Heydər Əliyev yeni azerbaycan logo

Ana səhifə / YAP xəbərləri / Ulu Öndər Heydər Əliyev Milli Qurtuluşdan - Möhtəşəm Zəfərə gedən yolun memarıdır

Ulu Öndər Heydər Əliyev Milli Qurtuluşdan - Möhtəşəm Zəfərə gedən yolun memarıdır

10.06.2022 [17:26]

XX əsrdə xalqımıza müstəqillik və azadlıq hisslərini yaşamaq iki dəfə nəsib olmuşdur. Heç də hamar olmayan bu müstəqillik yollarında müdrik Azərbaycan xalqı çox üzüntülər yaşamış, haqsızlığa, ədalətsizliyə, işğala məruz qalmışdır. Müstəqilliyin əldə olunması o dövrdəki tarixi zərurətdən yaranmışdırsa, onun qorunub saxlanması, möhkəmləndirilməsi, əbədiliyinin təmin olunması olduqca çətin, məsuliyyətli və şərəfli bir vəzifə olaraq qalırdı.

      İlk dəfə 1918-ci ildə mayın 28-də gərgin bir tarixi dövrdə Azərbaycan  Demokratik Respublikası yaransa da, cəmi 23 aydan sonra süquta uğradı.

Tarix 1991-ci ildə xalqımıza ikinci  dəfə müstəqillik qazanmaq imkanı nəsib etdi. Həmin dövrdə ölkə hakimiyyətində olan şəxslər faktiki olaraq Azərbaycanı idarə etmək, müstəqil dövlət kimi inkişaf etdirmək iqtidarında deyildilər. Bir yandan zorla cəlb olunduğumuz Ermənistanla uğursuz müharibə, torpaqlarımızın bir – birinin ardınca xəyanət nəticəsində işğalı, digər tərəfdən vətəndaş müharibəsi təhlükəsi, xaos, anarxiya, özbaşınalıq, xalqımızı böhrana sürükləyən AXC – Müsavat cütlüyü rəhbərlərinin səriştəsizliyi, təcrübəsizliyi müstəqilliyimizi böyük təhlükə altıında qoymuşdu.  Lakin xalqımıza düşmən kəsilən bu kimi üzdəniraqlar öz məkrli, çirkin planlarını həyata keçirərkən ümummilli lider Heydər Əliyev amilini nəzərə almamışdılar.

1993-cü ilin iyununda xalqın təkidli dəvətini qəbul edən ulu öndərimiz böyük əzmlə, siyasi iradə ilə, tükənməz enerji və dönməz prinsipiallıqla öz çiyinlərini bu ağır və çətin vəzifənin altına verdi və bu bəladan da müdrik Azərbaycan xalqı üzü ağ çıxdı.

Odur ki, 1993-cü il müstəqil Azərbaycanın dövlətçilik tarixinə bir dönüş ili, 15 iyun isə Milli Qurtuluş günü kimi  qızıl hərflərlə həkk olundu. Beləliklə xalqımız xaosdan, anarxiyadan, müstəqilliyini itirmək təhlüskəsindən qurtuldu.

Bəli, hakimiyyətə gəlmək hünər deyil, hünər hakimiyyətdə olarkən xalqı düşünmək, onun problemlərini həll etmək, onun rifahını yaxşılaşdırmaq, vicdanla, sədaqətlə dövlətçiliyə xidmət etməkdən ibarətdir. Bunu da məhz, ümummilli liderimiz Heydər Əliyev bacardı. Necə deyərlər, bu hünəri Heydər Əliyev göstərdi. Qısa müddət ərzində Azərbaycanda ictimai – siyasi sabitlik əldə olundu, qanunsuz silahlı birləşmələr ləğv edildi, ölkədə hüquqi, demokratik, dünyəvi dövlət qurculuğu prossesi başlandı. Bir sözlə, Azərbaycan məhv olmaq təhlükəsindən xilas edildi.

Xoşbəxtliyimiz ondadır ki, bu gün ulu öndərin dəsti - xətti, onun siyasi kursu möhtərəm prezidentimiz İlham Əliyev cənabları tərəfindən əzmlə, böyük səylə davam etdirilir. Dahi rəhbərimiz Heydər Əliyevin bizə miras qoyduğu Müstəqil Azərbaycan günbəgün inkişaf edir, çiçəklənir, beynəlxalq aləmdə qüdrətli bir ölkəyə çevrilir.

Bu gün Cənubi Qafqazın lider ölkəsi olan Müstəqil Azərbaycan dünyada heç bir ittifaqa, heç bir bloka qoşulmayan, güclü iqtisadiyyata, müstəqil siyasətə, qüdrətli orduya malik bir ölkə kimi tanınır. Ulu öndərimizin şah əsəri olan Müstəqil Azərbaycan siyasi sabitliyin, davamlı inkişafın bərqərar olduğu, ən sürətlə inkişaf edən, dünyada ən çox islahat aparan on ölkədən biridir.

Cənubi Qafqazda təhlükəsizlik diyarı kimi tanınan Azərbaycan bu gün 100-dən artıq ölkəyə yardımlar edən, köməkliklər göstərən sülhsevər, tolerant, multikultural bir ölkədir. Müstəqil Azərbaycanın gücü, qüdrəti 44 günlük Vətən Müharibəsində də bir daha özünü göstərdi, BMT Təhlükəsizlik Şurasının dörd qətnaməsini Azərbaycan özü icra etdi. Bununla da tarixi ədalət, milli ləyaqət bərpa olundu.

Bu gün qalib lider, qalib ordu, qalib xalq – kəlamı Azərbaycanın timsalında öz təsdiqini tapır, bunlar mövcud Azərbaycan reallıqlarıdır. Əminik ki, çox yaxın günlərdə kapitulyant Ermənistan qalib Azərbaycanın şərtlərini qəbul edəcək və bölgədə davamlı sülhə nail olunacaqdır.

Artıq ikinci ildir ki, dünyanın hər yerində bütün azərbaycanlılar 15 iyun - Milli Qurtuluş Gününü qalib xalqın qalib övladları  kimi qeyd edirlər. Çünki, 30 ilə yaxın bir dövrü əhatə edən, memarı ümummilli liderimiz Heydər Əliyev olan Milli Qurtuluşdan – Möhtəşəm Zəfərə gedən yolu müdrik xalqımız şərəflə keçdi. Bu gün Müstəqil Azərbaycanımızın memarı və qurucusu ümummilli liderimiz Heydər Əliyevin, eləcə də, torpaqlarımızın işğaldan azad olunmasında, ərazi bütövlüyümüzün təmin olunmasında canından keçmiş bütün şəhidlərimizin ruhları şaddır. Çünki, ulu öndər Heydər Əliyevin müqəddəs arzuları, “Mən xoşbəxtəm ki, ata vəsiyyətini yerinə yetirdim” – deyən möhtərəm prezidentimiz İlham Əliyev cənabları tərəfindən uğurla həyata keçirildi. Müdrik xalqımız şanlı tariximizə qızıl hərflərlə yazılan möhtəşəm qələbəyə imza atdı. İnanırıq ki, möhtərəm prezidentimiz, müzəffər Ali Baş Komandanımız, Yeni Azərbaycan Partiyasının sədri İlham Əliyev cənablarının rəhbərliyi altında xalqımız yeni – yeni uğurlara, qələbələrə imza atacaqdır.

    Anar Nəbiyev

    YAP Qazax rayon təşkilatının sədri

Paylaş:
Baxılıb: 167 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Mədəniyyət

Xəbər lenti

Xarici siyasət

MEDİA

Üzü Qarabağa...

24 İyun 10:13

İqtisadiyyat

Prezident bu gün

Prezident bu gün

24 İyun 10:00

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30