Heydər Əliyev
yeni azerbaycan logo

Ana səhifə / YAP xəbərləri / Vətən müharibəsinin qaziləri ilə görüş keçirilib

Vətən müharibəsinin qaziləri ilə görüş keçirilib

24.11.2021 [17:16]

YAP Nərimanov rayon təşkilatı Azərbaycan Əlil Arabasında Qılıncoynatma Federasiyasının rəhbərliyi ilə birlikdə I ZƏFƏR kubokunun iştirakçıları olmuş Vətən müharibəsinin qaziləri ilə görüş keçirib.

Görüşdə YAP Nərimanov rayon təşkilatının sədri Samir Vəliyev Prezident, Müzəffər Ali Baş Komandan İlham Əliyevin rəhbərliyi ilə Silahlı Qüvvələrimizin 44 günlük Vətən müharibəsində əldə etdiyi tarixi Zəfərdən bəhs edib. Samir Vəliyev şanlı tarix yazan Vətən oğullarının qəhrəmanlığından, Silahlı Qüvvələrimizin misilsiz rəşadətindən, hərbçilərimizin əzmkarlığından, xalqımızın mübarizliyindən, danışaraq əldə olunan uğurları Prezident-Xalq birliyinin şərtləndirdiyini xüsusi vurğulayıb.O, ölkəmizin ərazi bütövlüyünün təmin olunması uğrunda hərbi əməliyyatlarda əsgər və zabitlərimizin göstərdikləri şücaətlərin hər birimizdə sonsuz iftixar hissi doğurduğunu qeyd edib.

Daha sonra Nərimanov rayon Gənclər və İdman idarəsinin rəisi Nəcəf Novruzov, Azərbaycan Əlil Arabasında Qılıncoynatma Federasiyasının prezidenti Nübar Məlikova, federasiyanın birinci vitse-prezidenti Asəf Məlikov Vətən müharibəsi qazilərinin keçdikləri şərəfli yoldan danışaraq, "Döyüş meydanından idman arenasına" çağırışına səs vermiş qazilərimizin bundan sonra da Azərbaycanı layiqincə təmsil etmək, bayrağını yüksəkliklərə qaldırmaq əzmində olduqlarını və Paris 2024 Paralimpiya Oyunlarına hazırlaşdıqlarını qeyd edib.

Görüşdə Vətən müharibəsi qazilərinin sualları cavablandırılıb,  təklifləri dinlənilib. Müharibə iştirakçıları cənab Prezident İlham Əliyev və birinci xanım Mehriban Əliyevaya göstərdikləri diqqətə görə təşəkkür ediblər.

 

Paylaş
Baxılıb: 80 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31