Heydər Əliyev
yeni azerbaycan logo

Ana səhifə / İqtisadiyyat / ASCO istiqrazları nə vəd edir?

ASCO istiqrazları nə vəd edir?

29.12.2022 [10:42]

“Azərbaycan Xəzər Dəniz Gəmiçiliyi” QSC-nin 100 milyon ABŞ dolları dəyərində “ASCO istiqrazları” dövriyyəyə buraxılıb. Bu məqsədlə “ASCO istiqrazları - Uğurlu gələcəyə birgə yelkən açaq!” şüarı ilə tədbir keçirilib.

Belə ki, 100  min ədəd emissiya edilən istiqrazın hər birinin nominal qiyməti 1000 dollardır. Qiymətli kağızlar 5 il dövriyyədə olacaq. Onların illik gəlirliliyi 6%-dir. Faizlər ildə iki dəfə 6 aydan bir olmaqla ödəniləcək.

Borcu olmayan şirkətin qiymətli kağızlarını alın!

ASCO-nun istiqrazlarının təqdimat mərasimində qurumun sədri Rauf Vəliyev potensial investorlara müraciət edərək deyib: “ASCO istiqrazlarına pul yatıran investorlar, demək olar ki, borcu olmayan şirkətin qiymətli kağızlarını alacaq. Siz proqnoz marjası 20 %, real marjası isə 30 % olan, borcunun kapitalına nisbəti 1%-dən aşağı olan, borcunun aktivlərinə nisbəti 40 % proqnozlaşdırıldığı halda 1%-dən aşağı olan şirkətin istiqrazlarını alırsınız”.

ASCO-ya sədr gələndə bir hədəfim  vardı

Səhmdar cəmiyyətinin sədri istiqrazların ölkənin qiymətli kağızlar bazarının inkişafına töhfə verəcəyini, vətəndaşlar üçün mənfəətli və etibarlı investisiya imkanları yaradacağını söyləyib. Onun sözlərinə görə, əldə olunan gəlir yeni tipli böyük gəmilərin alınmasına yönəldiləcək.

 “ASCO 8 ildir ki, mənfəətlə işləyir. Gələndə bir hədəfim var idi. O da qurumun IPO-ya getməsi idi. İstiqraz buraxılışı bu istiqamətdə ilk addımdır. Bilirdim ki, bu proses çətindir və bəlkə də, biz o günü görməyəcəyik. Amma gələcək nəsillər görəcək. Amma şükürlər olsun ki, biz ilk mərhələni görə bildik və istiqrazları buraxdıq. Şükürlər olsun ki, 2014-cü ildən bəri biz mənfəətlə işləyirik. Hazırda 15-ə yaxın gəmimiz dünya sularında üzür”,- deyə sədr vurğulayıb.

Bundan başqa, ASCO 100 milyon ABŞ dolları dəyərində istiqrazları satdıqdan sonra daha 50 milyon dollarlıq istiqraz buraxacaq. Məqsəd daha geniş bazarlara çıxış əldə etmək və bu ili 70-75 milyon manat mənfəətlə başa vurmaqdır.

Qeyd olunub ki, ASCO istiqrazları üzrə faiz ödənişləri ödəmə mənbəyində tutulan vergidən azaddır. Onları həm ilkin, həm də təkrar bazardan almaq mümkündür. Bunun üçün yaxın 2 ay ərzində “PAŞA Kapital İnvestisiya Şirkəti”nə müraciət edərək abunə yazılmaq lazımdır. İstiqrazların ilkin bazarda yerləşdirilməsi başa çatdıqdan sonra investorlar onları istədikləri vaxt ölkədə fəaliyyət göstərən investisiya şirkətlərinə müraciət edərək sata bilərlər. www.ascoistiqraz.az saytına daxil olmaqla və yaxud 1548 nömrəsinə zəng vurmaqla ətraflı məlumat əldə etmək mümkündür.

Öz növbəsində, Azərbaycan İnvestisiya Holdinqinin Baş icraçı direktoru Ruslan Əlixanov tədbirdə çıxış edərək bildirib ki, bu il holdinqin şirkətləri, o cümlədən ASCO mənfəət üzrə rekord göstəricilərə nail olub. Onun sözlərinə görə,  ASCO ölkəmizdə uğurla fəaliyyət göstərən şirkətlərdən biridir.

MÜŞFİQƏ

Paylaş:
Baxılıb: 135 dəfə

Xəbər lenti

Hamısına bax

Xəbər lenti

Xəbər lenti

Mədəniyyət

Bir əsr, 32 il...

02 Fevral 11:00

Xəbər lenti

Regionda birinci...

02 Fevral 10:59

Xarici siyasət

Analitik

Xəbər lenti

Siyasət

Gündəm

Gündəm

Xəbər lenti

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28