Prezident İlham Əliyev Dövlət Dəniz Administrasiyasının yeni inzibati binasının açılış mərasimində iştirak edib

Bakı:

24 °C

72 %

10 m/s

AZ RU EN

Ana səhifə / Gündəm / Prezident İlham Əliyev Dövlət Dəniz Administrasiyasının yeni inzibati binasının açılış mərasimində iştirak edib

Prezident İlham Əliyev Dövlət Dəniz Administrasiyasının yeni inzibati binasının açılış mərasimində iştirak edib

29.12.2011 [18:55]

Azərbaycan Respublikasının Prezidenti İlham Əliyev dünən Dövlət Dəniz Administrasiyasının yeni inzibati binasının açılış mərasimində iştirak edib.
ölkə həyatının bütün istiqamətlərində olduğu kimi, dənizçiliyin inkişafı sahəsində də son illər çox böyük nailiyyətlər əldə olunub. Azərbaycan dünyanın 170 dövlətinin qoşulduğu Beynəlxalq Dəniz Təşkilatının tam hüquqlu üzvüdür. ötən dövrdə ölkəmiz bu təşkilatın dənizçilik sahəsində 20-dən artıq Beynəlxalq konvensiyasına qoşulub. Dövlət Dəniz Administrasiyası gəmiçilik sahəsində fəaliyyət göstərən müəssisələr, təşkilatlar və Azərbaycanın dövlət bayrağı altında üzən gəmilər tərəfindən bu konvensiyaların tələblərinin yerinə yetirilməsinə nəzarət işini həyata keçirərək müvafiq sahədə böyük uğurların qazanılmasını təmin edib.
Prezident İlham Əliyevin müəyyənləşdirdiyi siyasətə uyğun olaraq beynəlxalq səviyyədə dəniz dövlətləri sırasında və müvafiq beynəlxalq təşkilatlarda respublikamızın nüfuzunun daha da artırılması istiqamətində məqsədyönlü tədbirlərin həyata keçirilməsi davam etməkdədir. Dövlət Dəniz Administrasiyası qabaqcıl ölkələrin dəniz nəqliyyatı sahəsində təcrübəsinin öyrənilməsi və bu təcrübənin ölkəmizdə tətbiqinə xüsusi diqqət yetirir. ölkəmiz bu sahədə çoxtərəfli əməkdaşlıq fəaliyyətini təkcə Beynəlxalq Dəniz Təşkilatı ilə deyil, həmçinin Beynəlxalq Əmək Təşkilatı, Avropa İttifaqının Dəniz Təhlükəsizliyi Agentliyi, Qara Dəniz İqtisadi Əməkdaşlıq Təşkilatı və digər beynəlxalq qurumlarla da inkişaf etdirməkdədir. Dövlət Dəniz Administrasiyasının yeni inzibati binasının istifadəyə verilməsi dəniz nəqliyyatı sahəsində çalışan mütəxəssislərə göstərilən yüksək dövlət qayğısının nümunəsidir.
Dövlət Dəniz Administrasiyasının rəisi Qüdrət Qurbanov Prezident İlham Əliyevə raport verib.
Yeni inzibati binada yüksək şəraitin yaradıldığı qeyd olunub. Binanın birinci mərtəbəsində Ulu öndər Heydər Əliyevin büstü ucaldılıb, ümummilli liderin dəniz gəmiçiliyi sahəsində xidmətlərini əks etdirən fotolardan ibarət guşə yaradılıb.
Prezident İlham Əliyev burada Azərbaycan Respublikasının bayrağı altında üzən müxtəlif tipli gəmilərin maketləri ilə tanış olub.
Sonra Azərbaycan Prezidenti Dövlət Dəniz Administrasiyasının inzibati binasında yaradılan Uzaq Məsafədən Tanınma və İzləmə Milli Mərkəzi ilə tanış olub.
Mərkəzin fəaliyyəti barədə ətraflı məlumat verən Qüdrət Qurbanov bildirib ki, bu mərkəz ölkəmizin qoşulduğu “Dənizdə insan həyatının mühafizəsinə dair Beynəlxalq Konvensiya”nın tələblərinin yerinə yetirilməsi məqsədilə Xəzəryanı ölkələrdə ilk dəfə olaraq Azərbaycanda yaradılıb. Milli Mərkəzin əsas funksiyaları Azərbaycan Respublikasının ərazi sularında üzən gəmilərin mövqeyinin peyk və radarlar vasitəsilə izlənilməsi, onların hərəkətinin təhlükəsizliyinin təmin edilməsi, naviqasiya xəbərdarlıqlarına və hava haqqında proqnozlara dair müvafiq məlumatların gəmilərə çatdırılması, “Azərbaycan Respublikasının ərazi sularında üzmə Qaydaları”na riayət olunmasına nəzarətin həyata keçirilməsi, gəmilərdən daxil olan həyəcan siqnallarının (SOS) və digər əldə edilmiş məlumatların aidiyyəti dövlət qurumlarına çatdırılmasının təmin edilməsi və əlaqələndirilməsinin təşkili, habelə beynəlxalq təşkilatlar daxil olmaqla, digər ölkələrin eyniadlı milli mərkəzləri və gəmiçilik şirkətləri ilə mütəmadi olaraq operativ əlaqənin yaradılması və informasiya mübadiləsinin həyata keçirilməsindən ibarətdir.
Mütəxəssislər uzaq məsafədən gəmilərin tanınması və izlənilməsi prosesini nümayiş etdiriblər. Qeyd olunub ki, Uzaq Məsafədən Tanınma və İzləmə Milli Mərkəzi öz texniki təchizatı baxımından bir çox qabaqcıl Avropa dövlətlərinin oxşar qurumlarını qabaqlayır. Milli Mərkəzdə işə cəlb olunmuş mütəxəssislər xarici ölkələrin müvafiq mərkəzlərində xüsusi təlimlər keçiblər.
Mərkəz ilə tanışlıqdan sonra dövlətimizin başçısı inzibati binanın ayrı-ayrı otaqları, konfrans və iclas zalları ilə də tanış olub.

Paylaş:

Baxılıb: 1105 dəfə