Azərbaycan yaşıl enerji istehsalında maraqlıdır

AZ RU EN

Ana səhifə / YAP xəbərləri / Azərbaycan yaşıl enerji istehsalında maraqlıdır

Azərbaycan yaşıl enerji istehsalında maraqlıdır

31.10.2023 [12:26]

Bu gün Azərbaycan özünün daxili enerji tələbatını ödməklə yanaşı, eyni zamanda, Avropanın enerji təhlükəsizliyinin təminatında əhəmiyyətli rol oynayır. Prezident cənab İlham Əliyevin yürütdüyü düşünülmüş enerji siyasəti, yeni dövrün tələbi olan alternativ enerjidən istifadə ilə bağlı ölkəmizdə görülən işlər, eləcə də bu sahədə qarşıya qoyulan hədəflər dünyanın diqqət mərkəzindədir.

Məlum olduğu kimi, Azərbaycanın Energetika Nazirliyi, “AzərEnerji” ASC və Birləşmiş Ərəb Əmirliklərinin “Masdar” şirkəti arasında investisiya, enerji alqı-satqısı və ötürücü şəbəkəyə qoşulma ilə bağlı 6 aprel 2021-cildə müqavilə imzalanmışdır. Təməlqoyma mərasimi 2022-ci il martın 15-də “Gülüstan” sarayında Azərbaycan Prezidenti İlham Əliyevin iştirakı ilə olmuş 230 MVt gücündə Qaradağ Günəş Elektrik Stansiyasının rəsmi açılış mərasimi cari ilin oktyabrın 26-da baş tutmuşdur. Mərasimdə ölkə başçısı cənab İlham Əliyev iştirak edib.

Xəzər regionunda eləcə də MDB məkanında ən böyük günəş elektrik stansiyası olan Qaradağ Günəş Elektrik Stansiyası 262 milyon ABŞ dolları dəyərində xarici sərmayə hesabına tikilib. Onu da xüsusi olaraq qeyd etmək lazıəmdır ki, bu Azərbaycanda xarici investisiya cəlb edilməklə reallaşdırılan sənaye miqyaslı ilk günəş elektrik stansiyasıdır.

Açılış mərasimində çıxış edən Prezident İlham Əliyev Azərbaycanın Birləşmiş Ərəb Əmirlikləri ilə bərpaolunan enerji mənbələri sahəsində əməkdaşlıq üçün böyük planları olduğunu, bu əməkdaşlıq sayəsində çox qısa zamanda 1 qiqavat bərpaolunan enerji istehsalına yol açacaq üç investisiya sazişinin imzalanma mərasiminin keçirildiyini vurğulayıb.

“Azərbaycan dünyada ilk dəfə 19-cu əsrin ortalarında neftin istehsal olunduğu ölkədir”-deyən ölkə başçısı qeyd edib ki, İndi bizim zəngin yanacaq ehtiyatlarımızın olduğunu nəzərə alaraq, biz yaşıl gündəliyə doğru irəliləyirik. Bu, məqsədli seçimdir. Bu, bizim təkcə Azərbaycanın gələcək inkişafına deyil, həm də iqlim dəyişikliyi ilə bağlı məsələlərə töhfəmizdir”

Prezident İlham Əliyev çıxışı zamanı məlumat üçün bildirib ki, Azərbaycanın iqtisadiyyatı çox sabitdir. Son 20 il ərzində bizim ümumi daxili məhsulumuz dörd dəfədən çox artıb. Biz birbaşa xarici borcumuzu ümumi daxili məhsulun 10 faizindən aşağı səviyyəyə salmağa və iyirmi il bundan əvvəl 50 faizə yaxın olan yoxsulluq səviyyəsini 5,5 faizə endirməyə nail olmuşuq.

Dövlətimizin başçısı Azərbaycanın bərpaolunan enerji gündəliyi təkcə günəş və ya külək elektrik stansiyaları ilə məhdudlaşmadığını bildirib və qeyd edib ki, hazırda ölkəmiz üç il bundan əvvəl işğaldan azad edilmiş Qarabağın və Şərqi Zəngəzurun ərazilərində hidroenerji potensialımızı fəal şəkildə inkişaf etdirir. Artıq 170 meqavat gücündə olan hidroelektrik stansiyalarının istismara verildiyini diqqətə çatdıran cənab İlham Əliyev bu ilin sonuna kimi bu, 270 meqavata çatacağını, iki-üç ildən sonra hidroelektrik stansiyaların gücü 500 meqavat olacağını diqqətə çatdırıb.

Son 30 il ərzində Azərbaycanın çoxmilyardlı investisiya portfoliomu olduğunu vurğulayan ölkə başçısı Azərbaycana ümumi investisiyaların 300 milyard ABŞ dollarından çox olduğunu və bunun təqribən 200 milyard ABŞ dolları qeyri-neft sektorunun payına düşdüyünü bildirib.

Qarşıda duran hədəflərdən danışan Prezident İlham Əliyev qeyd edib ki, hazırda bizim iqtisadi hədəfimiz qazıntı yanacağından asılılığımızı azaltmaq üçün iqtisadiyyatımızı şaxələndirməyi davam etdirməkdir. Eyni zamanda, biz başa düşürük ki, bizim neft və qazımıza hələ uzun illər ərzində beynəlxalq bazarda tələbat olacaq. Bu məqsədlə çoxsaylı neft və qaz kəmərləri sistemi istismara verilib və indi biz neft və qazı müxtəlif istiqamətlərə ixrac edirik.

Dövlət başçısı onu da bildirib ki, Xəzər dənizindəki yataqlardan Avropaya qədər uzanan 3500 kilometrlik qaz boru kəmərini vaxtında istismara vermişik. Bu da daha geniş regionun enerji təhlükəsizliyinə daha bir töhfə olacaq.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 183 dəfə