Azərbaycan regionda etibarlı geosiyasi strateji tərəfdaş kimi önəmli əhəmiyyət daşıyır

Bakı:

26 °C

63 %

11 m/s

Əlaqə

AZ RU EN

Ana səhifə / YAP xəbərləri / Azərbaycan regionda etibarlı geosiyasi strateji tərəfdaş kimi önəmli əhəmiyyət daşıyır

Azərbaycan regionda etibarlı geosiyasi strateji tərəfdaş kimi önəmli əhəmiyyət daşıyır

05.10.2022 [11:12]

YAP Ağdam rayon təşkilatının sədri

Mansur Quliyev

Bu gün Azərbaycan regionda etibarlı geosiyasi strateji tərəfdaş kimi bir sıra inkişaf etmiş ölkələr üçün önəmli əhəmiyyət daşıyır. Ölkə Prezidenti cənab İlham Əliyevin Bolqarıstana rəsmi səfəri və səfər çərçivəsində iki ölkə arasında qarşılıqlı tərəfdaşlıq məsələlərinin müzakirəsi Azərbaycanın etibarlı qaz təchizatçısı kimi Avropa üçün önəm daşıyan ölkə olduğunu bir daha təsdiq etmiş oldu.

“Biz bu işin birinci mərhələsindəyik. Əminəm ki, bu gün Sizinlə təkbətək görüşdə müzakirə etdiyimiz mövzularla bağlı gələcəkdə praktiki addımlar atılacaq. Azərbaycan etibarlı qaz təchizatçısı kimi Avropa ölkələri üçün önəm daşıyan ölkədir. Bizim üçün də Avropa bazarı, o cümlədən Bolqarıstan və Sizin qonşu ölkələrin bazarları böyük maraq kəsb edir”, - deyən ölkə Prezidenti cənab İlham Əliyev Azərbaycanın regionda etibarlı strateji tərəfdaş olmasını bird aha diqqətə çatdırdı.

Məlum olduğu kimi bu ilin iyul ayının 18-də Azərbaycan Respublikasının Prezidenti cənab İlham Əliyev Avropa Komissiyasının Prezidenti xanım Ursula fon der Lyayen ilə Bakıda görüş keçirmişdir. Artıq bu bir həqiqətdir ki, Azərbaycan həm geosiyasi, həm iqtisadi baxımdan bir çox xarici dövlətlər və Beynəlxalq təşkilatlar üçün etibarlı tərəfdaş kimi qiymətləndirilir. Ölkəmiz qazandığı tarixi Zəfərdən sonra bölgədə və regionda yeni reallıqlar yaratmış oldu ki, bu da məhz ölkə Prezidenti cənab İlham Əliyevin uzaqgörən daxili və xarici siyasi kursunun məntiqi nəticəsi kimi qiymətləndirilir.

Bu il Bakıda Ursula Fon der Lyayenin iştirakı ilə Azərbaycan və Avropa İttifaqı arasında enerji sahəsində Strateji Tərəfdaşlığa dair Anlaşma Memorandumunun imzalandığını xatırladan dövlətimizin başçısı qeyd edib ki, bu Memoranduma əsasən Azərbaycan 2027-ci ilədək Avropaya qaz ixracını ən azı iki dəfə artırmağı planlaşdırır.

Ölkə Prezidenti cənab İlham Əliyevin qeyd etdiyi kimi Azərbaycan ilə Avropa İttifaqı arasında enerji sahəsində əməkdaşlığın 15 ildən çox tarixi vardır.

Bildiyimiz kimi Avropa Komissiyasının Prezidenti Ursula von der Leyen bazar ertəsi günü Azərbaycana rəsmi səfəri çərçivəsində Azərbaycan Prezidenti İlham Əliyevlə görüşdükdən sonra tərəflər enerji münasibətlərinə dair Anlaşma Memorandumu imzalayıblar və bu imzalanan Memarandum Azərbaycanın Avropa İttifaqı ilə strateji əməkdaşlığına yeni töhfələr verəcəkdir.

Azərbaycan bölgədə ən etibarlı strateji tərəfdaş kimi bütün dünyanın diqqət mərkəzindədir və bu amil ölkəmizin dünyanın siyasi arenasında böyük nüfuz və söz sahibi olmasına dəlalət edir.

Bolqarıstan Respublikasına səfər zamanı nəqliyyat sahəsində “Orta dəhliz”in, Şərq-Qərb nəqliyyat dəhlizinin ölkələrimizi bir-birinə daha da sıx bağlayacağını qeyd edən Prezidenti cənab İlham Əliyev deyib: “Əminəm ki, gələcəkdə təmaslarımız çox olacaq və bizim onsuz da geniş olan gündəliyə yeni məsələlər daxil ediləcəkdir”.

Prezident cənab İlham Əliyevin rəhbərliyi ilə həyata keçirilən uğurlu və dinamik xarici siyasət nəticəsində Azərbaycan müasir beynəlxalq münasibətlər sisteminin fəal aktoruna birinə çevrilib. Azərbaycan öz təbii sərvətlərinin sahibi kimi enerji sahəsində əməkdaşlıq əlaqələrini dövlət maraqları və qarşılıqlı faydalılıq prinsipləri əsasında reallaşdırır.

Ölkə Prezidenti cənab İlham Əliyevin uzaqgörənliyi, uğurlu daxili və xarici siyasət xətti Azərbaycanın beynəlxalq aləmdə nufuzunun gündən günə artmasına böyük zəmin yaratmışdır.

Paylaş:

Baxılıb: 608 dəfə