Azərbaycan Avropa İttifaqı üçün vacib tərəfdaşdır

Bakı:

22 °C

66 %

7 m/s

Əlaqə

AZ RU EN

Ana səhifə / YAP xəbərləri / Azərbaycan Avropa İttifaqı üçün vacib tərəfdaşdır

Azərbaycan Avropa İttifaqı üçün vacib tərəfdaşdır

20.07.2022 [16:04]

Rövlan Heydərov

YAP Naftalan şəhər təşkilatının sədri

Azərbaycan xarici ölkələrlə yanaşı, eyni zamanda beynəlxalq və regional təşkilatlarla tərəfdaşlığa əsaslanan münasibətlərin inkişafına hər zaman diqqət yetirib. Avropa İttifaqı ilə də münasibətlər də bu prinsipə əsaslanaraq Azərbaycanın xarici siyasətinin əsas prioritetlərindəndir. Bu günlərdə Avropa İttifaqı ilə Azərbaycan arasında enerji sahəsində strateji tərəfdaşlığa dair Anlaşma Memorandumunun imzalanması ikitərəfli əlaqələrin daha da dərinləşməsi baxımından mühüm əhəmiyyət kəsb etməklə yanaşı, ikitərəfli əməkdaşlığın gücləndirilməsi istiqamətində növbəti mühüm addım olub.

Bu günə qədər Avropa İttifaqı ilə olan on beş ildən artıq fəal əməkdaşlıq tariximizdə 2006-cı ildə Anlaşma Memorandumunun və 2011-ci ildə Cənub Qaz Dəhlizi ilə bağlı Birgə Bəyannamənin imzalanması yaxşı münasibətlərimizin və nailiyyətlərimiz olduğunu bir daha sübut edir.

Azərbaycan bərpaolunan enerji mənbələri üzrə yüksək potensiala malik olan ölkələrdəndir. Enerji resursları ilə zəngin olmasına və dünyada enerji resurslarının ixracatçısı kimi tanınmasına baxmayaraq, Azərbaycanda bərpaolunan enerji mənbələrindən istifadə hər zaman diqqət mərkəzində olub. Bu gün Azərbaycanda bərpaolunan enerjinin istehsalı sahəsində böyük potensial Avropa İttifaqı tərəfindən yüksək dəyərləndirilir. Qarabağın və Şərqi Zəngəzurun azad olunmuş ərazilərində Günəş və külək enerjisinin potensialı 9200 meqavatdır. Xəzər dənizində külək enerjisinin potensialı isə 157 qeqavata bərabərdir. Azərbaycanın nəhəng resurs ehtiyatları vardır. Azərbaycan gələcəkdə yeni qaz yataqlarından istifadə edərək qazın hasilatını artıramaqla yanaşı, bərpaolunan enerjidən də istifadə edərək ixrac üçün daha çox qazı təmin edəcəkdir.

Azərbaycanın başlatdığı və Avropa İttifaqının, o cümlədən tərəfdaşlarımızın dəstəklədiyi enerji layihələri Avropanın enerji xəritəsini tamamilə dəyişir. Çox sevindirici hal ondan ibarətdir ki, 3500 uzunluğu olan Cənub Qaz Dəhlizi boru kəməri vasitəsilə təbii qazımız Avropa qitəsinə çatdırılır. Azərbaycan ilə Avropa İttifaqı arasında olan enerji sahəsindəki uzunmüddətli və etibarlı əməkdaşlıq çox böyük nailiyyətdir.

Bu gün Azərbaycan-Avropa İttifaqı əlaqələri şaxələndirilmiş xarakter alaraq bir çox sahələri əhatə edir. Ölkəmizlə Avropa İttifaqı arasında əlaqələr enerji sahəsi ilə yanaşı investisiya, ticarət və s. sahələrdə yüksək səviyyədə inkişaf edib. Avropa İttifaqı Azərbaycanın əsas ticarət tərəfdaşı və əsas ixrac bazarına çevrilib. Avropa İttifaqı sərmayə qoyuluşu baxımından da ölkəmiz üçün ən vacib mənbələrdən biridir. 2024-cü ilə qədər 60 milyon avro həcmində nəzərdə tutulan Avropa İttifaqı tərəfindən Azərbaycana sərmayənin qoyulması xalqlarımızın və cəmiyyətlərimizin daha da yaxınlaşdırılmasına gətirib çıxardacaqdır. Yaxın dövrdə Avropa İttifaqı tərəfindən ölkəmizə müxtəlif layihələrin dəstəklənməsi üçün iki milyard avro dəyərində güzəştli kredit xəttini ayrılması da əlaqələrimizin müsbət inkişafının göstəricisi olduğunun sübutudur.

Avropa İttifaqı ilə Azərbaycan arasında enerji sahəsində strateji tərəfdaşlığa dair Anlaşma Memorandumunun imzalanması, son dövrlər hər iki tərəf arasında əməkdaşlığın yüksələn xətlə inkişaf etməsi onu göstərir ki, Azərbaycan Avropa İttifaqı üçün bu gün çox vacib tərəfdaşdır.

Paylaş:

Baxılıb: 576 dəfə