Heydər Əliyev
yeni azerbaycan logo

Ana səhifə / Xəbər lenti / Ən yaxın zamanda bütövləşək, bir olaq!

Ən yaxın zamanda bütövləşək, bir olaq!

10.12.2022 [12:00]

Arazın o tayına dəstək MARŞI

Nicat PAŞA

İranın “əxlaq” polisi tərəfindən Məhsa Əmini adlı 22 yaşlı günahsız qızın hicab bəhanəsi ilə vəhşicəsinə döyülərək qətlə yetirilməsi ilə başlayan etiraz aksiyaları davam edir.  İranın Təbriz, Tehran, İsfahan, Şiraz, Kirman və digər böyük şəhərlərində keçirilən azadlıq savaşında bu günə qədər 15 minə yaxın aksiya iştirakçısı həbs olunub, 350-dən çox şəxs öldürülüb. Bu günə qədər ölkəmizdə müxtəlif formalarda İranda azadlıq tələb edən etirazçılara dəstək ifadə edilib. Məhz bu məqsədlə bir neçə gün öncə Arazın o tayında azadlıqlarına qovuşmağa çalışanlar üçün Azərbaycanda marş hazırlanıb. Bu barədə Ukrayna Azərbaycanlılarının Birləşmiş Diasporunun sədri, hüquq elmləri doktoru Hikmət Cavad sosial şəbəkədə paylaşım edib. O, paylaşımında İranda başlayan etirazların hər gün daha da qızışdığını, yeni mərhələyə qədəm qoyduğunu qeyd edərək bunları yazıb: “Bu etirazlarda öz fəallıqları ilə seçilən güneyli azərbaycanlıların taleyi bizi hər zaman düşündürür. Hər gün Arazın o tayından - Güneydən aldığımız xəbərlər 40 milyonluq soydaşlarımızın azadlığını daha da yaxınlaşdırır. Bu marşın sözlərini də o ümidlə yazdım, dəyərli bəstəkarımız Aygün Səmədzadə isə musiqisini bəstələdi”.

H.Cavad fikirlərinə belə davam edib: “O ümidlə ki, bu marş azadlıq tələb edən soydaşlarımıza bir stimul olsun. Güneydə qəlbləri azadlıq atəşi ilə yanan əziz bacı və qardaşlarımızın İran zülmündən qurtulması üçün apardıqları bu müqəddəs və şərəfli haqq mübarizəsində dünya azərbaycanlıları da aktiv olmalı və birlik nümayiş etməlidirlər. Ən yaxın zamanda bütövləşək, bir olaq!”

Paylaş:
Baxılıb: 492 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31