Hatəm Qocayev: Müzəffər Ali Baş Komandan İlham Əliyevin rəhbərliyi ilə qazanılan böyük qələbə tariximizdə əbədi qalacaq

Bakı:

25 °C

53 %

3 m/s

AZ RU EN

Ana səhifə / YAP xəbərləri / Hatəm Qocayev: Müzəffər Ali Baş Komandan İlham Əliyevin rəhbərliyi ilə qazanılan böyük qələbə tariximizdə əbədi qalacaq

Hatəm Qocayev: Müzəffər Ali Baş Komandan İlham Əliyevin rəhbərliyi ilə qazanılan böyük qələbə tariximizdə əbədi qalacaq

05.03.2021 [09:12]

“Azərbaycan Vətən müharibəsində öz gücünü, xalqımızın yenilməz iradəsini bütün dünyaya göstərdi. Müzəffər Ali Baş Komandan İlham Əliyevin rəhbərliyi ilə qazanılan böyük qələbə tariximizdə əbədi qalacaq. 44 günlük müharibə Ermənistan üçün işğalçılıq müharibəsi idi. Azərbaycan isə müharibəni üç onillik ərzində işğal altında qalan əzəli torpaqlarını geri qaytarmaq, tarixi ədaləti bərpa etmək naminə aparırdı. Döyüşlər bizim torpaqlarımızda gedirdi. Bu amil əsgər və zabitlərimizə döyüşlərə daha cəsarətlə atılmağa əlavə stimul verirdi. Müharibə günlərində Ordumuzun şəxsi heyəti əsl vətənpərvərlik nümunəsi göstərdi. Verilən məlumatlara görə, müharibədə işğalçı Ermənistanın hərbi birləşmələrində təxminən 10 min fərari qeydə alınıb. Bizim Ordumuzda isə bir dənə də olsun belə fakt aşkarlanmayıb. Əsgər və zabitlərimizin qəhrəmanlığı sayəsində Silahlı Qüvvələrimiz hər gün yeni bir zəfərə imza atırdı”.
Bu fikirləri qəzetimizə açıqlamasında YAP Naftalan şəhər təşkilatının sədri Hatəm Qocayev ifadə edib. O, bildirib ki, müharibədən sonra Azərbaycan cəmiyyətində şəhidlərin xatirəsi böyük hörmətlə anılır, müharibə əlillərinə hər cür ehtiram göstərilir. Respublikamızda şəhid ailələrinə və müharibə əlillərinə dövlət tərəfindən hərtərəfli diqqət və qayğı göstərildiyini deyən H.Qocayev vurğulayıb: “Azərbaycan dövləti daim şəhid ailələrinin və müharibə əlillərinin yanındadır. Yeri gəlmişkən, dövlət başçımız fevralın 25-də Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimində iştirak edib. Ramanı kompleksində doqquzmərtəbəli 30 bina tikilib. Ümumilikdə, 1512 mənzildən ibarət kompleks bütün zəruri sosial infrastrukturla təchiz edilib. Ölkəmizdə şəhid ailələrinin və müharibə əlillərinin mənzillərlə təmin olunması proqramının reallaşdırılması onlara hərtərəfli dövlət qayğısının bariz ifadəsidir. Qeyd edək ki, respublikamızda bu günə qədər 9200-ə yaxın şəhid ailəsi, müharibə əlili dövlət tərəfindən mənzillərlə təmin edilib. Təkcə keçən il 1572 mənzil bəhs olunan kateqoriyadan olan insanların istifadəsinə verilib. Cari ilin sonunadək şəhid ailələrinə və müharibə əlillərinə 3 minə yaxın mənzilin verilməsi nəzərdə tutulub. Bütövlükdə, dövlətimizin başçısının cari ilin yanvar ayında imzaladığı müvafiq Sərəncamla təsdiq olunmuş proqramlara əsasən, 2021-2025-ci illərdə mənzil şəraitinin yaxşılaşdırılmasına ehtiyacı olan 11 mindən çox şəhid ailəsi və müharibə əlili mənzil və fərdi evlərlə təmin ediləcək”.

Paylaş:

Baxılıb: 754 dəfə