Dövlət müstəqilliyimizin qurucusu

Bakı:

26 °C

68 %

1 m/s

Əlaqə

AZ RU EN

Ana səhifə / YAP xəbərləri / Dövlət müstəqilliyimizin qurucusu

Dövlət müstəqilliyimizin qurucusu

11.12.2023 [10:40]

YAP Ağdam rayon təşkilatının sədri

Mansur Quliyev

Ümummilli lider Heydər Əliyevin əziz xatirəsi hər zaman xalqımızın qəlbində əbədi yaşayacaqdır. Azərbaycançılıq məfkurəsini hər zaman hər şeydən üstün tutan Ulu öndər müstəqil, suveren Azərbaycanın memarı və qurucusudur.
Dahi siyasətçi, xalqımızın və dövlətçiliyimizin xilaskarı Ulu öndər Heydər Əlirza oğlu Əliyevin vətən, xalq qarşısında xidmətləri böyük və danılmazdır. Məhz Azərbaycanın bu gün ki inkişafının və tərəqqisinin təməl prinsipində Ulu öndər Heydər Əliyev siyasi kursu dayanır.
1993-cu ilin iyununda Ulu Öndər Heydər Əliyevin hakimiyyətə qayıtması ilə bütün sahələrdə müsbət dəyişikliklərin əsası qoyuldu. O ağrılı-acılı günlər hər birimizin yaddaşındadır və o zamanki nəslin nümayəndələri həmin dövrdə ölkəmizin və xalqımızın hansı çətin, mürəkkəb sınaqlar qarşısında qalmasının canlı şahidləridirlər. 90-cı illərin əvvəllərində ölkəmizin çətin siyasi, iqtisadi duruma düşdüyü ağır günlərdə Ümummilli Lider Heydər Əliyev Azərbaycanın dövlət müstəqilliyinin möhkəmləndirilməsi və gələcək inkişafı istiqamətində mühüm addımlar atırdı.
Məhz Ulu Öndər Heydər Əliyev dühası və qətiyyəti sayəsində müstəqil Azərbaycan dövləti məhv olmaq təhlükəsindən qurtuldu.
Qısa müddətdə Ulu Öndərin siyasi idarəetmə qabiliyyəti və uzaqgörənliyi ilə ölkədəki böhrana son qoyuldu.
Müasir tariximizə qızıl hərflərlə yazılmış 15 iyun Azərbaycanın müstəqillik və dövlətçilik tarixində yeni siyasi eranın başlanğıcı oldu! Ölkənin düşdüyü bu bəladan qurtarmaq kimi çətin bir missiyanı və məsuliyyəti öz üzərinə götürən Ulu öndər Heydər Əliyev xalqımızı, dövlətçiliyimizi böyük bir bəladan xilas etmiş oldu. Ömrünün böyük hissəsini xalqına və Azərbaycanın müstəqilliyinə, tərəqqisinə həsr edən Ümummilli lider Heydər Əliyevin yorulmaz fəaliyyəti və uzaqgörənliyi sayəsində doğma Azərbaycanımız dünyanın inkişaf etmiş ölkələri ilə bu gün bir sırada dayanır. Bu gün dövlətimiz Heydər Əliyev ideyaları ilə yaşayır və onun dövlətçilik konsepsiyası əmin əllərdədir. Eyni zamanda, ölkəmizdə mövcud olan Prezident-Xalq, Xalq-Prezident birliyi məhz Ulu öndər Heydər Əliyev irsinin və siyasi kursunun məntiqi nəticəsidir. Xüsusilə qeyd etmək lazımdır ki, bu gün regionun, Cənubi Qafqazın, dünyanın nüfuzlu bir dövlətinə çevrilmiş Azərbaycan ulu öndər Heydər Əliyevin uğurlu siyasətinin şah əsəridir. Məhz Ulu öndərin sayəsində dünyanın aparıcı dövlətləri və beynəlxalq təşkilatları Azərbaycana ciddi diqqət yetirməyə başladı və ölkəmiz beynəlxalq münasibətlər sisteminin suveren aktoruna çevrildi. Bu gün Ulu öndər Heydər Əliyev siyasi kursunun layiqli davamçısı ölkə Prezidenti, Müzəffər Ali Baş Komandan cənab İlham Əliyevin rəhbərliyi altında Azərbaycan dövləti daha da qüdrətli bir ölkəyə çevrilmiş və beynəlxalq aləmdə yeni-yeni uğurlara imza atmağa uğurla davam etməkdədir.

Paylaş:

Baxılıb: 542 dəfə