Heydər Əliyev
yeni azerbaycan logo

Ana səhifə / Mədəniyyət / Fərhad Bədəlbəyli: Bütün şəhərlər bizim üçün doğmadır, amma Şuşa özlüyündə nadir bir şəhərdir

Fərhad Bədəlbəyli: Bütün şəhərlər bizim üçün doğmadır, amma Şuşa özlüyündə nadir bir şəhərdir

31.08.2021 [09:54]

Mən xoşbəxtəm, çünki 1982-ci ildə atamla birgə Şuşada Molla Pənah Vaqifin məqbərəsinin açılışında iştirak etmişəm. Həmin açılışda Ulu Öndər Heydər Əliyevlə birlikdə maestro Niyazi, Qəmər Almaszadə, Süleyman Rüstəm və digər ziyalılarımız da olub.
Bunu Şuşada keçirilən Vaqif Poeziya Günləri çərçivəsində AZƏRTAC-a müsahibəsində Bakı Musiqi Akademiyasının rektoru Xalq artisti Fərhad Bədəlbəyli söyləyib.
Fərhad Bədəlbəyli deyib: “O zaman mən və Polad Bülbüloğlu cavan idik. Biz tarixi hadisənin şahidi olduq. Lakin 1992-ci ildə biz Şuşanı itirdik. Sağalmayan yara öz işini görürdü. Ümidimizi yavaş-yavaş itirirdik. Amma 44 günlük Vətən müharibəsində Ali Baş Komandanın rəhbərliyi ilə igid əsgərlərimiz bu Qələbəni bizə bəxş etdilər. Bu gün hansı xarici ölkəyə getsək qalib xalqın nümayəndəsi kimi gedəcəyik.
Xoşbəxtəm ki, bu tədbirdə iştirak edirəm. Xoşbəxtəm ki, mayın 13-də “Xarıbülbül” musiqi festivalında iştirak etmişəm. Şuşa hər bir azərbaycanlı üçün unikal bir şəhərdir. Bütün şəhərlər bizim üçün doğmadır, Naxçıvan da, Kəlbəcər də, Tərtər də, Zəngilan da. Amma Şuşa özlüyündə nadirdir və onun öz yeri var. Ziyalılarla birlikdə bu gözəl tədbirdə iştirak etmək mənim üçün böyük şərəfdir”.

Paylaş
Baxılıb: 106 dəfə

Xəbər lenti

Hamısına bax

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31