Heydər Əliyev
yeni azerbaycan logo

Ana səhifə / Xəbər lenti / Bağışlanılmaz, yanlış hərəkət

Bağışlanılmaz, yanlış hərəkət

30.11.2023 [09:49]

Anar Nəbiyev

YAP Qazax rayon təşkilatının sədri

Müdrik xalqımız son 30 ildə çox hadisələrin şahidi oldu. Bu illər ərzində  daxili və xarici dostlar, düşmənlər üzə çıxaraq aşkar olundu. 44 günlük Vətən müharibəsində siyasi mövqeyindən, əqidəsindən, asılı olmayaraq bütün azərbaycanlıların diqqəti doğma Qarabağımızda baş verən hadisələrə yönəlmişdi. Belə bir vacib məqamda Ali Baş Komandanımızın, dövlətimizin yanında olmaq, vahid mövqedən çıxış etmək, ölkəmizin təhlükəsizliyi, suverenliyi, mustəqilliyi baxımından böyük əhəmiyyət daşıyırdı. Məhz buna görə də hər bir azərbaycanlının borcu idi ki, bir yumruq ətrafında sıx birləşərək bir amaldan, bir mövqedən çıxış etsin. Belə bir həlledici məqamda əks mövqedə dayanmaq birbaşa xalqa və dövlətə qarşı xəyanət idi.

Bəli, uzun müddətdir ki, Azərbaycan əleyhinə fəaliyyət göstərən,  ağı - qaradan, haqqı - nahaqdan, pisi - yaxşıdan ayıra biməyən, öz çirkin əməlləri ilə həmişə düşmən dəyirmanına su tökən AXCP sədri Əli Kərimli məhz, həmin dövrdə də antimilli mövqedən çıxış etdi. Öz yalan, böhtan, şantajla dolu sərsəm yazıları ilə təcavüzkar Ermənistanı deyil, haqq savaşı aparan, öz sərhədlərinin təhlükəsizliyini qoruyan, ərazi bütövlüyünü, suverenliyini bərpa etməyə çalışan Azərbaycanı ittiham etdi. Vətən müharibəsi başlayanda 50-yə yaxın partiya rəhbəri ilk gündən bəyanat verərək Prezident İlham Əliyev ilə eyni səngərdə durduqlarını elan etdilər. Bununla da xarici güclərə, Ermənistan və onun havadarlarına bu haqq savaşında ölkəmizdə hamının yekdil siyasi mövqe tutduğunu göstərdilər. Belə bir önəmli vaxtda AXCP sədri yenə də öz xislətindən əl çəkmədi, gözləmə mövqeyi tutaraq əməliyyatların sonunun necə yekunlaşacağını gözlədi. Yalnız Şuşa alındıqdan 1 gün sonra - 9 noyabrda ictimai qınaq və qəzəbdən qorxaraq, udquna - udquna bir cümləylə Ali Baş Komandanımızı təbrik etsə də, ertəsi gün dərhal 10 noyabr atəşkəs razılaşmasını əsas götürərək yenidən hakimiyyəti əsassız olaraq günahlandırmağa başladı. Bununla da həmişə olduğu kimi yenə də düşmən mövqeyindən çıxış etdi. Belə nankorların azərbaycanlı adını daşımağa haqqı çatmır, necə deyərlər, vətənin suyunu içib, havasını udmaq belə xainlərə haramdır.

Bəli, artıq AXCP - də Əli Kərimlinin antimilli mövqeyinə, partiyadaxili diktatorluğuna etiraz əlaməti olaraq Pərvin Hüseynli, AXCP Ali Məclisinin və Təşkilat şöbəsinin üzvü Seymur Əhmədzadə, fəal cəbhəçilərdən olan Tərlan Babayev və s. partiya sıralarından getdiklərini  bəyan ediblər. Çünki onlar Əli Kərimlinin və onun yaxın ətrafının ikiüzlülüyünün, xəbisliyinin, riyakarlığının şahididirlər.

Yəqin ki, digər cəbhəçilər də öz partiya yoldaşlarının doğru və düzgün qərarından nümunə götürərək AXCP - nin sıralarını birdəfəlik tərk edəcəklər. Çünki xalqımız üçün, vətənimiz üçün taleyüklü məsələlərdə, vacib anlarda düşmən mövqeyi tutan Əli Kərimli və onun kimiləri ilə bir cərgədə addımlamağın özü bağışlanılmaz, yanlış bir hərəkətdir.

Paylaş:
Baxılıb: 251 dəfə

Xəbər lenti

Hamısına bax

Ədəbiyyat

Analitik

Xəbər lenti

Siyasət

Xarici siyasət

Xəbər lenti

Analitik

Analitik

İqtisadiyyat

Gündəm

Gündəm

Xəbər lenti

3№-li protokol

23 Fevral 22:28  

Xəbər lenti

Xəbər lenti

Xəbər lenti

Mədəniyyət

Ədəbiyyat

Xarici siyasət

Xəbər lenti

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29