Heydər Əliyev
yeni azerbaycan logo

Ana səhifə / Xəbər lenti / Axırıncı yolun yolçuları...

Axırıncı yolun yolçuları...

14.11.2022 [16:41]

Daşnaksutyunun üzvü olan "Qədirqulu" kimdir?

Son günlərdə Azərbaycana qarşı olan qüvvələrin çirkin işbirliyi tam şəkildə ortaya çıxmaqdadır. Fransa və İranın açıq şəkildə ölkəmizin milli maraqlarına qarşı çıxış etməsi, israrla ermənipərəst mövqedə dayanmaları çox şeydən xəbər verir. Ən azından bizə qarşı tarixi düşmənçiliyi olanlar bir daha öz kartlarını açmaq məcburiyyətində qalıblar.

Maraqlıdır ki, bu iki dövlətin "kölgəsinə sığınanlar" da özünü ifşa edir. Məsələn, AXCP-nin iranpərəst Fransa "qolu" bu işdə daha canfəşanlıq edə-edə tələskənliyə də yol verir. Onlar İranın və Fransanın ölkəmizə qarşı kin-küdurətinə "dəstəvuz olmaq" istərkən özlərini də yandırırlar…

Bir müddətdir ki, Azərbaycana qarşı qarayaxma kampaniyalarına ara verməyən İranın "Səhər" adlı şər-böhtançı televiziyası guya elə özü kimi şər-böhtan dolu bir "film" hazırlayıb. İranın və ya Fransanın bu yalandolu "filmi" reklam etməsi başadüşüləndir. Amma AXCP-nin bu işdə göstərdiyi "fəallığı" anlamaq olmur. Halbuki həmin filmdə "ifşa edilən" faktlar…

Filmin anonsunda "atası Qədirqulu Daşnaksutyun Partiyasının üzvü idi" frazası yer alır. Bəlli olduğu kimi, Qədirqulu AXCP-nin mərhum sədri, Əli Kərimlinin özünə müəllim bildiyi, guya yolunu davam etdirdiyi Əbülfəz Elçibəyin atasının adıdır. Demək ki, AXCP bu filmin anonsunu "reklam etməklə" Əbülfəz Elçibəyi ifşa edir, onun atasının Daşnaksutyun partiyasının üzvü olduğunu daha geniş auditoriyaya yaymaq istəyir. Bəs AXCP deyirdi ki, onlar Rəsulzadə – Elçibəy yolunun davamçılarıdırlar… Belə olan halda, onlar hansı yolun yolçularıdırlar? Və ya hansı yoldadırlar?

Bu xəyanət yoludur - bu yol Fransa-İran-AXCP-nin yaratdığı xəyanət uçbucağının müəyyənləşdirdiyi yoldur. Bu yolda "irəliləyənlər" isə Əli Kərimlinin ən yaxınlarıdır – Qənimət Zahid, Natiq Ədilov kimiləridir. Təbii ki, Əli Kərimlinin xəbəri olmadan onun ən yaxınları bu şər-böhtan, xəyanət üçbucağında yer ala bilməzlər. Başqa sözlə, Əli Kərimlinin bu xəyanət üçbucağındankı yerini məhz bu şəxslərin fəaliyyəti müəyyənləşdirir.

Marığa yataraq Azərbaycana qarşı olan hər bir fikrə, hər bir addıma "züytutanlıq" etməyin isə sonu budur – özünüifşa. Bu isə, ya yolun axırıdır, ya da axırıncı yoldur…


Paylaş:
Baxılıb: 162 dəfə

Xəbər lenti

Hamısına bax

Xəbər lenti

Xarici siyasət

Siyasət

Prezident bu gün

Prezident bu gün

07 Dekabr 10:10

Xəbər lenti

Xəbər lenti

Sabahın hava proqnozu

06 Dekabr 12:28

Xarici siyasət

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31