Heydər Əliyev
yeni azerbaycan logo

Ana səhifə / YAP xəbərləri / Sevinc Hüseynova Əmiraslanlı və Şəkərbəy kəndlərində seçicilərlə görüşüb

Sevinc Hüseynova Əmiraslanlı və Şəkərbəy kəndlərində seçicilərlə görüşüb

28.01.2020 [09:57]

Yeni Azərbaycan Partiyası (YAP) fevralın 9-da keçiriləcək parlament seçkilərində iştirak edən namizədlərinin təbliğat-təşviqat kampaniyasını uğurla davam etdirir. 103 saylı Gədəbəy seçki dairəsindən YAP-ın parlament seçkilərində namizədi Sevinc Hüseynovanın da bir neçə kənddə seçicilərlə görüşü baş tutub. Rayonun Əmiraslanlı və Şəkərbəy kəndlərində keçirilən görüşlərdə çıxış edən YAP Gədəbəy rayon təşkilatının sədri Rüstəm Nağıyev ölkəmizdə həyata keçirilən genişmiqyaslı quruculuq işlərindən danışıb. Bildirilib ki, YAP nəinki ölkəmizin, eləcə də Cənubi Qafqazın ən böyük və ən mütəşəkkil partiyasıdır. Qeyd edilib ki, fevralın 9-da keçiriləcək seçkilərdə YAP-ın namizədlərini dəstəkləyən seçicilərimiz uğurlu inkişafımıza böyük dəstək olan siyasi qüvvəyə növbəti dəfə etimad göstərmiş olacaqlar.
Çıxış edən YAP tərəfindən 103 saylı Gədəbəy seçki dairəsindən parlament seçkilərində namizədliyi irəli sürülmüş Sevinc Hüseynova ölkəmizin mühüm bir siyasi hadisə ərəfəsində olduğunu dilə gətirib. Qeyd edilib ki, bu gün ölkəmiz durmadan irəliləyir, ölkə iqtisadiyyatı son illərdə öz inkişafının yeni və daha intensiv mərhələsini yaşayır: “Ölkə Prezidenti İlham Əliyevin əsası Ulu Öndərimiz Heydər Əliyev tərəfindən qoyulmuş siyasi kursu yeni dövrün tələbləri səviyyəsində davam etdirməsi Azərbaycanın mühüm uğurlara imza atmasına yol açıb. Azərbaycanda keçirilən seçkilərdə hər zaman qələbə qazanan YAP-a göstərilən etimad qarşılıqlı inama, hörmətə və real işə söykənir. Mən də bütün seçiciləri YAP-ın namizədlərinə səs verməyə çağırıram”.
Çıxış edən seçicilər YAP-ın namizədlərinə səs verəcəklərini bildiriblər.

Paylaş:
Baxılıb: 590 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

YAP xəbərləri

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30