Böyük etimad

Bakı:

24 °C

88 %

3 m/s

Əlaqə

AZ RU EN

Ana səhifə / YAP xəbərləri / Böyük etimad

Böyük etimad

21.12.2023 [11:14]

Xalqımızın Ümummilli lideri Heydər Əliyevin müəyyən etdiyi siyasi xətti dövrün tələblərinə uyğun olaraq uğurla davam etdirən Prezident cənab İlham Əliyevin rəhbərliyi ilə bu gün Azərbaycan heç zaman olmadığı qədər güclü və qüdrətlidir. Beynəlxalq aləmdə yüksək nüfuza malik olan ölkəmizin müasir dünyadaki yeri möhkəmlənməkdə, ölkəmizlə əməkdaşlıq etməyə can atan dövlətlərin sayı günü-gündən artmaqdadır.

Dekabrın 15-də BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un gələn il ölkəmizdə keçirilməsi ilə əlaqədar Azərbaycan Respublikasının Prezidenti İlham Əliyevin sədrliyi ilə müşavirə keçirilib.

Ölkə başçısı çıxışında COP29 beynəlxalq konfransın Azərbaycanda, Bakıda keçirilməsi haqqında dünya ölkələrinin qəbul etmiş olduğu qərarın Azərbaycana növbəti dəfə böyük etimad və böyük hörmətin göstəricisi olduğunu bildirib. Cənab Prezident əlavə edib ki, Azərbaycana beynəlxalq aləmdə olan hörmət günbəgün artır və biz bu hörməti öz əməlimizlə, işimizlə, siyasətimizlə qazanmışıq.

Əlbəttə ki, cənab Prezident İlham Əliyevin yürütdüyü müstəqil siyasət, prinsipial mövqe, beynəlxalq hüquqa bağlılıq, dövlət başçımızın şəxsi nüfuzu və eyni zamanda, ölkə ərazisində suverenliyin bərpa edilməsi Azərbaycana olan hörməti daha da artırib.

Çıxışında bəzi qərb ölkələrinə, əsasən də Fransaya öz iradını bildirən dövlətimizin başçısı antiterror əməliyyatından sonra bəzi Qərb ölkələri Azərbaycana əsassız ittihamlar irəli sürdüyünü amma bu ittihamların heç bir əsası olmadığını bildirib. Azərbaycan bu ilin sentyabr ayında öz suveren ərazisində separatçılığa qarşı, qeyri-qanuni erməni silahlı birləşmələrinə qarşı antiterror əməliyyatı keçirmiş, terrorcuları məhv edərək suverenliyini bərpa etmişdir.

Cənab Prezident nitqində bu məsələyə xüsusi olaraq diqqət çəkib. Hətta Ermənistanın bu vəziyyətlə barışdığı halda bəzi Qərb ölkələrinin, əsasən də Fransanın bununla barışmaq fikrində olmadığını, ancaq onlar da bu vəziyyətlə barışmağa məcbur olacaqlarını bəyan edərək həmin ölkələrə ciddi mesaj göndərib.

“COP29 dünyada ən mötəbər beynəlxalq tədbirlərdən biridir. Ölkələrin təmsilçiliyi nöqteyi-nəzərindən BMT Baş Assambleyasından geri qalmır”,- deyən ölkə başçısı vaxta 11 aydan az vaxt qaldığını xatırladıb və bütün lazımi tapşırıqlarını verib.

Prezident cənab İlham Əliyev COP29 beynəlxalq konfransının da yüksək səviyyədə keçiriləcəyini, bu, ölkəmizin, xalqımızın növbəti böyük uğuru olacağını bildirib. Dövlət başçısı Azərbaycanın neft-qaz ölkəsi kimi bu sahədə də özünü göstərəcəyini və Azərbaycanın gündəliyinin yaşıl enerji ilə bağlı olacağını dünyada hər kəsin bir daha görəcəyini vurğulayıb. Eyni zamanda yaşıl enerji növlərinin yaradılması və yaşıl enerjinin dünya bazarlarına nəqli hazırda ölkəmizin enerji siyasətinin prioriteti olduğunu diqqətə çatdırıb.

Sahib Şükürov

YAP Göyçay rayon təşkilatının sədri

Paylaş:

Baxılıb: 629 dəfə