Ölkəmizdə redaktorların üzləşdiyi pronlemlər hansılardır?

Bakı:

21 °C

59 %

2 m/s

Əlaqə

AZ RU EN

Ana səhifə / Xəbər lenti / Ölkəmizdə redaktorların üzləşdiyi pronlemlər hansılardır?

Ölkəmizdə redaktorların üzləşdiyi pronlemlər hansılardır?

09.10.2024 [16:26]

8 oktyabr 2024-ci il tarixində 8 gün davam edən X Beynəlxalq Kitab Sərgisi çərçivəsində redaktorlarla görüş təşkil olunub. "Yeni Azərbaycan" xəbər verir ki, ölkəmizdə fəaliyyət göstərən bir çox nəşriyyatının redaktorları görüşdə nəşriyyatların və redaktorların üzləşdiyi problemlər haqqında çıxışlarını edib.

"Qədim Qala" nəşriyyatının baş redaktoru Sevda Məmmədova: "Təssüflə qeyd edirəm ki, ölkəmizdə ümummiyətlə redaktorların ixtisaslaşması yoxdur: "Bizdə redaktor deyəndə bir növ ibtidadi sinif müəllimi kimi nəzərdə tutulur və ondan gözləntilər çox olur. Hazırda kitab sahəsində daha çox naşirlərin çiyninə yük düşür. Dünyada 20-yə yaxın redaktor sahəsi var. Bizdə isə elmi, bədii və texniki redaktorlar mövcuddur.
Ümumiyyətlə, nəşriyyat sahəsindəki redaktorlar ayrı funksiyaları həyata keçrirlər. Dünyada kitab sahəsinə baxsaq, görərik ki, nəşriyyatlar da ixtisaslaşıb. Düşünürəm ki, bu bizdə də olmalıdır. Belə olduğu halda bizdə də redaktorlardan başqa tələblər olunmayacaq".

İmanyar Quliyev "Libra" nəşriyyatının baş redaktoru: "Uşaq ədəbiyyatında ən çox üzləşən problemlər tərcümə kitablarında dəyərlərə xas olmayan fikirlərin olmasıdır. Bəzən yerli müəlliflərin yazdığı mətnlərdə də ciddi problemlərlə üzləşirik. 50 yaşında olan bir müəllifin uşaq üçün yazdığı kitabı uşaq ruhunda yox, öz ruhunda olur. Əsərlər uşaq üçün yazılırsa uşaq ruhunda olmalıdır. Yaşlı nəsildə ən böyük problem 70/80 - ci illərin dili ilə yazmalarıdır. Lakin müasir dövr uşaq dili daha sadədir".

Toğrul Musayev "Parlaq İmzalar" nəşriyyatının baş redaktoru: "Redaktor olmaq üçün bu ixtisasi bitirmək şərt deyil. Sadəcə insanda ədəbiyyata, sözə, ana dilinə qarşı məhəbbətin olması və analitik düşünmə qabiliyyətinin olması əsas məsələdir. Bu prinsiplərdən tutaraq redaktor olmaq üçün bir xeyli yol qət etmək lazımdır. Redaktorluqdan baş redaktorluğa gedən yolda müəyyən proseslər var. Redaktor kitablar üzərində işlədikcə, tərcümələr elədikcə kifayət qədər təcrübə yığdıqdan sonra redaktor kimi işləyə bilər".

Cavid Qədir "Xan Nəşriyyatı" nın baş redaktoru: "Redaktorluğun sərhədi olmalıdır. Redaktor cümləyə əlavə fikir üçün müdaxilə edə bilməz. Bu artıq müəllif hüququnun pozulması deməkdir. Redaktor üzərində işlədiyi kitabı anlamalı, müəllifin verdiyi mətni başa düşməli və sonra redaktə işinə başlamalıdır. Bizdə sistem o qədər dağınıqdır ki, bunların heç biri yerində deyil. Nə naşir, nə redaktor öz funksiyasını tam yerinə yetirə bilmir. Mən Xan Nəşriyyatının baş redaktoruyam, bazar o qədər kiçikdir ki, bizim nəşriyyat 10 redaktor cəlb edə bilmir. Bu da bizim iş yükümüzü artırır".

Havar Şəfiyeva

Paylaş:

Baxılıb: 562 dəfə