YAP Səbail rayon təşkilatında gənclərlə görüş keçirilib

Bakı:

29 °C

32 %

6 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatında gənclərlə görüş keçirilib

YAP Səbail rayon təşkilatında gənclərlə görüş keçirilib

29.11.2019 [09:43]

Noyabrın 28-də Yeni Azərbaycan Partiyası (YAP) Səbail rayon təşkilatında gənclərlə görüş keçirilib. Milli Məclisin deputatı, YAP Səbail rayon təşkilatının sədri Şəmsəddin Hacıyev Prezident İlham Əliyevin Bakı Dövlət Universitetinin 100 illiyi ilə əlaqədar keçirilən tədbirdə bir çox məsələlərə diqqət çəkdiyini bildirib.
O qeyd edib ki, dövlət başçısının nitqi gənclər üçün proqram xarakterli idi: “Prezident İlham Əliyev vurğuladı ki, gənclər Azərbaycan tarixini yaxşı bilməlidirlər. Bugünkü inkişafımızın, dövlətçiliyimizin memarının Ümummilli Lider olduğunu unutmamalıdırlar”.
Deputat bildirib ki, Azərbaycan Prezidenti dövlət müstəqilliyimizin əbədi və toxunulmaz olduğunu gənclərin diqqətinə çatdırıb. “Xaricdəki anti-azərbaycançı qruplardan maliyyələşən şəxslər indi gənclərin beynini zəhərləməyə çalışırlar. Biz xalq olaraq həmişə mənəvi və əxlaqi məsələlərə böyük önəm vermişik. Bizim öz əxlaqi, mənəvi, əsrlərlə formalaşmış dəyər kodekslərimiz var. Azərbaycan dövləti öz dəyərləri üzərində inkişaf yolunu əsas prinsip kimi götürüb. Bu yolda da inamla irəliləyir”, - deyə Ş.Hacıyev qeyd edib.
Onun sözlərinə görə, Prezident bildirib ki, “dünya birliyinin mütləq əksəriyyətini təşkil edən ölkələr bizə səs verirlər. Necə ki, 8 il bundan əvvəl səs veriblər, biz 155 ölkənin səsi ilə BMT Təhlükəsizlik Şurasına üzv seçilmişik. Özü də necə seçilmişik. İndi diplomatlar bunu yaxşı bilirlər ki, adətən səsvermə bir gün ərzində keçirilir və tez bir zamanda yeni üzvlər seçilir. Bizdə isə bu, üç gün çəkdi. Üç gün, 16 tur. Nəyə görə? Çünki bizə rəqib olan ölkə öz namizədliyini geri götürmürdü. Biz hər bir turda böyük səs fərqi ilə qalib idik, amma lazım olan səsləri yığa bilmirdik. Adətən belə olan halda, səslərdə fərq böyük olanda məğlub ölkə öz namizədliyini geri götürür. O isə götürmürdü. Özü də bizə dost ölkə idi. Təəccüb etdim, bu, nə məsələdir, sonra öyrəndik ki, imkan vermirlər. Bəzi böyük dövlətlər imkan vermir və istəyirdilər ki, bizim üzvlüyümüzün qarşısı alınsın”.
Ş.Hacıyev belə halların ayrı-ayrı dövlətlərin öz maraqlarından qaynaqlandığını bildirib.
Daha sonra çıxış edən gənclər Prezident İlham Əliyevin rəhbərliyi ilə həyata keçirilən siyasətdən danışıblar. Onlar qeyd ediblər ki, Azərbaycanda dövlət tərəfindən gənclərə xüsusi diqqət və qayğı göstərilir.
Sonda Səbail rayon gəncləri adından Prezident İlham Əliyevə müraciət qəbul olunub.
MÜŞFİQƏ

Paylaş:

Baxılıb: 863 dəfə