Redikül müxalifətin bayram kədəri

Bakı:

25 °C

83 %

4 m/s

Əlaqə

AZ RU EN

Ana səhifə / Xəbər lenti / Redikül müxalifətin bayram kədəri

Redikül müxalifətin bayram kədəri

11.11.2023 [19:05]

Və ya Azərbaycan müxalifətinə Engels "diaqnozu"

“Biz ayaqqabı şotkasını məməli heyvanlar sinfinə aid etsək, bununla onda süd vəzi əmələ gəlməyəcəkdir"…

Vətən müharibəsindən başlanan Zəfər yolumuzun bu ilki işığı tamam fərqli oldu. Bu il ən azı 30 ildən sonra ilk dəfə suverenliyi tam bərpa olunmuş Azərbaycanımızın istisinə, işığına Xankəndidə toplaşdıq. Xankəndi paradı Zəfər yaddaşımızın ən yeni səhifəsi kimi tarixmizə yazıldı. Bu ilin bayramı tamam fərqli ab-hava, tamam fərqli mahiyyət, tamam fərqli sevinc və şövq yaşatdı bütün azərbaycanlılarımıza…

Amma bu dəfə də kədərə, qüssəyə, qəmə düşənlər oldu ki, onların da "dərdi" başadüşüləndir. Qarabağ Zəfərinə Paşinyan-Makron zehniyyəti və təsiri ilə yanaşan Əli Kərimli və Tofiq Yaqublu kimiləri sevinmək, həm də torpaqlarımızın azad edilməsinə ürəkdən sevinmək, suverenliyimizin tam bərpasına ürəkdən şad olmaq əvəzinə kədərlənirlər. Eynən Makron - Paşinyan mahiyyəti ilə…

Kərimli yenə öz ampluasında…

Əli Kərimlinin sosial şəbəkələrdə yazdığı "təbrik postu" çox şeydən xəbər verir. Əvvəla bildirmək yerinə düşər ik, Şuşanın dövlətimiz və xalqımız üçün hansı böyük əhəmiyyət daşıdığını hər kəs bilir – hətta cənab Prezidentimiz də bildirmişdi ki, Şuşasız qələbə yarımçıq olardı. 8 noyabr Zəfər günü isə bütövlükdə işğal altında olan torpaqlarımızın azadlığının simvolu günüdür. Əli Kərimli yazdığı naqolay postu ilə yenə də Zəfəfrimizi kiçiltməyə, onun sərhədlərini "cızmağa" çalışır. Bu isə onun düşmən xislətindən, xain mahiyyətindən xəbər verir. Azərbaycanın qələbəsini daima "kiçiltməyə" çalışan Əli Kərimli özünün kimliyini, iç üzünü və xalqa, dövlətə münasibətini bununla ortaya qoymuş olur. O bununla kimlərin qazanının çömçəsi olduğunu ifşa edir – üzü Parisə tərəf boylandığını etiraf etmiş olur.

Yaqublunun "demokrat Paşinyanı"…

Tofiq Yaqublunun "bayram kədəri" isə daha qatı və qara rəngdədir. Bu şəxs içindəki zəhəri və düşmənçiliyi biruzə verir – Zəfər gününün mahiyyətinə uyğun olmayan, şəxsi kindən qaynaqlanan arqumentsiz, dağınıq iddiaları ilə sanki bayrama kölgə salmağa çalışır. Ermənidən betər ermənilyini hər addımda ortaya qoyan Yaqublu Azərbaycanın Vətən müharibəsi Zəfərini belə "demokrat Paşinyan" ilə bağlayır. Nə qədər içdən çürümək olar ki, Azərbaycan xalqının birliyinin, bütövlüyünün, həmrəyliyinin simvoluna çevrilən, gücünün, qüdrətinin, davamlı və məqsədli dövlət siyasətimizin bəhrəsi olaraq meydana çıxan qələbəmizi Paşinyanla "əlaqələndirə" biləsən? Tofiq Yaqublu kor təfəkkürü ilə cəmisi 3 il öncə sərxoş vəziyyətdə Şuşada yallı gedən, "Qarabağ Ermənistandır və nöqtə" deyə özündən, boyundan böyük sərsəmləmələr söyləyən Paşinyanı "demokrat" adlandırmaqla azərbaycanlı olmadığını bir daha isbatladı. Özünü azərbaycanlı hesab edən birisi xalqın, dövlətin, ordunun gücü ilə torpaqlarımızın azadlığına qovuşmasını "demokrat Paşinyan" ilə əlaqələndirməzdi…

Bu faktlar özlüyündə çox şeydən xəbər verir – məntiqsiz Makron-Paşinyan cütlüyünün uğursuz proyeksiyası kimi meydana çıxan Kərimli-Yaqublu "əməkdaşlığı" xəyanətin, xainliyin, satqınlığın mücəssəməsidir. Bu xəyanət isə xalqımızın, dövlətimizin Zəfərinə kölgə salmağa hesablanıb. Onların içindəki kin və Azərbaycan xalqına qarşı istiqamətlənmiş ucuz qisasçılıq hissi onların nə vaxtsa dəyişmə ehtimalına da yer qoymur… Bizim Zəfərimizə kədərlənən "bizimkilər" barədə ən dəqiqini isə Fridrix Engels deyib: "Biz ayaqqabı şotkasını məməli heyvanlar sinfinə aid etsək, bununla onda süd vəzi əmələ gəlməyəcəkdir"…

SADİQ

Paylaş:

Baxılıb: 792 dəfə