Kənd yollarının tikintisi gələcək illərdə daha geniş vüsət alacaq

Bakı:

26 °C

61 %

6 m/s

Əlaqə

AZ RU EN

Ana səhifə / Gündəm / Kənd yollarının tikintisi gələcək illərdə daha geniş vüsət alacaq

Kənd yollarının tikintisi gələcək illərdə daha geniş vüsət alacaq

17.08.2010 [09:34]

Prezident İlham Əliyev: Azərbaycanın bütün bölgələrində insanlar yaxşı yoldan istifadə etməlidirlər
Yol inkişafdır, mədəniyyətdir. Məhz bu səbəbdən tarix boyu inkişaf edən şəhərlər Böyük İpək yolunun üstündə olan şəhərlər, qəsəbələr olub. Bu tarixi fakt ölkəmizdə daim nəzərə alınır. İstər beynəlxalq əhəmiyyətli yollarımız, istərsə də ölkədaxili yollar təmir olunur, yenidən qurulur. Hətta keçilməz yerlərə dünya standartlarına uyğun yollar çəkilir. ötən il Biləsuvar şəhərinin dövrələmə avtomobil yolunun, Bakı - Quba - Rusiya Federasiyası ilə dövlət sərhədi yolunun 134 km hissəsi (105 km) 4 zolaqlı sement-beton örtüklü olmaqla və bu yolun 11 və 16 km-də 2 yol qovşağının, Gəndob-Xaçmaz avtomobil yolunda Vəlvələçay, respublikamızda ilk dəfə olaraq Zaqatala rayonu ərazisində Talaçay üzərində asma körpünün, Sabirabad rayonunda Araz çayı üzərində körpülərin, Masazır dairəsindəki yol ötürücüsünün tikintisi başa çatdırılıb. Bakı-Ələt (4-14 km), R-8 (29 km) - Lahıc-Brovdal, Bakı-Ələt-Qazax-Gürcüstan Respublikası ilə dövlət sərhədi avtomobil yolunun 43-cü km-i -Cingirdağ, Xocasən-Lökbatan, Ələt-Hacıqabul avtomobil yollarında, Şəki rayonu ərazisində Şin çayı üzərində körpülərin tikintisi işləri davam etdirilib. Tovuz çayı üzərində inşa olunan Qafqazın ən hündür körpüsü daxil olmaqla uzunluğu 10,6 km olan Tovuz dairəvi avtomobil yolu, Ucar-Yevlax avtomobil yolu, Ələt-Astara avtomobil yolunun 22 km hissəsi, Bakı-Şamaxı-Muğanlı avtomobil yolunun Bakı-Şamaxı hissəsi istismara verilib. Bu yolun Şamaxı-Muğanlı hissəsində işlər davam etdirilir.
Elə bu ilin arxada qoyduğumuz 6 ayına nəzər yetirsək, görərik ki, bu sahədə kifayət qədər böyük layihələr reallaşdırılmaqdadır. Məsələn, Nəqliyyat Nazirliyindən aldığımız məlumata görə, “Bakı-Tbilisi-Qars yeni dəmiryolu layihəsi” üzrə yolun Axalkələk-Kartsaxi (Türkiyə sərhədi) hissəsində yer yatağının hazırlanması və süni qurğuların inşası həyata keçirilir. Bu il avtomobil yollarının saxlanmasına ayrılmış vəsait də daxil olmaqla, bütün növ maliyyə mənbələri hesabına 841 milyon manatlıq iş həcmi yerinə yetirilib. ümumi istifadədə olan avtomobil yollarında 220 km, o cümlədən, Bakı şəhərində 26 km yol təmir olunub. Bakı Dairəvi-1, Bakı-Ələt, Kürdəmir-Ucar, Ucar-Yevlax, Yevlax-Gəncə avtomobil yolunun 0-50-ci km hissəsi, Gəncə-dairəvi, Qazax-Gürcüstanla dövlət sərhədi, Ələt-Astara-İran ilə dövlət sərhədi, Bakı-Rusiya ilə dövlət sərhədi avtomobil yollarında və Bakı-Şamaxı-Muğanlı avtomobil yolunun Şamaxı-Muğanlı hissəsində yenidənqurma işləri davam etdirilib. Bu günlərdə isə Bakı-Quba-Rusiya Federasiyası dövlət sərhədi avtomobil yolunun üzərində yerləşən Şabran dairəvi yolu və körpü kompleksi istifadəyə verilib. Avqustun 12-də Prezident İlham Əliyevin iştirakı ilə açılışı olan yol 16 minlik əhaliyə xidmət göstərəcək.
ümumiyyətlə, ölkəmizdə yol-tikinti işləri nəinki magistral yolları, eyni zamanda, kənd yollarını da əhatə edir. Prezident İlham Əliyev Şabran dairəvi yolu və körpü kompleksinin açılışından sonra Qusar ictimaiyyəti ilə görüşü zamanı deyib: “Kənd yollarının tikintisi gələcək illərdə daha da geniş sürətlə aparılacaqdır. çünki magistral yollara gəldikdə, demək olar ki, bütün əsas magistralların tikintisi uğurla davam edir. Bu gün Bakı-Quba yolunun bir hissəsi istismara verilibdir. çox böyük keyfiyyətə malik olan bir yoldur. Bütün başqa istiqamətlərdə - Bakı-Rusiya, Bakı-Gürcüstan, Bakı-İran sərhədi yollarının tikintisi, demək olar ki, bu il və gələn il ərzində başa çatmalıdır. O ki qaldı, kənd yollarına, onların tikintisinə böyük ehtiyac vardır. Ən ucqar yerlərdə, ən ucqar kəndlərdə bu yol tikintisi davam edəcəkdir. Azərbaycanın bütün bölgələrində insanlar yaxşı yoldan istifadə etməlidirlər”.
RUHİYYƏ

Paylaş:

Baxılıb: 1151 dəfə