Ermənistanda xaos: kütləvi repressiyalar ictimai-siyasi vəziyyəti gərginləşdirib

Bakı:

23 °C

81 %

16 m/s

Əlaqə

AZ RU EN

Ana səhifə / Dünya / Ermənistanda xaos: kütləvi repressiyalar ictimai-siyasi vəziyyəti gərginləşdirib

Ermənistanda xaos: kütləvi repressiyalar ictimai-siyasi vəziyyəti gərginləşdirib

24.06.2015 [09:39]

Özlərini “demokratiya və insan hüquqları keşikçiləri” kimi təqdim edən Qərbin bir sıra təşkilatları işğalçı ölkədə cərəyan edən antidemokratik proseslərə nə üçün reaksiya vermirlər?
Ermənistanda zaman ötdükcə ictimai-siyasi kataklizmlər daha da güclənir. Erməni ekspertlər siyasi gərginliyin daha da kəskinləşərək vətəndaş müharibəsi həddinə çatacağını bəyan edirlər. Qeyd edilir ki, mövcud problemlər bu ölkədə sosial inqilab çağırışlarını aktuallaşdırır və siyasi kataklizmləri şiddətləndirir. Məhz bu, Ermənistanın gələcəyini sual altına alan başlıca faktorlardandır.
Kəskin qarşıdurmalar işğalçı ölkəni xaos meydanına çevirib
Yeri gəlmişkən, elektrik enerjisinin tariflərinin artımına etiraz olaraq İrəvanda keçirilən aksiya mövcud gərginliyi daha da artırıb. İrəvanda keçirilən etiraz aksiyasının dəhşətli şəkildə dağıdılması növbəti qarşıdurmalara təkan verib. Mitinqçilərə hücum edən mülki geyimli şəxslər, polis əməkdaşları və xüsusi təyinatlılar insanlara zərbələr endirib, Ermənistan prezidentinin administrasiyasının binası qarşısında etiraz edənlərə qarşı güclü su şırnağından istifadə edilib. Hadisə zamanı onlarla sənət adamı və yazıçı həbs edilib.
Hadisələrin kuliminasiya nöqtəsi kimi isə aksiyaya qoşulmuş Gümrü şəhərində də kütləvi həbslərin həyata keçirilməsi göstərilir. Erməni KİV-i məlumat verir ki, Gümrüdə 15-ə yaxın şəxs həbs edilib. Həbslərə bu səhər Gümrünün Teatr meydanında başlanılıb. Dünən axşam Gümrüdə də İrəvandakı aksiyalara dəstək mitinqi başlanılıb.
Jurnalistlərə qarşı zorakılıq...
Məlumata görə, saxlanılanlar arasında yerli mətbuat nümayəndələri də var. Onların arasında “Qala”, “News” internet nəşrləri, “Azadlıq” radiosunun erməni bürosunun əməkdaşları üstünlük təşkil edir. “Qala”nın əməkdaşı Paylak Faxradyan döyülüb, bəzi müxbirlərin isə avadanlığı zorla əllərindən alınıb, polis kameraların yaddaşını silmək üçün onların çiplərini sındırıb. Bununla yanaşı, “Epress.am” saytının kameraları qırılıb, bəziləri isə polislər tərəfindən müsadirə edilib.
Qərb niyə susur?
Bütün bunların fonunda əsas məsələ budur ki, özlərini “demokratiya və insan hüquqlarının keşikçisi” kimi dünya ictimaiyyətinə təqdim edən bir sıra təşkilatlar bütün bu antidemokratik hadisələrdən, repressiya faktı və dağıdıcı hallardan yan keçirlər. Başqa sözlə, daim Azərbaycanda ictimai fəallara “təzyiq”, “basqı” haqqında danışan qərəzli xarici təşkilatlar - Qərbin “hüquqsevər” qurumları Ermənistanda baş verənlərə münasibət bildirməyə tələsmirlər.
Görünən odur ki, beynəlxalq miqyasda “demokratiya”, “insan hüquqlarının müdafiəsi” pərdəsi altında çıxış edən təşkilatlar, əslində, müxtəlif ölkələrə qarşı təzyiq vasitəsi rolunu oynayır. Dolayısıyla, sadalananlar Ermənistandakı antidemokratik halların fonunda “Freedom House”, “Human Rights Watch”, “Amnesty International” kimi təşkilatların “demokratiya” anlayışını aşkar edir. Məhz bu fakt “demokratiya”, “insan hüquqları” anlayışlarını əldə bayraq edən qurumların, əslində, hansı prinsiplər əsasında fəaliyyət göstərdiyini bir daha əks etdirir.
Nurlan QƏLƏNDƏRLİ