Hər kəs həqiqəti gördü

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Hər kəs həqiqəti gördü

Hər kəs həqiqəti gördü

27.11.2023 [11:00]

Ulu öndər Heydər Əliyev tərəfindən əsası qoyulan Yeni Azərbaycan Partiyası xilaskarlıq missiyasını üzərinə götürmüş, bu agır işi şərəflə, ləyaqətlə yerinə yetirən canlı və şanlı tariximizdir. Məhz Yeni Azərbaycan Partiyasının xidmətləri sayəsində bu gün ölkəmizin uğurları beynəlxalq reytinq və hesabatlarda özünü göstərməkdədir. Beynəlxalq hesabatlara nəzərə salsaq ölkəmizin ildən-ilə onlarla pillə irəliyərək daha yüksək nəticələr əldə etdiyinin şahidi olarıq. Azərbaycan bu gün dünyanın enerji təhlükəsizliyi baxımından ən mühüm ölkələrdən birinə çevrilib, bu sahədə dövlətimizin iştirakı olmadan heç bir qlobal layihə həyata keçirilmir. Prezident İlham Əliyevin rəhbərliyi ilə son illərdə Azərbaycan ən zəngin dövrünü yaşayır. Çünki, bu illər ərzində ölkəmiz həm infrastruktur, həm iqtisadi, həm siyasi, həm sosial, həm də digər sahələrlə bağlı çox böyük uğurlar əldə edib. Əhalinin rifah halı bu illər ərzində dəfələrlə yüksəlib. Bu gün dünya liderləri Azərbaycan Prezidenti ilə hesablaşır. Bu da o deməkdir ki, ölkəmizdə müstəqil və balanslı siyasət uğurla həyata keçirilir

Cənab İlham Əliyev hər zaman ölkə vətəndaşlarını düşünür, onların əmin-amanlıq şəraitində yaşaması üçün çalışır. Azərbaycanın mövcud inkişafı və dünyada artan nüfuzu Azərbaycana qarşı olan bəzi dairələri narahat edir.Bu səbəbdən də anti-Azərbaycan dairələr radikal və anti-milli şəxsləri qrantlar müqabilində ələ alaraq Azərbaycana qarşı aparılan çirkin kampaniyalarda vasitəyə çeviriblər.

İllərdən bəri Azərbaycan əleyhinə aparılan təxribat kampaniyalarının önündə gedən AXCP sədri Əli Kərimli hələ də xəyanətlərini, ermənipərəst xislətini davam etdirərək mövqeyini bildirir. Bütün dünyanın heyrətlə izlədiyi, əvvəllər ölkəmizə qarşı düşmən mövqeyində dayanan düşmənlərimizin belə Azərbaycanın öz gücünə qazandığı haqqı, ədaləti etiraf etdikləri günlərdə belə formalaşdırdığı agent şəbəkəsindən istifadə edərək ölkəmizə qarşı «qara piar» kampaniyası aparır.

Bütün cəbhəçilər Azərbaycan Xalq Cəbhəsi Partiyasının sonuncu Qurultayında Əli Kərimlinin əsl üzünü görə bildilər.Qurultayda onun sədr kimi hesabatı qəbul edilərək partiya sədrliyi üçün alternativ namizəd olmayan seçkisi baş tutub. İştirakçılar Əli Kərimlinin əleyhinə-lehinə səs veriblər. Beləliklə, sədr seçkisi alternativ namizədi olmayan Əli Kərimlinin “qələbəsi” ilə bitib. Əli Kərimlinin partiya daxilindəki idarəetmədə diktator kimi davranması, sədrliyə namizəd olaraq özündən başqa heç kimi layiq görməməsi axır ki, AXCP-nin üzvlərinin ayılmasına və sədrlərinin iç üzünü tanımalarına səbəb olub. İnanıram ki,bundan sonra hər kəs həqiqəti görərək, tutduqları yolun səhv yol olduğunu dərk edəcək.

Əli Kərimlinin xəyanətləri saymaqla bitməyən labirintə oxşayır. Amma bir məsələ aydındır ki, sərsəm xəyallarının reallaşacağını güman edən Əli Kərimli istəklərinin yuxu olduğuna inanmalıdır.

YAP Samux rayon təşkilatının sədri Gündüz Bayramov

Paylaş:

Baxılıb: 604 dəfə