YAP Nəsimi rayon təşkilatında keçirilən tədbirdə erməni yalanının ifşa olunmasında gənclərin rolundan bəhs edilib

Bakı:

27 °C

54 %

6 m/s

AZ RU EN

Ana səhifə / YAP xəbərləri / YAP Nəsimi rayon təşkilatında keçirilən tədbirdə erməni yalanının ifşa olunmasında gənclərin rolundan bəhs edilib

YAP Nəsimi rayon təşkilatında keçirilən tədbirdə erməni yalanının ifşa olunmasında gənclərin rolundan bəhs edilib

25.10.2019 [10:09]

Oktyabrın 24-də Yeni Azərbaycan Partiyası (YAP) Nəsimi rayon təşkilatında “Erməni yalanının beynəlxalq aləmdə ifşa olunmasında gənclərin rolu və məsuliyyəti” mövzusunda dəyirmi masa təşkil edilib.
AZƏRTAC-ın məlumatına görə, tədbirdə çıxış edən YAP Nəsimi rayon təşkilatının sədri, Milli Məclisin deputatı Məlahət İbrahimqızı bildirib ki, Prezident İlham Əliyev Soçidə “Valday” Beynəlxalq Diskussiya Klubunun plenar iclasının sessiyasındakı qətiyyətli çıxışı və “Qarabağ Azərbaycandır və nida işarəsi” bəyanatı ilə Dağlıq Qarabağ münaqişəsinin həllində qətiyyətli mövqeyini bir daha nümayiş etdirdi. Deputat Dağlıq Qarabağ münaqişəsi ilə bağlı Azərbaycan həqiqətlərinin dünyaya çatdırılması və erməni saxtakarlığının beynəlxalq aləmdə ifşa olunmasında gənclərin fəal olmalarının vacibliyini qeyd edərək deyib: “Gənclər bizim gələcəyimizdir. Nəsimi rayon ərazisində bir çox ali təhsil ocaqları fəaliyyət göstərir və ali məktəb tələbələri fəallıq göstərməli, informasiya müharibəsində öz sözlərini deməlidirlər”.
“Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin İdarə Heyətinin sədri Tural Gəncəliyev çıxış edərək bildirib ki, Prezident İlham Əliyev Aşqabadda MDB Dövlət Başçıları Şurasının iclasındakı çıxışı ilə işğalçı Ermənistanda hökm sürən faşizm ideologiyasına söykənən terrorçuluğu bir daha ifşa etdi.
T.Gəncəliyev deyib: “Bütün dünyada ermənilərin ifşa edilməsi istiqamətində addımlar atmalıyıq. Ermənistan rəhbərliyi zaman-zaman saxta iddialarla çıxış edərək Dağlıq Qarabağ münaqişəsinin həlli ilə bağlı aparılan danışıqlar prosesində Ermənistan və Azərbaycan ilə yanaşı, Qarabağ ermənilərinin “Artsax” deyilən cinayətkar qurumunun iştirakını üçüncü tərəf kimi qoyur, danışıqlar formatına zərbə vurmaq məqsədilə müxtəlif hərəkətlər edir.
Azərbaycan Respublikası Dağlıq Qarabağ Bölgəsinin Azərbaycanlı İcması olaraq ermənilərin saxta iddialarına, onların münaqişə ilə bağlı təxribat xarakterli bəyanatlarına həmişə cavab verməliyik. Prezidentin söylədiyi “Qarabağ Azərbaycandır və nida işarəsi” fikri bizi bir daha əmin edir ki, tez bir zamanda öz torpaqlarımıza qayıdacağıq”.
İcma sədri informasiya müharibəsinin getdiyi bütün platformalarda gəncləri fəal olmağa səsləyib.
Tədbirin sonunda gənclərin sualları cavablandırılıb, mövzu ilə bağlı ideya və təklifləri dinlənilib.

Paylaş:

Baxılıb: 782 dəfə