Təhsilin transformasiya gücü

Bakı:

24 °C

74 %

10 m/s

Əlaqə

AZ RU EN

Ana səhifə / Elm / Təhsilin transformasiya gücü

Təhsilin transformasiya gücü

15.04.2025 [11:21]

Azərbaycanın birinci xanımı Mehriban Əliyeva və qızı Leyla Əliyeva Antalya Diplomatiya Forumu çərçivəsində “Parçalanan dünyada gələcəyin qurulması: Təhsilin transformasiya gücü” adlı panel iclasda iştirak ediblər

Prezident Rəcəb Tayyib Ərdoğanın himayəsi, Türkiyənin Xarici İşlər Nazirliyinin (XİN) ev sahibliyi ilə keçirilən və üç gün davam edən Antalya Diplomatiya Forumu çərçivəsində müxtəlif panellər təşkil olunaraq faydalı müzakirələr aparılıb. Forum çərçivəsində həmçinin “Parçalanan dünyada gələcəyin qurulması: Təhsilin transformasiya gücü” adlı panel iclas təşkil olunub. Tədbirdə Azərbaycanın birinci xanımı Mehriban Əliyeva və qızı Leyla Əliyeva iştirak ediblər.

Gələcəyin qurulmasında təhsilin əvəzsiz rolu

Tədbirdən əvvəl Afrika Mədəniyyət Evinin stendi ilə tanışlıq olub. Türkiyə Respublikasının birinci xanımı Əminə Ərdoğanın təşəbbüsü ilə 2016-cı ildə qurulan Afrika Mədəniyyət Evinin fəaliyyətinin məqsədi afrikalı qadınların əl əməyini təbliğ etmək, onların fəaliyyətini iqtisadi dəyərə çevirmək və mədəni həmrəyliyi gücləndirməkdir.

Türkiyə Maarif Vəqfinin dəstəyi ilə keçirilən tədbir bu qurumun fəaliyyətindən bəhs edən videoçarxın nümayişi ilə başlayıb. İclasda qurumun dünyada həyata keçirdiyi işlərdən bəhs edilib. Bildirilib ki, dünyanın 55 ölkəsində fəaliyyət göstərən vəqfin məktəblərində 70 minə yaxın şagird təhsil alır.

Panel iclasda hazırkı dövrdə təhsilin inkişafının vacibliyinə diqqət çəkilib. Gələcəyin qurulmasında təhsilin əvəzsiz rolu var. Türkiyənin birinci xanımı Əminə Ərdoğan tədbirdə çıxış edərək müharibələrin çoxaldığı bir dövrdə təhsilin nə qədər əhəmiyyətli olduğunu vurğulayıb. Bildirilib ki, təhsil bu gün sosial iştirak və davamlı inkişaf üçün hər zaman olduğundan daha çox vacibdir.

Sonra Türkiyə Maarif Vəqfinin Kot-d’İvuar Respublikasındakı məktəbinin şagirdləri müxtəlif dillərdə mahnılar oxuyublar və panel iclas müzakirələrlə davam etdirilib.

Heydər Əliyev Fondunun təhsilə davamlı qayğısı

Təhsilin prioritetliyinə müasir dövlət kimi inkişaf edən Azərbaycanda da böyük önəm verilir. Ölkəmizdə 2030-cu ilədək olan dövrü əhatə edən strateji mərhələ üçün müəyyənləşdirilən beş milli prioritetdən biri məhz rəqabətli insan kapitalının və müasir innovasiyalar məkanının formalaşdırılması ilə bağlıdır. Bu prioritetin uğurla reallaşdırılması üçün isə XXI əsrin tələblərinə uyğun təhsil sisteminin qurulması əsas məqsədlərdən biri kimi qarşıya qoyulub. Prezident İlham Əliyevin 2 fevral 2021-ci il tarixində imzaladığı “Azərbaycan 2030: sosial-iqtisadi inkişafa dair Milli Prioritetlər” sənədində oxuyuruq: “Cəmiyyətin inkişafının təminatçısı olan ümumi təhsilin gücləndirilməsi üçün təhsil sistemində gedən modernləşmə davam etdirilməli, məzmun islahatları dərinləşməli, inteqrativ tədris təcrübəsi inkişaf etdirilməlidir. Bu əsasda ölkənin beynəlxalq qiymətləndirmələrdə (PISA, PIRLS, TIMSS, ICILS) mövqeyinin əhəmiyyətli dərəcədə yaxşılaşmasına nail olunmalıdır”.

Öz növbəsində Mehriban xanım Əliyevanın rəhbərlik etdiyi Heydər Əliyev Fondu ölkəmizdə müasir təhsil infrastrukturunun qurulmasını hədəfləyən layihələr həyata keçirir. Mehriban xanım Əliyevanın təşəbbüsü ilə 2005-ci ildən həyata keçirilən “Yeniləşən Azərbaycana yeni məktəb” layihəsi bunun əyani təsdiqidir. Layihənin əsas məqsədi təhsil sahəsində mövcud olan problemlərin həllinə kömək etməkdən, ölkə miqyasında müasir standartlara cavab verən təhsil kompleksləri yaratmaqdan, tədrisin səviyyəsinə bilavasitə təsir edən problemləri aradan qaldırmaqdan, cəmiyyətin müxtəlif təbəqələrinin, yerli və xarici şirkətlərin, beynəlxalq təşkilatların bu sahədə birgə əməkdaşlıq imkanlarını müəyyənləşdirərək ümumi işin xeyrinə yönəltməkdən ibarətdir. Layihə çərçivəsində 2005-ci ildən bəri ölkənin müxtəlif bölgələrində 100 mindən artıq şagirdin təhsil aldığı 400-dək məktəb binası inşa olunub və yenidən qurulub.

Bunlardan əlavə, təhsilin birinci pilləsi sayılan məktəbəqədər uşaq tərbiyə müəssisələrinin yenidən qurulması işləri də uğurla həyata keçirilir. Fond 2014-cü il fevralın 24-də Heydər Əliyev Mərkəzində təhsillə bağlı daha bir layihəsini - “Məktəbəqədər təhsil müəssisələrinin inkişafı” proqramını təqdim edib və ötən dövrdə bəhs olunan proqram çərçivəsində çoxsaylı layihələr reallaşdırılıb.

Diqqətçəkən məqamlardan biri də ondan ibarətdir ki, Heydər Əliyev Fondunun təhsillə bağlı layihələri yalnız respublikamızla məhdudlaşmır. Fondun “Təhsilə dəstək” layihəsi ölkə hüdudlarını da aşıb. Proqram çərçivəsində Gürcüstan, Misir, Rumıniya, Rusiya Federasiyası, Pakistan və bir sıra ölkələrdə məktəblər yenidən qurulub və müasir avadanlıqlarla təchiz edilib.

MÜBARİZ

Paylaş:

Baxılıb: 695 dəfə