YAP Qaradağ rayon təşkilatı yaranmasının 23-cü ildönümünü qeyd edib

Bakı:

26 °C

65 %

3 m/s

Əlaqə

AZ RU EN

Ana səhifə / YAP xəbərləri / YAP Qaradağ rayon təşkilatı yaranmasının 23-cü ildönümünü qeyd edib

YAP Qaradağ rayon təşkilatı yaranmasının 23-cü ildönümünü qeyd edib

18.03.2016 [09:40]

Dünən Yeni Azərbaycan Partiyası (YAP) Qaradağ rayon təşkilatının yaranmasının 23-cü ildönümü münasibətilə tədbir keçirilib. Tədbir iştirakçıları əvvəlcə Ulu öndər Heydər Əliyevin abidəsi önünə güllər düzüb, dahi şəxsiyyətə hörmət və ehtiramlarını bildiriblər.
Tədbirdə çıxış edən YAP Qaradağ rayon təşkilatının sədri, millət vəkili Aydın Hüseynov bildirib ki, partiyamızın yaranması müasir tariximizin ən mühüm ictimai-siyasi hadisələrindən biridir: “YAP tarixi zərurətdən yaranaraq, qısa zaman kəsiyində ümumxalq partiyasına çevrildi. Yarandığı dövrdən bu günə qədər YAP yalnız Azərbaycanın inkişafı naminə çalışıb”.
O, tarixə nəzər salaraq 1990-cı ilin əvvəllərində Azərbaycanın dərin böhran vəziyyətində olduğunu, bu böhrandan xalqı və dövləti Ulu öndər Heydər Əliyevin çıxardığını, 1992-ci il 21 noyabr tarixində Azərbaycanın taleyində çox mühüm rol oynayan Yeni Azərbaycan Partiyasının yarandığını vurğulayıb.
Çıxış edən rayon İcra Hakimiyyətinin başçısı Süleyman Mikayılov YAP Qaradağ rayon təşkilatının ötən dövr ərzində böyük inkişaf yolu keçdiyini diqqətə çatdırıb. S.Mikayılov YAP Qaradağ rayon təşkilatının üzvlərinin ictimai-siyasi proseslərdə fəal iştirak etdiyini deyib. S.Mikayılov Ümummilli lider Heydər Əliyevin əsasını qoyduğu siyasi kursun Prezident İlham Əliyev tərəfindən uğurla davam etdirildiyini, bu siyasət nəticəsində hazırda Azərbaycanın güclü dövlətə çevrildiyini qeyd edib.
Tədbirdə çıxış edən “İki Sahil” qəzetinin baş redaktoru, YAP Siyasi Şurasının üzvü Vüqar Rəhimzadə partiyanın yaranma tarixinə nəzər salaraq, o dövrün çətinliklərindən bəhs edib. Vüqar Rəhimzadə qeyd edib ki, YAP siyasi mübarizələrlə dolu şərəfli bir yol keçib: “Yeni Azərbaycan Partiyası Ulu öndər Heydər Əliyevin həyata keçirdiyi siyasətin avanqard qüvvəsi kimi xalqımızın həyatında mühüm rol oynayır. İnanırıq ki, bundan sonra da belə davam edəcək, Azərbaycan xalqının Ümummilli lideri Heydər Əliyevin ideyalarını yaşadacaq”.
“Səs” qəzetinin baş redaktoru Bəhruz Quliyev isə bildirib ki, YAP hər zaman dünəninə hörmət, gələcəyinə rəğbətlə yanaşır: “Bu da partiyamızda yaşlı nəsillə bərabər, qadınlara, gənclərə olan inamın təcəssümüdür. Ona görə də Ulu öndər Heydər Əliyevin rəhbərliyi ilə yaradılmış və bu gün Prezident İlham Əliyevin Sədri olduğu Yeni Azərbaycan Partiyasının nüfuzu gündən-günə artmaqdadır. Sıralarını daim kəmiyyət və keyfiyyət etibarilə genişləndirən YAP, sözün əsl mənasında, ümumxalq partiyası kimi xalqımızın həyatında öz sözünü deməyə qadir partiyadır”.
Tədbirdə çıxış edən gənclər YAP Qaradağ rayon təşkilatının fəaliyyəti haqqında fikirlərini bölüşüblər.
Sonda YAP Qaradağ rayon təşkilatının bir qrup fəal üzvünə rayon İcra Hakimiyyətinin fəxri fərmanları, partiya sıralarına yeni qoşulmuş şəxslərə isə üzvlük vəsiqəsi təqdim edilib.

Paylaş:

Baxılıb: 1059 dəfə