Heydər Əliyev
yeni azerbaycan logo

Ana səhifə / Dünya / Qırğızıstanda dövlət çevrilişi cəhdinin qarşısı alınıb

Qırğızıstanda dövlət çevrilişi cəhdinin qarşısı alınıb

26.11.2021 [15:53]

Qırğızıstanda hakimiyyəti güc tətbiq etmək yolu ilə ələ keçirmək cəhdinin qarşısı alınıb. yeniazerbaycan.com Qırğızıstanın “Kabar” agentliyinə istinadən xəbər verir ki, cəhdin iştirakçıları arasında deputatlar və keçmiş yüksəkvəzifəli məmurlar da var.

Xəbərdə deyilir ki, Qırğızıstanın Milli Təhlükəsizlik üzrə Dövlət Komitəsi (MTDK) parlament seçkiləri ərəfəsində ölkədə hakimiyyəti zorla ələ keçirmək cəhdinin qarşısının alındığını açıqlayıb: “MTDK və Daxili İşlər Nazirliyi tərəfindən qarşıdan gələn parlament seçkilərinin təhlükəsizliyinin təmin edilməsi istiqamətində aparılan işlər zamanı sabitliyi pozmaq məqsədilə bir qrup şəxs tərəfindən təxribatlar təşkil etməyi planlaşdırması barədə məlumat əldə edilib”.

Bununla bağlı MTDK-də “Hakimiyyətin zorakılıqla ələ keçirilməsinə hazırlıq” maddəsi ilə cinayət işi başlanıb, Baş Prokurorluq tərəfindən idarələrarası istintaq qrupu yaradılıb.

Xəbərdə deyilir ki, sözügedən qruplaşma seçkilərin nəticələrinin elanından sonra vəziyyətin daha da gərginləşməsi, asayiş qüvvələri ilə toqquşmaların törədilməsi və hakimiyyətin növbəti zorakılıqla ələ keçirilməsi üçün Bişkek ərazisində kütləvi etiraz aksiyaları təşkil etməyi planlaşdırıb: “Yuxarıda qeyd olunan qrupun cinayətkar fəaliyyətinin qarşısının alınması məqsədilə cari il noyabrın 26-da MTDK və Qırğızıstan Respublikasının Daxili İşlər Nazirliyinin müstəntiqləri tərəfindən fəalların yaşayış yerlərində axtarışlar aparılıb. İştirakçılar və onların icarəyə götürdükləri ofisində cinayətə hazırlığı təsdiq edən sənədli materiallarla yanaşı, odlu silah, döyüş sursatı və narkotik vasitələr aşkar edilərək götürülüb”.

Həmin qruplaşmanın 15-dən çox fəal üzvünün saxlanılaraq cinayət məsuliyyətinə cəlb edilməsi barədə qərar qəbul edilib.

Paylaş
Baxılıb: 100 dəfə

Xəbər lenti

Hamısına bax

Prezident bu gün

04 Dekabr 00:11

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31