YAP Gəncə şəhər təşkilatında partiya sıralarına qoşulmaq istəyən şəxslərlə növbəti görüş keçirilib

Bakı:

27 °C

47 %

4 m/s

AZ RU EN

Ana səhifə / YAP xəbərləri / YAP Gəncə şəhər təşkilatında partiya sıralarına qoşulmaq istəyən şəxslərlə növbəti görüş keçirilib

YAP Gəncə şəhər təşkilatında partiya sıralarına qoşulmaq istəyən şəxslərlə növbəti görüş keçirilib

08.06.2022 [15:51]

15 İyun - Milli Qurtuluş Günü ərəfəsində Yeni Azərbaycan Partiyası Gəncə şəhər təşkilatında partiya sıralarına üzv olmaq üçün müraciət etmiş bir qrup şəxslə görüş keçirilib.

Görüşdə YAP Gəncə şəhər təşkilatının sədr müavini Nurəddin İbrahimov, təşkilatın əməkdaşları, partiyaya üzv olmaq üçün müraciət etmiş şəxslər və ərazi partiya təşkilatlarının sədrləri iştirak ediblər.

Tədbiri giriş sözü ilə YAP Gəncə şəhər təşkilatının sədr müavini Nurəddin İbrahimov açaraq, bu günkü görüşün əlamətdar bir dövrə təsadüf etdiyini qeyd edib. Nurəddin İbrahimov tariximizə Milli Qurtuluş Günü kimi daxil olan 15 iyun 1993-cü ildən bugünədək Azərbaycanın keçdiyi inkişaf yoluna nəzər salaraq bildirib ki, Ulu Öndər Heydər Əliyevin xalqın təkidli tələbi ilə hakimiyyətə qayıdışından sonra ölkəmizin həyatında yeni bir mərhələ başlayıb. Azərbaycan Ümummilli Lider Heydər Əliyevin gələcəyə hesablanmış siyasəti nəticəsində bütün çətinlikləri dəf etməyi bacardı, dünya birliyinin layiqli üzvünə çevrildi. Ulu Öndər Heydər Əliyevin siyasi kursunu uğurla davam etdirən Prezident cənab İlham Əliyev xalqımıza Zəfər sevincini yaşatdı. Bu gün böyük fəxr hissi ilə qeyd edirik ki, Azərbaycanın müstəqilliyi əbədidir, dönməzdir.

"Ümummilli Liderimiz Heydər Əliyev tərəfindən yaradılan və böyük inkişaf yolu keçən Yeni Azərbaycan Partiyası ölkəmizdə bütün sahələrdə tarixi nailiyyətlərin əldə olunmasında mühüm xidmətlər göstərib. Bunun nəticəsidir ki, partiya sıralarına qoşulanların sayı günü-gündən artmaqda davam edir”- deyə YAP Gəncə şəhər təşkilatının sədr müavini Nurəddin İbrahimov bildirib.

Partiya sıralarına üzv olmaq üçün müraciət edənlərdən Türkan Bəşirova, Könül Məmmədova, Firuddin Həsənov, Rəşad Haqverdiyev, Ayxan Ağalarov, Gülmira Əsgərova, Vüsal Səfərov, Çabbar Tağıyev və digərləri çıxış edərək qeyd ediblər ki, Ulu Öndər Heydər Əliyevin yaradıcısı və bu gün Prezident cənab İlham Əliyevin Sədri olduğu Yeni Azərbaycan Partiyasında təmsil olunmaq qürurvericidir. Dünənin, bu günün və gələcəyin partiyasında xidmət etmək dövlətə, xalqa xidmət etmək deməkdir.

Tədbirdə çıxış edənlər inkişaf və müasirlik partiyası olan Yeni Azərbaycan Partiyasının üzvü olmağın böyük məsuliyyət və şərəf oluğunu xüsusi olaraq vurğulayıb, xalqımızın partiyaya, onun yaradıcısı Ulu Öndər Heydər Əliyevin ideyalarına sıx bağlılığını, Prezidentimiz cənab İlham Əliyevin ətrafında sıx birləşərək gələcəyə böyük inamla irəlilədiyini qeyd ediblər.

Paylaş:

Baxılıb: 704 dəfə