siyasətinin inkişafı istiqamətində görülmüş işlərdən, sosial-iqtisadi, elmi-mədəni sahələrdə gənclərin irəliləməsi üçün yaradılmış şəraitdən danışıb. O, Ümummilli lider Heydər Əliyevin həmişə gənclərə böyük etimad göstərdiyini, Azərbaycan gəncliyinə dövlətin diqqət və qayğısının hər zaman hiss olunduğunu bildirib. Azərbaycan gəncliyinin Prezident İlham Əliyevin ətrafında sıx birləşdiyini deyən Nərgiz Məmmədova ölkə Prezidenti, Yeni Azərbaycan Partiyasının Sədri İlham Əliyevin həyata keçirdiyi uğurlu siyasətin nəticəsində gənclərin partiyada sayının günü-gündən daha da artdığını vurğulayıb. N.Məmmədova hesabat dövründə təşkilatın gördüyü işlər barədə geniş məlumat verib.
Azərbaycan Dillər Universitetinin tələbələri Zəkiyyə Abdullazadə və Aydın Səadətov çıxış edərək ölkənin ictimai-sosial həyatında gənclərin rolundan, dövlətin gənclərə göstərdiyi diqqət və qayğıdan danışıblar.
YAP Nəsimi rayon təşkilatının sədri, partiyanın Siyasi Şurasının üzvü, Milli Məclisin deputatı Məlahət İbrahimqızı gəncliyin mübariz olduğunu vurğulayıb. M.İbrahimqızı Azərbaycan gənclərinin ölkənin bütövlüyü uğrunda canlarından keçməyə hazır olduqlarını bildirib. Gənclərin ideyalarının, təkliflərinin hər zaman dəstəkləndiyini söyləyən təşkilat sədri bacarıq, təşəbbüs və zəhmətsevərliyi ilə seçilən istedadlı tələbələrin inkişafı üçün ölkədə geniş imkanların olduğunu diqqətə çatdırıb.
Daha sonra çıxış edən ADU-nun Tədris işləri üzrə prorektoru Vazeh Əsgərov və Tərbiyə işləri üzrə prorektor, professor Ələddin Əliyev Azərbaycan gənclərinin sosial-ictimai həyatdakı rolundan söz açıblar.
Yığıncaqda təşkilati məsələlərə baxılıb, Nərgiz Məmmədova “R.Behbudov-60” ərazi ilk partiya təşkilatının Gənclər Birliyinin sədri seçilib. Həmçinin, təşkilatın sədr müavinləri, idarə heyəti seçilib.
Sonda YAP Nəsimi rayon təşkilatı tərəfindən universitetin bir qrup tələbəsi təhsildə əldə etdiyi uğurlara görə diplomlarla təltif olunub.

Paylaş:

Baxılıb: 999 dəfə