YAP Şabran rayon təşkilatında parlament seçkilərinə hazırlıq davam edir

Bakı:

26 °C

64 %

7 m/s

Əlaqə

AZ RU EN

Ana səhifə / YAP xəbərləri / YAP Şabran rayon təşkilatında parlament seçkilərinə hazırlıq davam edir

YAP Şabran rayon təşkilatında parlament seçkilərinə hazırlıq davam edir

29.08.2015 [11:04]

Rayon təşkilatının Seçki Qərargahının üzvləri arasında iş bölgüsü aparılıb və geniş tədbirlər planı hazırlanıb
Noyabrın 1-də keçiriləcək növbəti parlament seçkiləri ilə əlaqədar Yeni Azərbaycan Partiyasının (YAP) şəhər və rayon təşkilatları partiyanın İcra Katibliyi tərəfindən tərtib olunmuş plana və partiya rəhbərliyinin tövsiyələrinə uyğun olaraq öz işini uğurla davam etdirir. Məlum olduğu kimi, YAP-ın şəhər və rayon təşkilatlarında seçki qərargahları yaradılıb və iş bölgüsü müəyyənləşdirilib. YAP-ın Şabran rayon təşkilatının Seçki Qərargahı da seçkilərə hazırlığı davam etdirir. Bu haqda qəzetimizə açıqlama verən YAP Şabran rayon təşkilatının və rayon təşkilatının Seçki Qərargahının sədri Mehdi Balabəyov deyib ki, rayon ərazisində 54 saylı Şabran-Siyəzən Dairə Seçki Komissiyası üzrə 46 məntəqə fəaliyyət göstərir. O, həmçinin, Şabran rayonu üzrə 28851 nəfər seçicinin olduğunu da vurğulayıb.
Yeri gəlmişkən, bu günlərdə Yeni Azərbaycan Partiyası Şabran rayon təşkilatının Seçki Qərargahının iclası keçirilib. İclasda çıxış edən YAP Şabran rayon təşkilatının sədri Mehdi Balabəyov rayonda qarşıdan gələn parlament seçkilərinə hazırlığın yüksək səviyyədə aparıldığını bildirib.
Qeyd olunub ki, YAP Şabran rayon təşkilatının 11 nəfərdən ibarət Seçki Qərargahı yaradılıb. Tədbirdə, həmçinin, parlament seçkiləri ilə bağlı görüləcək işlər müzakirə edilərək qərargah üzvləri arasında iş bölgüsü də aparılıb.
Öz növbəsində, Seçki Qərargahının gənc üzvü Seymur Qədəşov ölkəmiz üçün mühüm əhəmiyyət kəsb edən belə bir prosesdə iştirak etdiklərinə görə qürur hissi keçirdiyini söyləyib. O, noyabr ayında baş tutacaq parlament seçkilərində də gənclərin öndə olacaqlarını bildirib: “Bu gün inamla demək mümkündür ki, rayonumuz parlament seçkilərinə böyük coşqu və həvəslə gedir. Bu seçkilərdə də seçicilərin əksəriyyəti Yeni Azərbaycan Partiyasının namizədlərinə öz etimadlarını məhz seçki günündə bir daha nümayiş etdirəcəklər”.
Seçki Qərargahının daha bir gənc üzvü Rahib Mərdanov isə bildirib ki, şabranlılar bu seçkilərdə də xüsusi fəallıq nümayiş etdirəcəklər: “Bu gün Azərbaycanın seçkilərlə bağlı qazandığı müsbət təcrübə həm daxili, həm də xarici ekspertlər tərəfindən yüksək qiymətləndirilir. Çünki Azərbaycan demokratik, dünyəvi dövlətdir və dövlətimizin qazandığı gözəl ənənələri, yüksək seçki mədəniyyətini Milli Məclisə seçkilərdə də nümayiş etdirəcəyik. Eyni zamanda, qərargah üzvləri olaraq bu istiqamətdə üzərimizə düşən vəzifələrin öhdəsindən layiqincə gəlməyə çalışırıq”.
Vüsalə CAVANŞİR

Paylaş:

Baxılıb: 922 dəfə